روايه بنت الاكابر

(الجزء الخامس ) (الحلقه الرابعه عشر (ونهاية الجزء الخامس ) ( ربنا يستر )

(الجزء الخامس )
(الحلقه الرابعه عشر (ونهاية الجزء الخامس ) ( ربنا يستر ) <3
................
(في الحلقات السابقه )
سمر : لا والله ماسألتش .. بس لهجته بتقول انه اسكندرانى
هاله : ههههههههههههههههه ايوه بقا . بلدياتى . لا شكلنا هنقضى يومين حلوين هنا
سمر : قولى يارب . بس مراته صعبه على فكره . طلع بيخاف منها ههههههههههههه
هاله : يا حبيبتى اللى زى ده لازم مراته تكون صعبه لاحسن هى لو غفلت عينها عنه دقيقه واحده مش هتلاحق ههههههههههههههههههه
سمر : المهم لما البنات تيجى هندخل نتعرف عليهم من تانى من جديد ولا كأننا اتكلمنا معاه قبل كده . اشطا ؟
هاله : ههههههههههههههههه اشطا
.................. ( نهايه الجزء الخامس ) <3
احمد : يا ولاد المجنونه . عملتلولى ايه ف البت
ساره : احسن عشان تتربى . وماتمشيش وراك
احمد : يا ولاد العبيطه انتى وهى ..
سلمى : الحقنى يا احمد دول غطسونى ف البيسين
احمد : طب تعالى غيرى هدومك .. وانا والمصحف لنا مربيهم
سالى : اكتر من كده ايه ياعم . نازلين ف بعض تلطيش من اول اليوم وانت بتقول هربيهم . احنا استوينا حرام عليك
احمد : اللى يرش سلمى بالميه ارشه بالدم . والمصحف لنا مربيكوا هههههههههههههه صبركوا بس عليا اطلع اغير للبت اللى غرقتوها دى . يخربيوتكوا عملتوا فيها ايه
سلمى : ( بتطلعلهم لسانها )
ساره : لمى لسانك يابت الهبله احسنلك
سلمى : هههههههههههههه ولا تعرقوا تعملوا حاجه
سالى : ههههههههههههههههههههه كنتى عامله زى الفار المبلول دلوقتى .
سلمى : محصلش ... ربعايه ونازلين تانى ...
ساره : ايوه بس ماتتأخروش فوق لاحسن انا عارفاكو مابتصدقوا تطلعوا فوق
احمد : خليكى ف حالك يا زينب والنبى . مال اهلك انتى
ساره : ياعم روح ياعم .
سالى : اجى اساعد سلمى طيب ؟
احمد : تعالى .. لو جدعه تعالى
سالى : هههههههههههههه اجى فين ياعم صلى ع النبى ... ولا اعرفها
سلمى : عالم جبنات يا اخى . ايه الجبن ده يابت
سالى : اه انا جبانه عاجبنى
احمد : ماشى احنا شويه وراجعين
.....................
( بعد نص ساعه ع البيسين )
احمد : ايه يا مزز امال فين مصطفى واسماء
ساره : سالى كلمت اسماء دلوقتى وقالت انهم نازلين . هيفطروا بس
احمد : طيب ... مافيش واحده فيكو تنزل تسابقنى طيب
سلمى : انا هنزل
احمد : ايوه ماحنا كلنا هننزل الميه بس عاوز حد فيكو يسبقنى .
سلمى : انا هسبقك
احمد : ولا تعرفى اسكتى اسكتى .. انا قايم اجيب حاجه نشربها
.............
سمر : صباح الخير عليكو
سلمى : اهلا صباح النور
سمر : مصريين انتوا مش كده
سلمى : اه يا حبيبتى اتفضلوا معانا
هاله : الحقيقه انا وصاحبتى جايين نقضي يومين كده هنا بس زهقنا بصراحه . اول مره الفندق هنا مايبقاش فيه مصريين كتير غيركو تقريبا
سلمى : اه .. موسم بقي اليومين دول وكل الحجوزات اجانب
سمر : طب تمانعوا اننا ننضم ليكوا يعنى ولا هنسببلكوا ازعاج ..
سلمى : ايه ؟ لا عادى تنورى . انتوا جايين امتى ومسافرين تانى امتى
سمر : احنا لسا واصلين النهارده الفجر وهنقعد اسبوع
سلمى : يا خساره احنا هنا بقالنا 10 ايام ومسافرين بكره
سمر : يا خسااااااااااااره زعلتونى والله .. على فكره انا متابعاكوا من ساعه الفطار . ساعه ماكانو بيجروا وراك هههههههههههههههه هما كانو بيجروا وراكي ليه ؟
سلمى : ههههههههههه جوزى ياستى عمل فيهم مقلب وخلانى انا اللى انفذه . ولما عرفوا جروا ورايا
سمر : ههههههههههههه اه منا شوفته بيضحك
سلمى : اهاا شوفتيه بقي
هاله : اه بس انتوا اسكندرانيه صح
سلمى : هههههههههههههه اه اكيد طبعا اللهجه مش باينه ولا ايه
سمر : لا تمام ...
ساره : احنا اتشرفنا بيك يا . انتوا اسمكوا ايه بقي
سمر : انا سمر ودى صاحبتى هاله ... علاقات عامه ف شركه ف مصر وليها فروع ف اسكندريه وشرم هنا ف جايين نخلص شويه حاجات ومنها يومين اجازه
سلمى : نورتونا والله .. وانا سلمى ودى ساره وسالى وندى ومعانا اتنين صحابنا تانيين بس لسا كسلانين ... غير احمد جوزى ع البار بيجيب عصاير لينا
سمر : تمام ... انتوا بتسهروا فين بالليل
سلمى : والله على حسب بقي ..احمد كل يوم بيختار مكان نسهر فيه واهو ماشيين وراه هههههههههههههه
سمر : لا تمام لازم نسهر النهارده مع بعض بما انكوا ماشيين بكره
سلمى : تمام من عنيا
سمر : هاتيلى رقمك بقي
سلمى : اكتبى عندك
احمد : اهلا اهلا .. منورينا
سمر : ده بنوركوا يا استاذ احمد ...
احمد : ايه تشربوا ايه ؟
هاله : لا ولا حاجه لسا شاربين
سمر : انتوا ايه يا جماعه مش هتنزلوا الميه ولا ايه
سلمى : ههههههههههههه نازلين
احمد : متراهن معاهم . مش لاقي حد يكسبنى
سمر : ياسلام .. ليه ان شاء الله .
احمد : ليه ايه ؟
سمر : هههههههههههههه يعنى ليه يعنى محدش عارف يكسبك
احمد : والله الميه قداامك اهى تحبى تجربى
سمر : ههههههههههههههه بلاش انا ياعم انا مولوده ف البحر اساسا .
احمد : طب السباق من 8 جولات . رايح جاى 4 مرات . وهسيبلك جوله يعنى انتى هتروحى تبداي السبق من الناحيه التانيه كأنك سبقتينى ف الجوله دى وانا لسا هبدا السباق
سمر : حيث كده بقي تمام استنى هنروح انا وهاله .. هاله قرده بردو
احمد : على فين يا ماما انتى وهى
سمر : ايه رجعت ف كلامك ولا ايه
احمد : خاااااااااااالص بس انا مابلعبش بلوشى ... على رهان
سمر : رهان ؟ رهان ايه يا عم
سلمى : ماتخافوش مش فلوس ولا حاجه
سمر : امال ايه طيب
احمد : هتنفذوا اى طلب نطلبه منكوا
سمر : وانتوا بردو نفس الكلام ؟
احمد : اه طبعا الرهان على الكل
هاله : تمام كده ... يلا بينا هنبدأ . هنروح هناك
احمد : فكروا ف رهان يا بنات لغايه ما اخلص
.....................
( نهايه الرهان بفوز احمد بفارق جولتين )
احمد : هههههههههههههههههه والله عيب عليكو انتوا خسعتوا ف نص السبق ليه كده
سمر : ايه ياعم ده ؟ دنا من اول 3 جولات وبدات اشوف الميه لونها احمر
احمد : ههههههههههههههههه طب نشفوا نفسكوا واطلعوا
سلمى : ههههههههههههههه ياجامد
احمد : فكرتى ف رهان ؟
سلمى : ايووووون
احمد : ايه هو
سلمى : لا استنى انا هقولهولهم هما ف وشهم
........
سلمى : ما قولتلكوا بلاااااش نشفتوا انتوا دماغكوا
سمر : هههههههههههههه ماكنتش اعرف انه سريع ماشاء الله ... مش بحسد والله ربنا يخليكوا لبعض
سلمى : طب ايه جاهزين للرهان
سمر : جاهزين وربنا يستر
سلمى : طيب امسكى كيسين الميه دول ...
سمر : ايه ده مالهم دول ؟
سلمى : انتى ياسمر هترمى هاله بكيس ف وشها وهاله نفس اللكام ف وش سمر
سمر : هههههههههههههههههههه حرام عليكى ايه ده
احمد : ههههههههههههههههههه هو ده الكلام
هاله : امرى لله
.........................
( نهايه وقت الضهر )
سمر : طيب يا جماعه هنسيبكوا بقي ونتقابل بالليل . تمام
سلمى : خلاص تمام وانتى معاك رقمى لما تكونوا جاهزين كلمينى ونتقابل
هاله : خلاص تمام . سلام يا بنات ... سلام يا احمد
احمد : مع السلامه
......................
( اوضه سمر وهاله )
سمر : بقولك ايه يا هاله ! شكلهم مش بتوع مشاكل ولا يستاهلوا اننا نراقبهم زى ما عبد الحميد بيه طالب مننا
هاله : والله العظيم نفس كلامى ... انا اول مره استحقر نفسي بالشكل ده
هما بينهم وبين بعض مشاكل ف الشغل وعاوزين يضربوهم انا مالى
سمر : طب وبعدين ؟ اللى اسمها سلمى دى زى السكر وحته بونبونايه . حتى جوزها واد باين عليه مش شايف حد غيرها . ولايقين على بعض .. لزمتها ايه القرف ده ... ياشيخه يتحرق البيزنس على رجال الاعمال ف يوم واحد
هاله : بقولك ايه ؟ خلينا نخلص ام اليومين دول ونرجع تانى ..
......................
( اوضه احمد وسلمى )
سلمى : مش قولتلك انا 100 مره ماتنزلش الميه ببطنك دى
احمد : هو ده وقته
سلمى : اه وقته ... استنى ( ايه ده البت منى بترن عليا ... ياترى خير )
احمد : خير ردى
سلمى : الو !
منى : الو !
سلمى : ايوه يا منون خير ...
منى : استاذه سلمى ! انزلى اسكندريه حالا مستر عماد ومستر وليد عاوزينك ضرورى
سلمى : خير يابنتى ؟
منى : معرفش هما عاوزينك ضرورى بكره
سلمى : طب اقفلى اقفلى انا هكلمهم
......................
سلمى : الو ! ايوه يا عمو عماد خير فيه ايه
عماد : سلمى ! اسهم الشركه ف البورصه ف الحديد . الاسهم لسا نازله من نص ساعه .. احنا بيتنا بيتخرب .. الشركه بتقع .... انا مش عارف اكلم ابوك اقوله ايه .. ارجوكى انزلى عشان نعرف او نلحق نتصرف
سلمى : بتقول ايه ؟ طيب انا بكره الصبح هكون عندك
احمد : ايه يا حبيبتى فيه ايه ؟
سلمى : لازم ننزل اسكندريه حالا .... الشركه هتقفل وفلوسنا كلها فيها
احمد : طيب اهدى اهدى .... خلصى وظبطى انتى نفسك وانا هنزل الريسيبشن احجز على اول طياره انا وانتى الليله دى ... والبنات هييجو مع مصطفى بكره
سلمى : طيب . ربنا يستر
احمد : ربنا يستر
.......................
(( النهايه ))