روايه بنت الاكابر

(الحلقه الخامسه) ( هو مين الواد ده ...؟ )

(الحلقه الخامسه) ( هو مين الواد ده ...؟ ) <3
................
(في الحلقات السابقه )
حبيب قلبى اتأخرت بالشيشه ليه ياعم
عبد الله : معلش يا ريس الفحم كان لسا بيطيب
احمد : ماشى يا ريس ماااااااااااااشى تسلم ماتحرمش
سلمى : ( كاتمه الضحكه بالعافيه )
احمد : اتفضل يا باشا اتفضل ..
........
احمد :يابنت الهبله انتى سايبانى اتكلم والواد ورايا
......................... ( الحلقه الخامسه ) <3
سلمى : هههههههههههههههههههههههه هههههههههههههههههههههههههه ههههههههههههههههههههههههههه ههههههههههههههههههههههه يالهوى يانا ياما .. اقسم بالله كنت همووووووووووووت اول مانت قولتله حبيب قلبى اتفضل .. انا مالمحتوش والله
بس هو ماسمعش حاجه هو كان لسا جاى وانت بتبص ورانا
احمد : اه والله كان هيبقى منظرى زباله وانا عامل فيها عنتره بن شداد وعمال اشعر مع نفسي ... ايه الشعر اللى انا كنت بقوله ده
سلمى : ههههههههههههههه مش عارفه ... لا بس انت كنت مجلجل الصراحه . انا مش فاكره انت قولت ايه بس هو كلام حلو
احمد : بالامانه ؟
سلمى : بالامانه حلو ههههههههههههههه
.........................
سلمى : انت حجزت للعيال ولا لسا
احمد : اه . بقولك ايه ... انا هعمل مقلب ف الواد مصطفى ومراته
سلمى : هههههههههههههههههه معاك يا معلم . بس مقلب ايه
احمد : مقلب هيخليه يلف حوالين نفسه ... دا الضحك ساعتها هيبقى للركب .
سلمى : ههههههههههههههههه طب احكيلى عليه والنبى
احمد : شوفتى بتاع المساج اللى هناك ده
سلمى : اه
احمد : هدخل على مصطفى واقوله انا اتفقتلك ياض يامصطفى على جلسه مساج انما ايه حاجه كده هتخلى جسمك يفك . واللى هتعملك المساج كمان بنت روسيه زى القمر
وهو اصلا اهبل ما هيصدق
سلمى : ههههههههههههههه طب وبعدين . فين المقلب بقي
احمد : لا ماهو انتى هتخلى اسماء تقوم بدور البت الروسيه
سلمى : ههههههههههههههههههههههههههه يالهوى . طب ازاى
احمد : انتى هتكونى قاعده معاها ساعتها وانا هتصل عليك من بعيد شويه وانتى تعملى نفسك بتكلمينى ومتضايقه ان مصطفى هيروح يعمل مساج من غير ما ياخد اسماء معاه . اقوم انا قايلك لا اوعى تقولى لاسماء عشان بنت روسيه اللى هتعمل المساج ... اسماء بقي تسمع ساعتها .. وكل سنه وانتى طيبه بقي ههههههههههههههه تجيبيها على مكان الاصبا وانا هدخلها تعمل المساج هى بعد ما انيم مصطفى على بطنه واخلى وشه تحت ههههههههههههههههههه والله هصورهم
سلمى : ههههههههههههههههه يامجنون يابن المجنونه دى ممكن تعمل فيه حاجه ياعم
احمد : اه منا عاوز كده .. عاوزها تولع
سلمى : بجد يا احمد انت شخصيه غريبه ههههههههه
انت ايه مابتعرفش تبقى عاقل كده وتبطل جنان شويه
احمد : لو بطلت جنان اموت
سلمى : بعد الشر ؟ ليه بتقول كده
احمد : عشان الحزن ليه ناسه يا لومه ، وانا اتعودت اخد حقى م الدنيا غصب عن عين ابوها
وواجبى انى افرح كل اللى حواليا واللى بحبهم
الروتين عجز ومرض
ومابيعجزش غير الضعيف
وانا مش ضعيف ومابعرفش اكون ضعيف ...
ف هعيش مجنون ياما هموووووت
سلمى : هو انا جايبنى ورا معاك غير جنانك ده
احمد : المهم تبقى تمثلي صح قدام اسماء
سلمى : اعتبره حصل يا باشا
احمد : ساره بقي
سلمى : هههههههههههههههههههه ايوه بقي .. ادخل على ساره عاوزه اخليها تكلم نفسها
احمد : هههههههههههههههه لا دى ليها روقه تانيه . والنعمه لاخليهالك مش نافعه
سلمى : هههههههههههههههههههههههههه هى تستاهل بصراحه
احمد : اه دى الغاليه ههههههههههههه كنا عاوزين نجيب البت مروه معاهم بس هيبقى صعب ونور ومى اخوات مصطفى واسماء بس دول كانو هيعملولنا مورستان
سلمى : اه صعب . المرات جايه كتير بقي .............. بقولك ايه
احمد : مافيش شيشه
سلمى : اقسم بالله اموت واعرف انت بتعرف ازاى اللى بفكر فيه
احمد : بردو مافيش شيشه وماتطلبيش الطلب ده تانى قولتلك
سلمى : طيب يارخم
احمد : وبتحبى واحد رخم ليه
سلمى : عشان رخمه
احمد : هههههههههههههههه ايوه كده
سلمى : ماتيجى ندخل على النكد شويه
احمد : يلا بينا
سلمى : ههههههههههههههه جاهز انت ..
سلمى : لو ماكنتش لقيتنى يا احمد واتقابلنا بالصدفه دى . كنت هتعمل ايه ؟ كنت هتدور عليا ولا كنت ممكن تحب واحده تانيه وتتجوزها ولا كنت هتقول مش متجوز الا سلمى
احمد : بصي يا سلمى وركزى معايا
سلمى : سامعاك يا روحى
..............
احمد : من اول يوم شوفتك فيه ف الجامعه وانا قولت لنفسي البت دى بتاعتى
قربت منك ولقيتك انتى كمان مرحبه بوجودى
قولت ادخل معاك وابدا علاقتى بيك على شكل اننا اصحاب
على قد مانتى كنتى بنوته عسل ف نفسك كده وعمرك ما جرحتى حد بفلوس ابوك او انك تحسسي حد انه اقل منك
على قد ما ده كان الحاجز الوحيد بينى وبينك
دايما كنت حاسس بحاجه غلط
من كل ناحيه
ناحيه انك اغنى منى بكتير
ناحيه انك انتى ذات نفسك ممكن تحبينى حب اللى هو منفلوطى . اللى هو بنت الباشا بتحب ابن الجناينى الشهم الحلو اللى نفسها تحب من النوعيه دى ومش عاوزه من نوعيه البشوات اللى هى منهم
انتى عارفه انا قررت اقولك كم مره بحبك ورجعت ف كلامى
ف اليوم الواحد كنت بكون عاوز اقولك فيه بحبك ييجى 10 مرات
بس برجع امسك لسانى
وكنت لما احس انى خلاص مش قادر وهقولها لو شوفتك ... كنت بتهرب منك واقولك ورايا اى حاجه
فاكره ف مره من المرات كنت قاعد انا وانتى وساره والبت اسراء صاحبتنا الدحيحه اللى كانت ف طب
ومره واحده كده لقيتونى سكت وبصتلك وقولتلك بت ياسلمى
وانتى قولتيلى نعم يا حمو
ساعتها انا اتلجمت ومقدرتش انطق وحسيت انى مشلول
لسانى عاوز ينطق وصدرى طابق مش عاوز ينطقها
يومها انتوا خدتوا الموضوع بهزار ... وانا قلبته بهزار معاكوا وقولتلك لا مافيش حاجه بجرب ف الاسم .... وبعدها بدقيقتين سيبتكوا وقومت اروح الحمام
ببص ف المرايه لقيت عينى شبه رايجه كده ومش ثابته كأنى كنت بعمل مجهود
او كنت بجرى لمده 20 ساعه ومش عارف اخد نفسي
عارفه !
مهما اوصفلك عن احساسي انى ف حضنك ده عامل ازاى مش هتصدقي
ورحمه ابويا ما عاوز حاجه م الدنيا غيرك وغير ان اهلى يكونوا كويسين
انتوا اغلى حاجه عندى ف الدنيا ياسلمى
اما بخصوص انى كنت هتجوز غيرك لو ماكنتش لقيتك
ف ده كان مشروط بحاجه
يعنى انا كنت واخد وعد على نفسي انى استحاله هقرب من بنت تانيه او افكر ف الجواز الا لما اعرف فين سلمى وتكونى انتى اتجوزتى او حد دخل حياتك من بعدى
كنت كل ما اشوف بنت حلوه جميله كنت افضل ابصلها واضحك
لدرجه انها ممكن تكون بتقول ف سرها اي الواد المجنون ده
بس انا ماكنتش بكون شايفها اصلا انا بكون شايفك انتى
لما حد من اصحابى كان يسالنى انت لسا فاكرها ؟
كنت برد عليهم واقول "
اول ما بصحى بتخيل ايديها ماشيه على شعرى
مع اول بوء قهوه باخده من الفنجان بعد ما اكون شوفت وشها فيه
كل ما اركب عربيه واشوفها ف مراياتها
لما اركب اتوبيس وتوحشنى كلبشتها ف قميصى
كل ما الموبايل يرن وماتكونش هيا
بشوفها ف كل الناس وافضل سرحان فيها وبفوق على كلمه منهم احمد انت معانا ..؟
فيه ناس ف الدنيا دى ربنا بينعم عليها بفلوس بجاه بسلطه بجمال بنفوذ
لكن ربنا انعم عليا بسلمى ...
كلمه من اربع حروف مزلزله ومسلسله قلب واحد عرف من البنات انواع
ومافيش مخلوقه منهم قدرت تهزله شعره الا هى
( بيمشى ضهر ايده على خدها )
انتى عارفه !
انا عاوز انشر حكاياتى معاكى دى للناس كلها
اعرفهم حبيتك ازاى
شوفنا بعض ازاى
اعرفهم يعنى ايه الحب اللى بجد
ويعنى ايه قلب واحد ساكن ف جسدين
افهمهم ان كل ده مش خيال زى ما هما اتعودوا يرددو زى البغبغانات
اتعودوا يقولو مافيش حب كده
مافيش رقه كده
مافيش اتنين هيفضلوا يحبو بعض كده
مايعرفوش انهم لو عاوزين كده هيلاقوه بس هما وصلوا لمرحلة قرف جوه عقولهم مصورالهم انهم خلاص مش هيعرفوا يعملوا اى حاجه من دى وان يدوب يدوب الجواز ده كبيره شهر او شهرين
( بيبوس بطن ايديها وبيحط ايديها على صدره )
وعلى فكره !
انا كنت صاحى النهارده وانتى بتكلمينى وبتلعبى ف شعرى وسمعتك ههههههههههههه شوفتى بقي انتى بالنسبالى ايه
سلمى : ( بتعيط )
احمد : بطلى عياط بقي .. تاخدى نفس م الشيشه طيب ؟
سلمى : هههههههههههههههههه
بتعرف تبكينى وتضحكنى ف نفس الدقيقه
احمد انا متطمنه بيك وبوجودك
انا اللى مش عاوزه حاجه م الدنيا غير الحضن اللى انت حاضنهولى ده
عارف احساس ان انت عايش ف الدنيا مش خايف من اى حاجه ف اى حاجه
عشان عارف ومتأكد ان وراك جبل هيشيلك مهما عكيت او مهما الدنيا جات عليك
انت بالنسبالى الجبل ده .
عشان كده انا عاشقاك من ساسك لراسك
احمد : انتى عارفه !
( بيطبطب عليها وهى ف حضنه )
كنت بفضل اسأل نفسي طب ليه انا اوصل لمرحله الروتين واللامبالاه بينى وبين مراتى مع العلم انه ممكن اكون متجوز فعلا عن حب
لقيت ان الحوار كله ف كلمه واحده
سلمى : ايه هى !؟
احمد : الكيميا
سلمى : ازاى ؟
احمد : ان لازم تكون كيميتهم زى بعض
دماغهم زي بعض
لاسعين مجانين عاقلين زى بعض
ويكونوا بحالات .. يعنى يتجننوا مره ويعقلوا مره
كل المشاعر يعيشوها ومايبخسوش على نفسهم اسبوع اجازه كل شهرين تلاته يعيشوه مع بعض
مش عيب انى اخد اجازه كل فتره اطلع فيها مع مراتى او حتى اقعد معاها ف البيت مانعملش حاجه غير اننا قاعدين مع بعض
نسمع بعض
نحب ف بعض
نشوف ايه اللى مضايق التانى وايه اللى بيعصبه او انا عملت ايه ضايقها الفتره اللى فاتت
بس للأسف الاتنين بيكونوا داخلين بمنتهى الانانيه
هو داخل ينام معاها ويشبع منها ويقضى غريزته وبعد اول حمل ليها وبطنها تتشوه وماتلبيش رغبته ف الوقت ده بصوره كامله ترضيه ساعتها بيتحول لديب سعران وبيطلع عقده ف حته تانيه
زى ايه اللى انتى لابساه ده ؟ ليه مابتسرحيش شعرك ؟ ليه مابتهتميش بنفسك ؟
ليه البيت مش مترتب ؟ ايه العيشه دى ؟ انا جعان ؟ خدى عيالك وادخلو جوه
كل ده اسمه نقص .. !
بيحاول يكرهها ف نفسها عشان ترجع تلبى رغبته من تانى وساعتها هتكون الملاك الطيب اللى مافيش منها اتنين
مع العلم انه يقدر يخليها تعمل كل ده بس بحب بقا وبذكاء
ساعتها هى اللى تضايق لو شكلها اتغير ودايما هتحاول تعجبه وتلبسله احلى واجمل حاجه ... بس بشويه تقدير منه مش اكتر
اما هى بقي خايبه
تعرفى ياسلمى ان الستات دول عالم خايبه اوى ؟
سلمى : خايبه ...!؟ ازاى ؟ يابنى ان كيدهن عظيم
احمد : ماهو وكتاب الله خيابتهم ف كده
واحده داخله تتجوز وف عقلها حب قديم بيطاردها وكل ما تشوف بوست رومانسي ولا فيلم حلو ولا روايه مكتوبه بشكل كويس تفضل تتحسر على نفسها وتقول عامل ايه دلوقتى يا فلان ووحشتنى يا علان
دى اسمها خيابه
خلاص انا اتجوزت وقررت انى اعيش حياتى وابدأها مع شخص شارينى يبقى خلاص اشتريه بقي
والذكريات اللى هى عاشتها دى مش بقولك تنساها
بالعكس .. تداوى الذكريات بالذكريات
تعمل ذكريات جديده
تفتكر الذكرى القديمه وتضحك وتعيش بيها وتضحك عليها مش تبكى عليها
عندك واحده تانيه دايما تبص لغيرها
دى جابت ودى عملت ودى راحت ودى سافرت .. طب ليه ؟
عيشى على قد امكانيات جوزك ... ساعديه . قويه .... واهتمى بظروفه وحسسيه انه مش مقصر معاكوا ساعتها هيقطع من لحمه وهيعمل قرد عشان مايحوجوش لحد
بس لا ... دايما محسساه بالقله وانه اقل من اى زوج تانى ف مكانه
وانها اللى غلطانه لما وافقت عليه
صدقينى يا لومه مافيش حاجه تجرح الراجل قد الكلمه دى حتى لو اتقالت ف وقت غضب او حتى بهزار ..... !
صدعتك انا صح ... ؟
سلمى : كل يوم بتعلم منك حاجه
دماغك دى بحر محدش عارف قرارها غيرك
فاهم الدنيا وبتحاول تتكلم ع اللى انت عارفه وشايفه
انت عارف انا نفسي ف ايه دلوقتى ... ؟
احمد : ايه يا روحى
سلمى : نفسي الزمن يرجع لاول يوم اشوفك فيه واعترف انى بحبك من اول مره عشان ارجع اعيش معاك الاربع سنين اللى عدوا من عمرى وعمرك واحنا بعيد عن بعض
احمد : صدقينى هنعوضهم
اصل انتى مش عارفه .. فتره صلاحيه الجواز ف مصر 3 سنين
بعدها الجواز بيبقى عامل زي طبق باميه بايته بقالها 4 ايام
هههههههههههههههههه انا بقي هخليلك الجواز صينيه بسبوسه بالقشطه على طول
مع شويه جمبرى بقي عشان عارفك بتحبيهم
على شويه كفته متعصجين على الفحم عشان بحبهم
سلمى : هههههههههههههههه انت جوعتنى على فكره
احمد : وكتاب الله انا اللى بدات اشم الحاجات اللى قولتها دى ههههههههههه قومى يابت انا جعان . تعالى ناكل الحاجات اللى قولتها دى
سلمى : ايوه قوم والنبى انا كحانه
احمد : انتى ايه ؟
سلمى : كحانه يا حمووو
احمد : اقعدى مافيش اكل
سلمى : هههههههههههههههههه لا قوم بقي
احمد : طب اعدلى لسانك عيب . بدل ما نطلع الاوضه بدل المطعم
سلمى : ههههههههههههه حاتر . قصدى حاااااااضر
احمد : بردو ؟
سلمى : منا خلاص لحقتها اهو
احمد : طيب يلا هقوم احاسب الواد ع الشيشه ونيجى نمشى
سلمى : اثطا ... بثرعه بقي عثان كحانه اوى يا حموتى
احمد : يا نهار اسود ع الكلام
...................
( ف مطعم )
احمد : ايه ده انتى بتعملى ايه ؟
سلمى : ايه باكل
احمد : انتى هتاكلى السمك والجمبرى دول بالشوكه والسكينه ولا ايه
شمرى هدومك يا ماما كده ودوسي
سلمى : هههههههههههههههه مايصحش ياعم الاجانب حوالينا
احمد : اجانب مين ياكش يولعوا .. ماتخلنيش اقولهم هاتولى الاكل ديليفرى ع البيت . انا مابعرفش اكل السمك اصلا غير وانا قالع هدومى هههههههههه
سلمى : هههههههههههههه ليه يعنى ؟
احمد : لازم افصفص السمكايه كلها على مزاج كده
السمكه بتطلع من تحت ايدى بتستغيث
طالما هاكل سمك يبقى انا مزاجى رايق .. ماباكلوش وانا متضايق على فكره
سلمى : طيب كويس ادينى عرفت حاجه اهو
احمد : طيب يلا ارمى السكينه والشوكه دول
سلمى : احححححم
احمد : احم ايه وبتاع ايه .يلا
سلمى : ( بترميهم ) يلا يا جدع ياكش يولعوا بجاز
احمد : ههههههههههههههههه حبيبتى يا ناس .. ناولينى البلطيايه المبطرخه اللى هناك دى
سلمى : اهو ... ناولنى انت شويه الجمبرى المقرمشين دول
احمد : اهو .. خشى عليا بقي بشوربه السيفود دى
سلمى : اهى بس خلى بالك دى حاره اوى
احمد : ايوه ماهو حلاوتها ف الحر بتاعها ... بتطلع ف النافوخ على طول
سلمى : ههههههههههههههه اه
احمد : ياساتر يارب . ايه الشوربه الفاجره دى .. انا حاسس انى شعرى وقع هههههههههههههههههه
سلمى : هههههههههههههههههه لا دانت قربت تنور
احمد : ههههههههههههه لا مش هنور دلوقتى لسا .. خلى النور ف الاوضه النهارده حاسس ان هيحصل زلازيل وبراكين النهارده
سلمى : هههههههههههههههههه لا انا هنام على طول النهارده
احمد : تعملى ايه ياختى ؟
سلمى : هنااااااااام
احمد : وحياه امك ؟ يعنى بعد كل الاكل ده وتقوليلى هنام . نامت عليكى حيطه دنا ممكن ارجعك على اسكندريه مشي الاكل اللى قدامنا ده اسمه حجر جهنم هههههههههه
سلمى : ياااااااه للدرجادى
احمد : بصى .. هما حاجتين ينفعوا الرجاله .. الكوارع ولحمه الراس .. واكله سمك زى دى .. وبما انى عارف انك ماتعرفيش يعنى ايه كوارع اساسا ههههههههههههههههه ف خلينا ف السمك
سلمى : ايوه فكرتنى ... ايه الكوارع دى . انا بسمعها كتير . يعنى ايه يعنى ؟
احمد : انتى هتهزرى ؟ ماتعرفيش كوارع يعنى ايه ؟
سلمى : اه والله ماعرفش
احمد : طب دى اقولها ايه دى
بيكلم ف سره (منا خايف اقولها تكرهها اكتر وتكرهنى فيها وتكرهنى انا شخصيا )
بصى يا روحى
الكوارع دى عامله زى المحشى كده
بس المحشى ده اللى هو كورمب او ورق عنب وبنحشيه خلطه رز صح ؟
........................