كانت طفله مايتجاوز عمرها ال12عاما كانت ضحكاتها عاليه كانت مشرقه كالربيع كانت احلامها انت تصبح طبيبة كبرت ريتاج وصار عمرها 14 سنه
وكانت في الصف الاول المتوسط
ريتاج، ،،كنت اتعب وادرس واسهر حته اجيب درجه عاليه افرح بيها بابا وبيوم من الايام جنت راجعه من الدوام وجان اشوف عمتي اخت بابا موجوده جايبه ذهب وصاحت عليه تعالي ريتاج
عمتي، ،، جبتلج الذهب وصرتي مره وراح تزوجين ابن عمج تعاي شوفي الحلقه اتصير عليج
ريتاح، ،، لبستني الحلقه والقلاده والتراجي بعدين كمت من يمها رحت للاستقبال اكعد لحالي واشوف جهاز زوالي وترتيبات للغرفه صحت لامي كالت هذني ملاتج. اليوم عمج ومرت عمج جهزو وراحو. راحت امي واني كاعده افكر كنت احجي مع رب العالمين ياربي اني ماريد اتزوج ليش محد سئلني ليش بابا ماكلي واذا ابن عمي. المفروض يسئلوني. ودمعت عيوني وصرت ابچي ونمت وكعدت الصبح هم رحت لدوام وجانت الحلقه بايدي. وسئلني البنات كتلهن انخطبت وضلن يحجن عليه بعدج زغيره ومن هل كلام رجعت للبيت وجانت امي مسويه مركت بانيه ومخليتها ع صوبه وجان الجو شتوي وبارده ودنيا عصر تدري بجيتي وبجيت خواني خلت المركه ع صوبه حته تحمه اني اجيت خليت الكدر بالصينيه وجبت خبزه وخضره وكعدت اكل بالكدر هههههههه
كلت مو يكولون الي تاكل بالكدر عرسها يصير بالشتاء واني كلت لحته شبعت
كملت وغسلت لماعين وصليت
ورحت للغرفه قبل لا ادخل سمعت بابا يكول لماما راح يجون بيت حجي عكاب
حته يملجون ويعقد ع البنيه امي كالتله
ليش ماسئلتها تريد تزوج لو تكمل دراسه
بابا -- اخويه خطبها لابنه تريدين اسئله اطيها بعباتها. ونطيته كلمه قبل سنتين وهوه حاجزها لابنه وهسه تريدين نغير راينه. هذهو اجه نصيبها وابن عمها احسن من الغريب.
ريتاج - اني يأست ورحت للغرفه لفيت راسي ونمت.
صبحنه الصبح وجان اخر يوم الي اداوم
لان راح تبدي الامتحانات بعد 15 يوم
ومنا يبدي كلشي
اذا عجبتكم البدايه
حته نكمل كتبولي 😊🤎
