روايه بنت الاكابر

(الجزء السادس ) (الحلقه السابعه ) ( اصحاب زمان )

#مسلسل_بنت_الأكابر (الجزء السادس )
(الحلقه السابعه ) ( اصحاب زمان ) <3
................
(في الحلقات السابقه )
احمد : الو ! لوما . انتى فينك ؟
سلمى : الو ! اهو يا حبيبى انت اللى روحت فين ...
احمد : طب انزلى تعالى نتغدى بره
سلمى : حاضر يا بابا . انت فين دلوقتى
احمد : انا دقيقتين واكون تحت الشركه . لما ارنلك انزلى
سلمى : حاضر يا بطتى . مووووووووواح
احمد : اتحشمى يابت
..................... ( السابعه ) <3
سلمى : ايه ياعم روحت فين كل ده ؟ ومابتردش عليا ليه
احمد : مافيش يا حبيبتى رحت اقعد مع الشباب شويه عشان هحتاجهم معايا اليومين اللى جايين يخلصولى حاجه كده
سلمى : حاجة ايه بقي ؟
احمد : هو انا مش قولتلك تكبرى مخك من اللى انا بعمله ؟ انتى مالك انتى
سلمى : ياواد بطل رخامه بقي .. هتغدينى فين ؟
احمد : طب بقولك ! ماتيجى نروح مطعمنا ونتصل على العيال كلهم يروحوا وبالمره اقابلهم واكلم مصطفى وعلى على اللى انا عاوزه فيهم
سلمى : طيب يلا . هرن على اسماء اخليها تجيب مصطفى وتحصلنا على هناك
احمد : وانا هتصل على سالى اخليها تيجى هى وندى بما انهم لسا ف الجامعه والمدرسه .. واتصلى على ساره خليها تاخد تاكسي وتحصلنا
سلمى : تمام .
احمد : سلمى !
سلمى : ايه يا حبيبى !
احمد : اتصلى على منه خليها تيجى
سلمى : منه ؟!
احمد : اه اتصلى عليها قوليلها ماوحشتكيش لمة زمان ولا ايه . خليها تيجى نقعد مع بعض شويه ونفتكر ايام زمان
سلمى : حاضر
................
( ف المطعم )
مصطفى : بقلق انا من اللمة دى وخصوصا لو الواد اللى اسمه احمد ده معانا
احمد : انا ؟ اخص عليك اخص الف خاصيه
مصطفى : هههههههههههه شوف ازاى ، طب اتلهى
اسماء : انا حاسه انى غريبه وسطيكو هههههههه ماشاء الله كلكو كنتو شلة كده مع بعض
احمد : اه يا سوسكا كانت شلة الندامه ، احمد ومصطفى وعلى وزياد وحسن وسلمى وساره ومروه ومنى واسراء ، كانت ايام
اسماء : ماشاء الله ، لايقين على بعض اتعرفتو على بعض ازاى
احمد : البت منه تقولك اتعرفنا ازاى ؟ ههههههههههههه
منه : مابلاش انا يا حمو
احمد : هههههههههه لا انتى اللى هتحكى ومحدش تانى هيحكى
منه : بصى يا اسماء !
انا ولوما مش اصحاب بس . لا داحنا شقايق من واحنا ف كي جي 1 هههههههههه طالعين انا وهى سنه بسنه
طول عمرها حبيبتى وصاحبتى وكل حاجه ليا ف الدنيا زى منا متأكده انها بتحبنى المفعوصه دى هههههههههههه
كنت انا وهى وساره ماشيين خارجين من مدرجنا ورايحين نجيب شاى م الكافتيريا
انا بصيت لقيت واد رخم كل يوم نلاقيه ف نفس المكان ف نفس الوقفه ومعاه بنت شكل
انا اتجننت انا قولت اكيد صدفه يعنى
ف يوم كده لقيت سلمى هانم السوسه السوهنه اللى خبت عليا قالتلى اسبقونى انتو يا بنات وانا دقيقتين وجايه وراكو
انا طبعا ماجاش ف دماغى حاجه
المهم روحنا الكافتيريا وإذ بالواد ده عينه هتطلع علينا وعليا انا شخصيا وبدا يقرب
ويقرب
ويقرب
ويقرب
بصراحه أول مره احس احساس اللخبطه ده
كان واد ماشاء الله جنتل وله كاريزما محيرانا كلنا وده سبب تعلقنا بيه كلنا ، بلا استثناء كلنا كبنات كنا متعلقين بشخصيه الواد ده
المهم جه جنبى ولسا يدوب بجهز نفسي انه هيكلمنى
لقيته عدا من جنبى ولا كأنه شايفنى
بدأ يلف حوالين الكافتيريا
يجيبها يمين وشمال .. بيدور على حد
شمال يمين فوق تحت ويدخل جوه ويخرج و متلهوج كده ومش على بعضه
قرر انه ييجى يكلمنى انا وساره
لقيته بيقولى " صباح الخير "
انا طبعا قولتله بتقل بقي ، لازم اعمل فيها تقيله انا مش مدلوقه ولا حاجه قولتله " صباح النور " ههههههههههههه من كتر منا كنت متلخبطه لقيت صوتى رايح وانا بقول صباح النور دى كان مسرسع اوى هههههههههههه
المهم
لقيته بيقولى " هى صاحبتكو فين اللى بتقف معاكو
انا طبعا الدنيا اسودت ف وشى ومابقتش شايفه قدامى وفضلت ابرطم واشتمه واشتم سلمى ف سرى هههههههههههههه
سلمى : هههههههههههههههه اه يا واطيه
احمد : ههههههههههههههههههههه
الكل : ههههههههههههههههههههه ههههههههههههههههههههه
منه : سيبونى اكمل بقي
المهم ساره لما لاقتنى اتعميت ومابقتش شايفه وبنفخ هى ردت عليه قالتله تقصد مين ؟ سلمى ؟
قالها " الله ! هى اسمها سلمى "
ياواد اخرس بقي يا واد يخربيت صوتك يا بعيد . انا جسمى كله بدا ينمل والمصحف ههههههههههههههه وضربات سريعه ف القلب مع حشرجه بسيطه ف الصوت
هوب لقيت المعلمه السهتانه البهتانه سلمى داخله علينا
ماهى اصلا قالتلنا اسبقوا انتو عشان تشوفه من بعيد هيعمل ايه لما مايلاقيهاش واقفه معانا
ومره واحده لقيت الواد ده عينه لمعت
وشوفت لمعة ف عيونه كده غريبه كأنه لقا مامته او ابوه بعد ما كان ضايع منهم
وطبعا بما انى انا وسلمى اصحاب الروح بالروح
وف عرف البيست فريند ماينفعش هى تحب واد زى ده وانا لا
ههههههههههههه كنا لسا مراهقين وصغيرين
ف بدانا نعمل مقالب ف بعض انا وهى
ونعمل مقالب ف الواد ده شخصيا
مقالب اخليه يحبنى انا وهى لا
وهى بردو تعمل نفس الكلام
مره من المرات عملت في سلمى حتة مقلب انا أول مره هعترف بيه اهو قدامكو
سلمى : اوبااااااااااااااااا طب قولى ياختى قولى وقعتك سودا
احمد : ههههههههههه اتفرجو ع الاكشن اللى هيحصل دلوقتى يا جدعان
منه : ههههههههههههههههه بس يا واد انت اسكت خالص
المهم سيبونى اكمل
بس قبل ما اقولكو الموقف
هقولكو حاجه
المواقف والمقالب اللى كنا بنعملها ف بعض دى كانت من احلى ذكرياتنا والاهم من ده كله ان الواد ده لاكان قال لسلمى انه بيحبها ولا كان قالى ولا كان بيقول لاى حد حاجه اصلا
كان تقيل ف نفسه
بس احنا طبعا كنا عارفين هو ميال لمين
وده اللى كان ناقطنى
كنت عاوزه اعمل اى حاجه عشان يتعلق بيا انا
المهم جبت خط جديد
وبدات ابعت رسايل لسلمى
طبعا ماكنش لسا فيه واتس ولا حاجه ظهرت
كنا مقضينها رسايل sms هههههههههههه
بعتلها بقا ف يوم رساله قولتلها الواد ده على فكره بتاع بنات وكل يوم مع واحده شكل
وانتى زيك زي غيرك وانا هثبتلك بكره
والمهم جينا تانى يوم لقيت سلمى قرفانه كده وقاعده مكلضمه بقولها مالك يا روحى
لقيتها بتقولى " حد بيكلمنى امبارح وبيقولى كذا كذا كذا " قولتلها يا خبر ابيض طب مين دى ولا مين ده ؟ وهتثبتلك ايه ان شاء الله يعنى
قالتلى اهو مستنيين
كان فيه بنت لازقه للواد ده ف اليوم ده
كل ما يروح ف حته تروح وراه وتدلع عليه وتتمايص عليه
وهو عشان كان ذوق طول عمره وجنتل كل ما يشوفها بتتمايص يقولها فيه ايه يا بت العبيطه انتى مهبوشه يابت ؟ انتى ف الجامعه الله يحرقك
طبعا طريقة كلام الواد ده وهزاره وخفة دمه وشتيمته ده اللى كان هابلنا اصلا ومجننا معاه ههههههههههههههههههه ماتتصوريش لما يقول لواحده يابت العبيطه ولا يقولها الله يحرقك كنا بنضحك ازاى وخصوصا لما هو اللى يقولها كأنه بيتكلم بجد كده ياخرااااااااااااااابي
المهم انا خدت سلمى من ايديها طبعا وقولتلها تعالى نروح نشوف الواد بيعمل ايه وقاعد مع مين
وف اللحظه اللى احنا رايحين فيها وسبحان الله لقيت البت واقفه معاه وبتتمايص وحاطه ايديها على كتفه وواقفه بتبصيله كأنها هتاكله بعينيها
سلمى شافت الليله دى وهاتك يا عياط وانهارت وروحت وماقالتش للواد ده انها مروحه ولا حد قاله
بعد ساعه لقيته جايلى بيقولى امال سلمى فين برن عليها تليفونها مقفول
قومت انا حاطة شويه شطه وبهارات ع الاكل
قولتله " دى مش طايقاك وياريت لو تبعد عنها وركز مع اللى تستاهلك وبتحبك وانت مش شايفها ؟
تخيلو رد عليا قالى ايه
اسماء : ههههههههههههههههههههه قال ايه
منه : قالى " هو فيه ايه ؟ هو مالكو كلكوا متخلفين عقليا ليه كده النهارده جاتكو داهيه تاخدكوا ، ياشيخه غورى انتى كمان انا ناقصك ؟ "
وسابنى ومشى
الكل : ههههههههههههههههههههههههههههه ههههههههههههههههههههههههه
سالى : هههههههههههههههههه اااااااااااااااااااااه يانى يا بطنى
منه : انا فضلت متنحه من الرد بتاعه اكتر من 10 دقايق مش عارفه انا واقفه فين ولا بعمل ايه ومذهوله
بعد ما فوقت كده من الدش اللى خدته على دماغى لقيتنى بضحك وبقول اقسم بالله منا سايباك ياواد انت
ههههههههههههههههه سلمى فضلت زعلانه منه جدا فتره كبيره
بس بعد ما رجعت الكليه شافها وصالحها من اول كلمه ،، ههههههههههههه هى كانت عبيطه اصلا مابتعرفش تزعل منه ، كانت لو مش طايقاه ومتعصبه منه جدا وتفضل تقول مش هكلمه ولا هعبره اساسا وقت ما يقولها يا سوسو . تقوله يا روح وقلب سوسو من جوه ههههههههههههههههههه
الجميع : هههههههههههههههههههههه
منه : المهم ماحكيتلكوش بقي ، اول ما الواد اتعرف علينا ف الكافيتيريا لقينا شلته جايه بقي
مصطفى جوزك يا اسماء ومعاه علوله غير الواد زياد وحسن ربنا يرحمه ، عاوزه اقولك اننا عيشنا احلى لحظات ف حياتنا
بالرغم انها كانت وحشه بالنسبالى بس صدقينى لما بفتكر الايام دى بتمنى انها ترجع ولو يوم واحد نعيشه كلنا سوا
بس انا بفرح لما بلاقيكو ملمومين مع بعض زى الاول وماتتخيلوش انا عيطت اد ايه النهارده لما لوما كلمتنى وقالتلى تعالى نتغدى بره مع الشله
يااااااااااااااااااااااااااه اقسم بالله عيطت عياط قبل ماجى ، قولت اخيرا رضيت عنى وسامحتنى البت دى هههههههههههههههه
احمد : يا مزه انتى اللى نوارتنا يا منون
سلمى : احم ، نلم نفسنا شويه بقي ولا ايه
منه : ههههههههههههههه هههههههههههههههههههههه اه يابنت الهبله مستخسره فيا كلمه حلوه بعد كل اللى قولته
سلمى : ههههههههههههههههههههههه اعمل ايه طيب
احمد : المهم انتى عماله تقولى الواد راح الواد جه انتى ماقولتيش اصلا هو يطلع مين الواد اللى بتحكى عليه ده يا منون
منه : ده واد رخم ياعم مش مهم بقي هههههههههههههههه المهم ان الكل عرفه
سالى : امال انا ف الجامعه بقالى كم سنه اهو ماقابلتش شله زيكو ليه ، هو احنا فقر للدرجادى
سلمى : هههههههههههههه فكرتينى باحلى ايام يا منون والله ،
احمد : المهم يا منه من هنا ورايح اعتبرى ان الشله رجعت من جديد
مفهوم ؟ والكلام ده ليكو كلكو ، طبعا الشله هينضملها اسماء وسالى وندى ،،
على : احلى لمة ف الدنيا
منه : ماقولتلكوش بقي ع المقلب الوحيد اللى عرفنا نعمله ف احمد جوه الجامعه
اسماء : اوبااااااااااااااا اخيرا وقع . احكى احكى
احمد : ايوااااااااااااااااااااااااا احكى احكى . بس تحكيه كله على بعضه
منه : ايه ؟ لا خلاص مش حاكيه حاجه انا نسيت
احمد : هههههههههههه وحياة امك هتحكيه كله . اخلصى يابت
منه : يووووووه انا ايه اللى خلانى انطق
سلمى : ههههههههههههههههه
منه : شوفت مراتك بتضحك عليا ازاى ؟ الجزمه دى
سلمى : الله ! مانتى اللى بتقولى عملتى فيه مقلب وهو اساسا اللى كان عامله فينا هههههههههههههه انطقى انطقى جرستينا منك لله
اسماء : هههههههههههههههههههههه
ساره : هههههههههههههههههههههه ياخرابى دا كان حتة يوم
منه : المهم يا جماعه وبعد طول انتظار
قررنا انا وسلمى وساره ومعانا البت اسراء اللى دايما كانت حاطه نقرها من نقر احمد وعلى طول يتخانقوا ، بت عسل كده بس دماغها مقفله شويه
كانت كل شويه تقول لاحمد ماتبطل بقي يابنى انت شغل الجنان والطرقعه اللى بتعمله ده واعقل شويه ، عيب كده
طبعا مش هقولكو كان احمد يرد عليها يقولها ايه عشان عيب هههههههههههههههههه بس كان بيكسف البت ويخليها تضحك وتسكت
سالى : مين ده ؟ وربنا لاتقولى كل حاجه . اخلصى
منه : هههههههههههه كان يقوم جايب عصايه من ع الارض وجاى ناحيتها كده البت تشوفه جاى بالعصايه تسيبه وتجرى جوه الجامعه كده وقدام الناس لانها عارفه انه هيضربها عادى جدا ومش هيتكسف وكان ممكن يضربها بالعصايه على ،،،،، على مكان كده مش مهم تعرفوه هههههههههههههههههه وكان يقولها " وحياة امك يابومه يا نكد انتى لو فتحتى بؤ امك تانى لنا عابطك قدام الناس دى كلها "
الجميع : هههههههههههههههههههههه ههههههههههههههههههههههههههههههههه هههههههههههههههههههههههههههههههه
سلمى : هموووووووووووووووووووووووووووووووت
سالى : هههههههههههههههههههههههه اه يانى يا بطنى ، ايه ده
مصطفى : ههههههههههههههههه ههههههههههههههههههههه ياخرابى دا كان موهوب ف الردود بتاعته هههههههههههه
احمد : هههههههههههههههههههههههههه انتو بتتكلمو عن مين انا مش فاكر اى حاجه من دى هههههههههههههههههه
سلمى : انت ؟ ياخرابى منك ههههههههههههههههه
اسماء : انا بطنى مش قادره خلاص حرام عليكو
منه : اقولك ايه ولا ايه بس دا كان مربينا ، والله العظيم كان مربينا كلنا
احمد : الهى ربنا يسترك يا منه بس بردو ماقولتيش المقلب
منه : مقلب ايه ؟ ها ايه
احمد : المقلب اللى انتى عماله تتوهى ومش راضيه تقوليه مش انتى عملتو فيا مقلب انتى وسلمى واسراء وساره . احكى يا ماما
منه : لا نسيته
ساره : انا فاكراه هههههههههههههههههه
منه : اخرسي يابت احنا نسيناه خالص
سلمى : طب احكى انا والنبى والنبى
منه : اه يا كلبه ، اقفلى بؤك يابت
سلمى : ههههههههههههههههه مش قادره كل ما افتكر اللى عمله بموت على روحى م الضحك
منه : طب احكى ياختى انتى
سلمى : بصوا بقي
احنا شغلنا دماغنا وقولنا لازم نعمل مقلب ف الواد الرخم ده اللى محدش قادر عليه
قولت هروح انا من وراه اقوله يا حمو تعالى نعمل مقلب ف منه وساره
قالى مقلب ايه
قولتله هنشترى فار ونحطه ف الشنط بتاعتهم من غير ما يحسو
هوب لقيته بيبصلى كده وفضل باصصلى دقيقه بالظبط
قولتله ايه يابنى انت روحت فين ؟
قالى بفكر
قولتله بتفكر ف ايه ؟
قالى مش عارف ، بس ما علينا نعمل المقلب وماله
وفعلا راح اشترى فار من بره الجامعه ، فار ابيض كده
وقالى تعالى ، عاوزك تلهى منه شويه لغاية ما احط في شنطتها الفار
وقالى عشان هى ماتشكش ف حاجه انتى هتقولي لساره ومنه واحنا قاعدين مع بعض تعالو نجيب شاى م الكافتيريا ولو حد سالك ع الشنط قوليلهم ماهو احمد قاعد اهو وانا هقوم بالليله
انا طبعا كسلمى اتبسطت بس ماخدتش بالى من حاجه
لقيته وانا قايمه بقول للبنات تعالو نجيب شاى قالى هاتى مفتاح عربيتك يا سلمى احطولكو الشنط فيها
انا طبعا مافكرتش خالص
المهم وانا ماشيه انا والبنات قولتلهم على فكره المفروض انه هو دلوقتى هيحط فار ف شنطة منه
احنا بقا نشتغله ونخليه هو اللى يفتح الشنط ونضحك عليه بقي
المهم وبكل سذاجه رجعنا قالنا امسكو شنطكو يا حلوه انتى وهى منه ردت بفلحسه كده قالتله افتحهالى ياحمو وهاتلى منها منديل والنبى لاحسن ايدى وقع عليها شويه شاى
لقيناه بيفتح الشنطه عادى وجاب منديل منها ولا حس ولا خبر
قولنا يمكن حط الفار ف شنطة ساره , بردو فتحها قدامنا ومافيش حاجه
انا خوفت قولت يمكن هيعمل فيا انا المقلب لقيته بردو فتح الشنطه ومافيش حاجه
الله !
وبعدين بقي هو نسي الفار ولا هرب منه ولا ايه
بعدين بعد نص ساعه لقيته بيقولى بقولكو ايه ماتيجى نلف شويه بالعربيه بتاعتك
قولناله يلا
قالى بس انا اللى هسوق طبعا وانتو التلاته تركبو ورا
قولنا ليه اشمعنى ورا
قال عادى عشان هنلف ونجرى بالعربيه شويه
هو اصلا عارف اننا مابنخافش واحنا راكبين معاه لانه ماشاء الله سواق سواق يعنى
المهم ركبنا ورا ف الكنبه اللى ورا وهو ركب ومشى شويه
وخرجنا بره الجامعه شويه
وقام واقف بالعربيه قدام كشك وقال هنزل اشترى بيبسي وجاى وهو سنكر هو البابين اللى ورا بحيث مايتفتحوش خالص لان العربيه كانت كلها كهربا
قولتله بتقفلهم ليه علينا ياعم
قالى بس يا عبيطه لاحسن حد يرخم عليكو ولا حاجه وانتو 3 مزز كده
قولتله ماشى ، واحنا بقي ايه . مبسوطين ومزاجنا عنب
بعد ما مشى
وبدون مقدمات ساره قالت بس اسكتى انتى وهى انا سامعه صوت حاجه
منه قالت حاجة ايه ؟
ساره قالت استنو بس انا والله سامعه صوت زقزقه كده مش عارفه ايه ده
المهم سكتنا عشان نسمع
لقينا اكتر من 5 فيران جوه العربيه
ويالهوى وياخرابى ونلطش ف بعض ونضرب بعض ومنه الرقيقه الكيوته ام عينين زرقا المزه دى تشتم وتضرب فيا ومش عارفين نروح فين ولا نيجى منين
ساره طلعت ف اول كرسي ركبت على التابلو اللى قدام ومنه كانت زى البهلوان بتترقص وانا عماله اعيط
الكل : ههههههههههههههههههههههههه ههههههههههههههههههههههههههههههههههههههههههه
مصطفى : هههههههههههههههههههههههه
اسماء : ههههههههههههههههههههههه ياخراااااااااااااااااابي
سالى : ههههههههههههههههه هههههههههههههههههه
ندى : هههههههههههههههههههههههههه هههههههههههههههههههه
احمد : ههههههههههههه ههههههههههههههههههههه ههههههههههههههه
منه : هههههههههههههههههههههه ههههههههههههههههههه مش قادره ، يخرب عقلك
سلمى : بجد والله عياط عياط مش ضحك . ببص جنبى كده لقيت احمد واقع ع الارض من كتر الضحك ومش قادر
بعد 10 دقايق صويت وعذاب وخلاص الناس كانت هتتلم علينا جه فتحلنا وخرجهم ومشينا
طبعا كنا احنا التلاته بنترعش من كتر الرعب
وكل شويه الاقى احمد بيشتغل واحده فينا و يقولها حاسبى حاسبى فيه حاجه وراك تقوم ياعينى البت تتسرع وتصوت هههههههههههه
وف الاخر لقيناه بيقول بقا انتو عاوزين تعملوا فيا انا مقلب ؟ والله عال يا عبد العال . المره الجايه هحبسكو ف اوضه ضلمه واسيب عليكو قطط وفيران للصبح
بس خدنا وجابلنا عصير وايس كريم ونزلنا اتمشينا ع البحر شويه وكل ما نفتكر نعيط من كتر الضحك
منه : قولولى بقي عندى حق اللى عملته مع احمد ده ولا لا . عاوزينى اسيبه كده بسهوله ؟
سالى : هههههههههههههههههههه اقسم بالله لولا انه اخويا انا ماكنت سيبته ههههههههههههههههه
الكل : ههههههههههههههههههه هههههههههههههههههههههه
سلمى : ههههههههههههههههههههههههه اه يا شوية مجانين
احمد : انتوا عارفين !
انا ممكن اعمل اى حاجه مقابل ان اللمه دى تفضل منوره حياتى كده
انتو هديه وربنا بعتهالى عشان كده على قد ما بقدر بحاول المكو حواليا
ربنا يخليكو ليا واحد واحد وواحده واحده
...........................
احمد : المهم تعالى يا مصطفى انت وعلى عاوزكوا ف موضوع كده ، عن اذنكوا يا بنات
..........................
إلى اللقاء ف الحلقه القادمه