روايه بنت الاكابر

(الجزء السادس ) (الحلقه الرابعه ) ( شبه بعض )

(الجزء السادس )
(الحلقه الرابعه ) ( شبه بعض ) <3
................
(في الحلقات السابقه )
سلمى : ( بتمسكه من ياقة القميص ) بقا تقول عليا بت قدامهم ياض انت ؟
احمد : لازم تزرعى الثقه جوه الراجل بتاعك وشغال عندك قبل ما تطلبى منه انه يزرع هو الثقه ف نفوس الناس .. فهمتى حاجه ؟
سلمى : لا
احمد : عشان حماره هههههههههههه فين وائل مدير الدعايا ؟
سلمى : استنى هتصلك عليه
احمد : اتصلى عليه وقوليله يجيب حقوق الرعايا كلها والدعايا بتاعتنا ومصاريفنا ع الدعايا بالمليم
سلمى : تمام
................ ( الرابعه ) <3
وائل ( مدير التسويق) : مساء الخير يا جماعه
احمد : اهلا يا استاذ وائل . اتفضل
وائل : مساء الخير يا استاذه سلمى
سلمى : مساء النور يا وائل اتفضل
احمد : احنا مصاريفنا ع الدعايا والاعلانات كام ف السنه يا استاذنا
وائل : ده ملف بكل عقود الدعايا وكافة الاماكن . واعلانات التليفزيون .. بيصفى ف الاخر المبلغ اللى قدام حضرتك ده
احمد : ماشاء الله . مبلغ كبير فعلا . بس انا عاوزك تزوده مره ونص الفتره الجايه
وبعدين عاوزين نغير اللوجو بتاع الاعلانات خصوصا للوحات الكبيره اللى ع الطرق ..
وائل : تمام . هتصل بالمسوقين وييجو نشوف هنعملها ازاى
احمد : بس انا عاوز حاجه . بعد اذنك طبعا .
وائل : لا طبعا اتفضل تحت أمرك
احمد : الأمر لله .. بس عاوز كلمات استفزازيه شويه للستات هههههههههههههه انت عارف ان احنا بنبيع ع الستات ودول دماغهم صعبه شويه . وف نفس الوقت هبل شويتين ، لا مؤاخذه يا سلمى
وائل : هههههههههههههه
سلمى : وبعدين بقي .. دى تانى مره تحرجنى هههههههههه عاجبك كده ياعم وائل دى تانى مره والله يحرجنى
احمد : هههههههههههه بهزر ياعم الله ! المهم خلينا ف كلامنا
يعنى مثلا اللوجو بتاعنا الجمله المشهوره بتاعنا " حسي الفرق " لا . لازم تتغير
لازم اوصل احساس للبنت او المدام اللى بتستخدم المكياج بتاعنا انها الخسرانه لو ماستعملتش كريم الاساس بتاعنا او الروج او غيره ..
وائل : طب تقترح كلمة ايه مثلا
احمد : امممممممممممم ايه رأيك لو نكتب جمله صغيره كده او كلمتين بس
وائل : هما ايه طيب
احمد : " للجميلات فقط " وصورة البنت تتغير . تكون أوضح وملامحها باينه اكتر من اللوجو القديم
وائل : للجميلات فقط ؟ جمله جديده دى
احمد : ههههههههههه صدقنى البنت اللى ماكنتش بتحط من منتجنا هتيجى وتجرب وتشوف ايه موضوع للجميلات فقط ده ههههههههههه لازم تهز ثقه الزبون ف نفسه . لازم تخليه يحتار . تخليه يكلم نفسه ... وطالما احنا مش هنغشه بل بالعكس احنا بنقدمله احلى حاجه ف السوق بشهاده الخبراء
وائل : تمام . هى الجمله فعلا تشد
احمد : تمام يا رياسه .. هتخلصلى الموضوع ده امتى ؟
وائل : هخرج من هنا هبدأ فيه على طول
احمد : حبيبى .. ربنا معاك ومعانا
وائل : ان شاء الله ..
احمد : اتفضل يا ريس
وائل : عن اذنكو
سلمى : اتفضل يا وائل
.............
احمد : استنى مصطفى بيرن شكلهم وصلو
مصطفى : الو ! ايه يا مولانا اخباركو ايه
احمد : تمام يا حب حمد الله ع السلامه
مصطفى : تسلملى يا حبيب اخوك . البنات معايا اهم هروحهم وهعدى عليك ف الشركه ولا ايه
احمد : يا حبي خلاص . احنا شويه اصلا ومروحين انا وسلمى . لو خرجت بالليل اشوفك ع القهوه
مصطفى : خلاص تمام . مستنيك
احمد : سلام يا درش
...............
احمد : سوسو ! كفايه عليك كده النهارده تعالى نروح
سلمى : حاضر يا بابا . يلا
احمد : هنعدى على حمايا نتطمن عليه وبعد كده على امى والبنات نسلم عليهم
سلمى : ايوه يلا انا كلمت بابا من شويه
............
(ف العربيه )
احمد : ايه ! بتبصيلى كده ليه ؟
سلمى : معجبه ، عندك مانع
احمد : خالص
سلمى : خلاص ركز ف الطريق ومالكش دعوه بيا .؟ سيبنى ابصلك براحتى
احمد : منا بتلخبط ياعم وانتى بتبصيلى كده
سلمى : هشششش اسكت بقي
احمد : ايه هششش دى يابت
سلمى : حموتى
احمد : نعم !
سلمى : انت بتحلق شعرك عند مين
احمد : حماده مانص
سلمى : ههههههههه مين ؟
احمد : حماده مانص ، بروحله كل جمعه بعد الصلاه يظبط الشعر من بره بس ويحف الدقن شويه ، غير كده مابحلقش
سلمى : ههههههههههه لا بس ايده تتلف ف حرير الصراحه
احمد : اشمعنى
سلمى : مظبطة لفة وشك كده ، انت طول عمرك اصلا دى تسريحتك
احمد :ايوه عاوزه ايه يعنى ف ليلتك
سلمى : انت مالك انت مش قولتلك ركز ف الطريق
احمد : صبرنا يارب
سلمى : وبعدين خد هنا . انت بتقشط حاجبك ليه ؟
احمد : هو انتى لو تكونى فاضيه تقولي بتقشط حاجبك ليه
سلمى : اه ليه يعنى ؟ مخليك حلو ف نفسك كده هههههههههه
تعرف انى ساعات بفضل ارقيك ف سرى
يالهوى لما تعمل حركه حلوه كده وتضحك اللى حواليك او تعمل حاجه مجنونه من جنانك بفضل ارقيك ف سرى واكبر واخمس ف وشوش الناس هههههههههه
لانك فعلا تتحسد وخايفه الناس تحسدك عليا وتتغير من ناحيتى وماتبقاش تحبنى
احمد : تفتكرى فعلا انى ممكن حد يحسدنى او يحسدك وينطفى الحب اللى بينى وبينك ده ؟
سلمى : تؤتؤ انا بسألك انت
احمد : تعرفى أول مره اشوفك فيها وانتى مع البنات ف الكافتيريا ف الجامعه كانت ايه ؟
سلمى : احم ! ايه
احمد : عشمان ياسيدنا النبى ! الناس تحب الناس
يعنى جبتلك واسطه من النبى عشان تحبينى زى ما بحبك
يعنى انا اللى عاملك عمل انك تحبينى
سلمى : هههههههههههه أحلى عمل ف الدنيا
احمد : احنا قربنا على بيتكو اهو يلا
.........................
( بيت ابو سلمى )
احمد : ايه يا حبيبى اخبار صحتك ايه النهارده
ابو سلمى : اهو ف فضل ونعمه يا حبايبى وحشتونى . جيتو امتى
سلمى : جينا قرب الفجر يا قلبى مارضيناش نصحيكو ولا نقلقكو
ابو سلمى : الشغل ماشى كويس ؟
احمد : الشغل تمام وميه ميه . ابقى تعالى نورنا شويه هناك والله العمال كلهم بيسالو عليك وعاوزين يجيو يطمنو عليك
ابو سلمى : انشاء الله . اشد حيلى بس شويه وهتلاقونى هناك كل يوم
سلمى : ياريت يا بابا والله تقعد كده وتشخط وتنطر زى زمان ههههههههههه
ابو سلمى : ههههههههه انا عمرى ما شخطتت ف حد يابنتى . العمال كلهم بيحبوا ابوك يا لومه
سلمى : طبعا يا قلبى
احمد : المهم قوم يلا عاوزين نتعشى معاك / عاوز اغلبك عشرتين طاوله
ابو سلمى : لا يا حبايبى قومو انتو يلا بالف هنا وانا كلت من شويه وخدت علاجى . الدكتور مانعنى م السهر
احمد : خلاص اللى يريحك . ارتاح انت . اما نخرج نرخم على حماتى شويه ههههههههههه
ابو سلمى : ربنا يريح قلبك
احمد : ههههههههه تصبح على خير
سلمى : تصبح على خير يا روحى . _(بتبوسه )
.................
احمد : الا قوليلى يا سلمى / هى مامتك هتبطل تحلو امتى
ام سلمى : ههههههههههه يوه . ربنا يجازيك يا احمد انتو اللى عسليات ربنا يحميكو
احمد : ههههههههه وانا اقول بنتك جايبه الحلاوه دى كلها منين . ربنا يخليكو لينا وانتى وعمى يا ست الكل
ام سلمى : هتتعشوا معايا ؟
احمد : طبعا . امال انا جاى ليه . وحشنى الاكل بتاعك اللى عمرى ما دوقت ف طعامته
ام سلمى : يا واد يا بكاش .. كنت عند مامتك من اربع ايام بتطمن عليها . ربنا يخليهالك .
احمد : ربنا يخليكو انتو كلكو لينا . احنا من غيركو ولا حاجه
ام سلمى : طيب يا سلمى يلا تعالى ساعدينى
احمد : ما بلاش يا طنط . لاحسن هى خايبه اصلا .. ربنا يسامحك بقي دى مابتعرفش تعمل كوبايه شاى . مجوعانى ههههههههههه
سلمى : بقا كده ؟ طب والله خلانى اطبخ محشى يا ماما
ام سلمى : هههههههههههه هههههههههههههههههه تعملى ايه ؟ دانتى كنتى برنسيسه ولا عمرك دخلتى مطبخ
سلمى : اه والله .. وبط كمان . القادر ده .
احمد : هههههههههه حقى ولا مش حقى يا طنط ؟
ام سلمى : طبعا حقك هو حد يقدر يفتح بؤه ؟
احمد : حبيبتى يا ناس والله . ايوه كده اوعى تمرعيها عليا لاحسن هى شايفه نفسها عليا اوى اليومين دول
ام سلمى : سلمى لو بس غلطت قولى وانا اعدلهالك
احمد : ده ياريت الدنيا كلها تبقى زى سلمى .. سيبيها تدلع ياستى يومين وبعد كده هنفخها
سلمى : ههههههههههههه طب والله رخم ، عاجبك كده يا ماما
ام سلمى : عارفه يا سلمى !
انا دلوقتى عرفت انتى ليه حبيتى الواد احمد ده
احمد : الواد احمد ده ؟ احم احم
ام سلمى : ههههههههههههه ايه فيه اعتراض ولا حاجه ع الكلمه
احمد : ههههههههههههههههه هو انا اقدر ؟ ربنا يعلم انا مش بعاملك على انك حماتى انتى امى التانيه
ام سلمى : ربنا يخليك يا حبيبى ، خليكو انتو هنا وانا هجهز عشا بسرعه كده وناكل سوا
احمد : خلاص تمام
............
سلمى : تعرف انى لو انقضيت عليك وكتفتك وبوستك دلوقتى محدش هيقدر يحوشك منى
احمد : نلم نفسنا بقي ولا ايه .. امك جوه يابنت الهبله
سلمى : ههههههههههههه انت بتشتم امى ؟
احمد : بشتم امك ايه انتى هتلبسينى تهمه . انا بشتمك انتى
سلمى : امال بنت الهبله دى ايه هههههههههههههههه
احمد : وفيها ايه . بشتمك انتى مش هى ,,, ماتغيريش الموضوع
سلمى : بص ! احنا نتعشى وطيران ع البيت عشان وكتاب الله وحشتنى جداااااااااا
احمد : نعم ؟ اللى هو ازاى ؟ داحنا طول اليوم مع بعض
سلمى : يااحمد انت بتوحشنى وانا ف حضنك اصلا . انا طالما مش قاعده ف حضنك وبحب فيك كده كأنك بعيد عنى بالظبط
احمد : يا سيدى ع الدلع والرومانسيه والجمال وال...
ام سلمى : اتأخرت عليكو ؟
احمد : ايه ؟ خاااااااااااااالص يا طنط دا ايه السرعه دى . انتى كنتى محضره العشا ولا ايه ؟
ام سلمى : لا ياخويا انا لسا مخلصتش . بس جايه اقولكو وطو صوتكو شويه ياولاد الهبله هههههههههههههههههههههههه بقا انا هبله يا احمد ؟
احمد : ايه ؟ لا والله انا بشتمها هى
سلمى : ههههههههههههههههه هههههههههههههههههههههه ههههههههههههههههههههههه
احمد : عاجبك الضحكه بتاعتها دى ؟ هتحبسنا ف يوم من الايام بسبب الضحكه المايصه بتاعتها دى
ام سلمى : هههههههههههههههههههههههه ههههههههههههههه يا سبحان الله
سلمى : ايه يا ماما بتحسبنى على مين
احمد : اولا يا متخلفه عقليا انتى هى بتقول سبحان الله يعنى بتسبح مش بتحسبن
سلمى : واتيفر يعنى . بتسبحى على ايه يا ماما
ام سلمى : عارفين !
لما كنتى ف الثانوى كان باباك ده يفضل يقول مش هجوز البت دى غير لواحد شبهها
كنت انا اقوله شبهها ازاى
يقولى شبهها ف كل حاجه عشان انا عاوز اخليها تعيش حياة حلوه
ولما سمعتكو بتتكلمو مع بعض وانا ف المطبخ عرفت معنى الكلمه دى وعرفت هو وافق عليك ليه اول ما سلمى حكتله عنك
... امسكو ف بعض واوعوا حاجه تبعدكو ولا تزعلكو من بعض ..
سلمى : اتطمنى يا ماما انا قاعده على قلبه
احمد : على قلبى زى العسل
سلمى : احم احم
احمد : منوره يا حماتى ههههههههههههههه
ام سلمى : ههههههههههههههههه اه يا جزم . طب مافيش عشا ويلا على بيتكو
احمد : ههههههههههه طب بصى انا هاكل نص بطن هنا عشان لسا هنروح نشوف امى واكيد اكيد مش هتعتقنا غير واحنا مخلصين على اكل البيت كله هناك
ام سلمى : ههههههههههه سلملى عليها كتير الست الطيبه دى
احمد : حاضر من عنيا
....................
( بيت أم احمد )
سالى : لوووووووووووووومه عامله ايه يا مزه
احمد : هو فيه ايه يابت ؟ دول هما 24 ساعه . فيه ايه مالك
سالى : الله ! البت وحشتنى ياعم . وبعدين يا اندال انتو مشيتو مره واحده يعنى حتى من غير ما تسلموا علينا
سلمى : معلش يا روحى والله الطياره كانت واقفه ع الباب ههههههههههه داحنا لحقنا الرحله واحنا بنجرى ..
احمد : اه مسكتها من ايديها والله وفضلت اجرجر فيها ههههههههه
ام احمد : وحشتونى يا عيال
سلمى : حبيبتى يا ماما انتى اللى وحشاااااااانى كتير كتير حبه كتير كدهون
احمد : حبه كتير كدهون ؟ انتى عاجبك دلع البت ده يامه ؟
ام احمد : هههههههههههه براحتها . انت مالك انت
احمد : يا وليه حرام عليك . دى امها بتقولى لو غلطت سلمى هاتهالى وانا اربيهالك ...
ام احمد : نعم نعم ياخويا ؟ طب جرب كده وقرب منها وانا اللى هتصدرلك انت وحماتك . ال تربوها ال . دى اعز عندى منك انت
احمد : تبيعى ابنك ف ثانيه كده ؟ لا لا انا مصدوم فيك
ام احمد : ههههههههههههه تعالى هات حضن يا واد . تعالى يا سوسو
سلمى : هههههههههههههههه حبيبتى حبيبتى
ام احمد : يلا يا بنات قومو حضرو العشا
احمد : احنا كلنا
ام احمد : بتقول ايه يا روح امك
احمد : بقولك فين الاكل انا واقع والمصحف
سلمى : هههههههههههههههه هههههههههههههههههه
احمد : أمه ! قولى للبت دى ماتضحكش الضحكه دى تانى . دى فضحاكى انتى شخصيا
ام احمد : ههههههههههههه فضحانى انا ؟ وانا مالى هو انا اللى كنت جوزها
احمد : اه فضحاكى انتى .. كل ما تضحكها اقولها وطى صوتك فضحتى امى
ام احمد : هههههههههههههههههه
سالى : ههههههههههههههههههههههههههه هههههههههههههههه يا مجانين
سلمى : ههههههههههههههههههههه ابنك ده مالوش حل والله يا ماما
ام احمد : طالع لابوه ربنا يحميه ويحرسه ويجعله ف كل خطوه رزق ، رزق نفوس ورزق حب ورزق غنا ومايحوجه الا لدراعه ويكتبله كل سلامة السلامه احمد ابن قلبى
سلمى : اهو انا دلوقتى عرفت ليه ربنا راضى عنك ياعم
احمد : هههههههههههه امى وحبيتى وتاج راسى .. المهم لازم العشا ده يعنى ؟
ام احمد : ولااااااااااااااه
احمد : ياستى والمصحف جعان والله جعان خلاص ماتزعقيش .. منتبنتلبنمتزةلواةلمنلنا
ام احمد : ماتبرطمش ، الاكل جاهز اصلا يدوب البت سالى هتجيبه
احمد : طيب .. قومى يا زفته حضرى الاكل
سالى : هو انت عاوز تروح بيتكو ليه بسرعه كده . هاه ليه ؟
احمد : وانتى مال امك انتى . لامؤاخذه يامه
ام احمد : ههههههههههه رد على اختك
احمد : نعم ؟ قومى يابت اعملى الاكل ابو شكلك
سالى : هههههههههه لا قوووول
احمد : هيكون ليه يعنى . عاوز انام .. صاحى من بدرى النهارده وطول اليوم مع سلمى ف الشغل
سالى : طب خلاص روح انت وسيب سلمى معانا . والله وحشانى عاوزين نرغى معاها
احمد : سالى ! قربى كده شويه
سالى : هههههههههه دقيقتين والعشا هيكون جاهز ، والنبى ما تبرق بعينك العسل دى ههههههههههههه
ندى : هههههههههههههههه يا جبانه
ام احمد : قل اعوذ برب الفلق " ربنا يحفظكو ويحرسكو م العين
....................
( ف البيت )
احمد : ايه بقي ؟
سلمى : ايه انت
.......................
إلى اللقاء ف الحلقه القادمه