قصه ملوك

( البارت الرابع )

#ملوك
( البارت الرابع )
ملوك : ايه الصندوق ده .. ده شكله غريب اوى !! وشكله قديم اوى اوى
احمد : ايه ارجعه ولا ايه ؟
ملوك : لا خليه بقي ترجعه ليه ... بس شكله غريب اوى بجد ..؟ بيتفتح ازاى ده .؟
.........
( يوم الفرح )
ملوك : احححم !
احمد : اخيرا ! اخيرا يا ملوك اتجمعنا تحت سقف واحد
ملوك : انا حاسه انى اول مره اشوفك النهارده . مكسوفه لدرجه ماتتخيلهاش رغم انى من ساعة ما وعيت ع الدنيا وانا بحبك ! عمرى ما حبيت حاجه ف الدنيا اد ما حبيتك !! كنت النور اللى بشوف منه الدنيا ... اتعلمت واتربيت على ايدك ! دايما كنت شايفاك وواخداك السند والحمايه !
احمد : انا كمان يا بنت اللذينه تعبت علشان ابقالك ! وابقي معاك ف اللحظه دى .... ( بيقرب منها ) 
ملوك : اححححم . احمممد ماتكسفنيش طيب انا جتتي متلبشه .. وهلكانه والله من الفرح والدوشه
احمد : ههههههههه طيب هسيبك تغيرى هدومك على ما اخد دش كده انا كمان !
ملوك : تمام . اخرج بره بقي
احمد : ( بيشكها بدبوس او حاجه ف ابهام ايديها بيخرج نقط دم )
ملوك : ااااااااى .. ايه يا احمد انت ماسك ايه
احمد : مش ماسك حاجه هتلاقيه دبوس من دبابيس البدله والفستان . فيه حاجه
ملوك : صابعى بينزل دم .. ناولنى المنديل ده
احمد : لا لا استنى !! ( بيطلع علبه بلاستيك صغيره من درج الكومدينو وبياخد نقطه الدم فيها
ملوك : مامسحتهاش ليه
احمد : عشان صابعك مايتلوثش .. ( بيمسحا ايديها بمنديل ) لسا بيوجعك . ؟
ملوك : لا خلاص
احمد : طيب يا حبيبتى غيرى هدومك يلا على ما اخد دش
.................
( حوار في أحد بيوت الدجل )
عثمان ( أحد الدجالين ) : عامله ايه يا شيخه براك
براك ( عرّافه بتقرأ الكف والفنجان لاهل البلد ) نحمد الله يا شيخ عثمان ايه جديدك ف البلد
عثمان : الحال واقف والدنيا نايمه ولا حد بيتجوز ولا حد بيخطب
براك : اه ! وده موسم صح ... بتروح من هنا تربط العريس ليلة دخلته وهو يا ولداه يلف السبع دوخات على شيوخ البلد كلهم والبلاد اللى جنبهم وف الاخر يجيلك انت علشان تفكله العمل اللى عملتهوله وتدفعه شئ وشويات
عثمان : هههههههههه مانتى عارفه ان دى اكل عيش .. ومابأذيش حد . يدوب . تلات اربع ايام وبفك العمل .. لا هو عمل سفلى ولا عمل من نار .. حاجه خفيفه كده
براك : ماهو ده اللى سوأ سمعتنا .. سمعة الارياف والحسد والاعمال والنيله على دماغنا
عثمان : الاعمال التانيه دى احنا مالناش فيها يا شيخه  . ومانقدرش اصلا نعملها ولا نفكر فيها .. والجن اللى بنسخرهم بيبقوا جن طيب على نياتهم .. لكن المرده والعفاريت والابالسه اللى ناس تانيه بتستخدمهم دول بيبقوا مؤذيين اعوذ بالله ... دنا مره من المرات جالى واحد كان عاوز يعمل عمل بالمرض والموت لواحده كان خاطبها واتفشكلت الجواز .. جالى قالى عاوزك تمرمطهالى وتخليها تيجى تلحس جزمتى ...
براك : وعملت ايه !
عثمان : هعمل ايه يعنى . خدت منه الفلوس وقولتله يمشي ومايجيش تانى والا هفضحه وهقول لاهل البنت
براك : براوه عليك ...
عثمان : ولا براوه ولا حاجه .. مانتى لو تعرفى هو كان عاوز يعمل ف مين
براك : يعمل ف مين . ؟
عثمان : ف بنت الشيخ حسن امام الجامع .. وده راجل بركه وممكن هو اللى ياذينى
براك : اه ! الجن بتاعك يخافوا من الشيخ حسن
عثمان : يخافو من ابوه .. الشيخ حسن واللى زيه من اوليا الله مايخافوش من العفاريت والمرده والجو الصغير ده .. دول مايخافوش غير منه
براك : من مين .؟
عثمان : من اللهم احفظنا
براك : ياراجل افتكرلنا حاجه عدله والنبى وسيب اللى محبوس محبوس ..
عثمان : ماهو مابقاش محبوس !!
براك : مين اللى قالك
عثمان : واحد من الجن ! بلغنى وكلهم مرعوبين ... وقالى ان عزازيل كلها خطوه واحده ويتفك
براك : ( بتقف على حيلها وبتتخض ) انت بتتكلم جد . ؟
عثمان : بتكلم جد للاسف !! وقالى كمان ان الشيطان ده بيصرخ صرخات تشيب العقول ونفسه يتفك ... ولو اتفك مش هسيب حد .. وكمان محاوط الصندوق بتاعه علشان مافيش حد من الجن يعرف مكانه ولا يعرف الصندوق فين ولا مع مين . ؟
براك : لبشت جتتى حرام عليك ! حرام عليك
عثمان : ادعى بس يقع ف ايد واحد ابن حلال . ويعرف يقرا عليه التعويذه
................
الشيخ حسن : ( بيقوم مفزوع من نومه )
خديجه : ( زوجة الشيخ حسن ) مالك يا شيخنا !! مالك خير يارب
حسن : دا باينه هيتفك يا خديجه !! سامعانى !! شكله هيتفك ( بيقوم مفزوع من نومته بيمسك سبحته وبيفضل يكبر ويسبح بصوت عالى )
................
احمد : ( عينه بتتحول لسواد ف سواد وبينزل منها نقط دم .. بيقعد أمام الصندوق ومعاه دم ملوك وبينزل نقطة الدم على فتحة الصندوق الخشبي وبيقرأ بكلام وتعويذات من كتاب )
..............
دى شكلها ليله سوده على دماغنا
#أحمد_سعد