روايه بنت الاكابر

(الجزء السادس ) (الحلقه التاسعه ) ( أنا وإنت )

(الجزء السادس )
(الحلقه التاسعه ) ( أنا وإنت ) <3
................
(في الحلقات السابقه )
مصطفى : هههههههههه كله تمام ، مستنيك والعده جاهزه ، انا وعلى وزياد مستنيينك
احمد : طب محدش يقربله غير لما اجى
مصطفى : اشطا
...............
( بعد ساعه ف شقة زياد ف المعموره )
( احمد بيدخل وبيلاقى حاتم متكتف ف كرسي وحواليه مصطفى وعلى وزياد )
احمد : سيبونى مع الباشمهندس حاتم واطلعوا يا شباب
.................... (التاسعه ) <3
احمد : ايه يابنى ؟ مين اللى عامل فيك كده ومين اللى رابطك الربطه السوده دى
حاتم : انت فاكر انك كده بتعلم عليا ؟ يابنى انا هوديك ف ستين داهيه على اللى انت عامله فيا ده ؟ انت فاكر انك كده راجل ؟
احمد : اوباااااااا فكرتنى بموضوع راجل دى ؟ انت يالا مش كنت قولتلك قبل كده لو اتعرضتلى او اتعرضت لسلمى هزعلك على اغلى ما تملك ؟
حاتم : نعم ؟ تقصد ايه يعنى ؟
احمد : ماتشغلش بالك . كلها نصايه بالكتير وهتشوف بنفسك الدكتور اللى هييجى هيعمل ف امك ايه ؟
حاتم : عليا الحلال من دينى اللى هيقربلى لاكون موديكو كلكوا ف ستين داهيه
وبعدين هو انا كنت اتعرضتلك ولا اتعرضت لمراتك ، فيه ايه يابنى ؟
احمد : عارف يا حاتم !
انا زعلان منك جدا وواخد على خاطرى منك جداااااااااااااا فوق ما تتخيل
بقا يا راجل مالقيتش غير سلمى اللى عاوز تضرها ؟
حاتم : سلمى مالها ؟ ولا عارف انت بتتكلم عن ايه ؟
احمد : ههههههههه ما علينا ( بيقعد على الكرسي اللى قصاده وبيرجع نفسه لورا وايديه الاتنين ف جيبه )
مشكلتك يا حاتم انك لعبت مع الشخص الغلط
لعبت مع اخر واحد ف الدنيا ممكن يسمحلك انك تاذى روحه
انت عارف انا زعلان منك ليه ؟
مش لانك فكرت تضرها ف شغلها وفلوسها
تؤتؤتؤ اطلااقا
بالعكس انا بحب اللى يشوف شغله بنزاهه ومنافسه حقيقيه شريفه
ولو انت اللى كنت كسبت كنت انا اللى هقعدها ف البيت واقولها الشغل شغل
ده ف حالة لو كانت المنافسه بنزاهه وبأصول شغل
لكن اللى مزعلنى حاجه تانيه
انك مافكرتش فيا
انت بجد كنت فاكر انك هتأذيها كده وانا هسيبك ؟
يابنى انا عملك الاسود ف الدنيا
واللى جيتلك الدنيا دى عشان اطلعك منها
بس مش هطلعك منها سليم ،
حاتم : انت ماتستاهلش سلمى اصلا
ولا تستاهل انك تدخل جوه الطبقه بتاعتنا
سلمى كبيره عليك ، هى وعيلتها كبار عليك ، مش عاوز تفهم ليه حاجه زى دى ، بص لنفسك ومستواك وبصلها وبص لعربيتها وشقتها وحياتها ،
بص لعيلتها كده وأد ايه العيله كبيره أوووى
انت كده بتظلمها بحياتها معاك
انت لو قادر تضحك عليها بشويه كلام حب ف انت بعد خمس سنين هتحس ان ضهرك اتقطم ، ماينفعش واحد منكو يتجوز واحده مننا
ماينفعش بنت الباشا تتجوز ابن الجناينى ، فاهمنى ؟
احمد : كمل كمل سامعك
حاتم : لو بتقول انك بتحبها بجد لازم تسيبها وده لمصلحتها
احمد : يابنى انت لسا عايش ف الزمن ده ؟ زمن البشوات وابن الجناينى ؟
بص يا باشمهندس
انا هعلمك اغلى درس هتتعلمه ف عمرك كله
الغنا والفقر
الصحه والمرض
العقل والجنان دى كلها حاجات مالناش يد فيها
بس تقدر بعد ماكنت فقير بمجهودك تبقى غنى
لكن مش هتقدر تكون مريض وتصح الا بفضل ربك عليك
كل دى صفات مالناش يد فيها
فيه صفات تانيه بقي
زى المرجله والشهامه والمروءه والجدعنه
وطيب الاصل
والحنيه والخوف على حبايبك كل دول بتكتسبهم من اللى حواليك
بتتعلم الرجوله من ابوك من صاحبك من اخوك
بتتعلم الشهامه منهم بردو
الفرق بينى وبينك انى عندى سلام نفسي جوه صدرى
عايش كافى غيرى شرى وعايش الحياه ف سلام
ماليش ف اذيه الغير
اللى يحتاجنى بيلاقينى
واقف ساند اهلى وساند نفسي
وطول عمرى
طول عمرى شايل الحمل كله ومش شاكى ولا باكى
وعمرى ما عينى دمعت الا على حد عزيز وغالى فارقنى
عندى عزة نفس وكرامه تفوقك وتفوق عيلتك كلها واحد واحد
لما بحب بحب بغباء
ولما بخاصم مابفجرش ولا بهين ولا بفضح ولا بحط ف دماغى
اللى عاوزنى هيلاقينى
واللى مش عاوزينى عمرى بردو ما هتخلى عنه
وهكون ف ضهره وسانده وهكون معاه على النحو اللى هو عاوزه
عمرى ما خونت حد
ولا عمرى طلعت سر حد لحد
ودايما كان السؤال : انا عايش كده ازاى ؟
لقيت نفسي برد على نفسي وبقول انا عايش عشانهم
اللى اتعود يعيش لغيره عمره ما بيفكر ف نفسه
دايما عايش ف الضل وجوه الحيط مش جنب الحيط بس
بس ف نفس الوقت مابهابش مخلوق أذانى
ولما بحب اخد حقى باخده بس بغباء شويه
طب انت عارف انا لغايه المشكله دى ما حصلت ماكنتش بكرهك
كنت مديلك عذرك وكنت بقول ربنا يكون ف عونه
واحده سابته قبل فرحهم بكام شهر عشان تدور على حبيبها اللى سابوا بعض من فتره ونزلت مصر مخصوص تدور عليه
صدقنى كنت عاذرك
حتى يوم لما انت استغبيت على سلمى وضحكت عليها ف حوار انك صاحب شركه وهتدخل معاها شراكه بردو كنت مديلك عذرك
حتى ياراجل لما حاولت تزلعنا انا وهى من بعض وكنت تبعتلى رسايل على اساس انك بنت بردو ماكرهتكش
لانى مش زيك
طبقة الاغنيا اللى انت منهم دول ناس اغلبهم واكترهم ناس بدأو من الصفر
ناس تعبو وشقوا ف حياتهم كتير كتيييييييييير لذلك يتشالو ع الراس
لكن فيه نوعيه تانيه زي سيادتك كده اتولدت لقا نفسه معاه عربيه
معاه فسح معاه سفر معاه حياه كامله مش ناقصها حاجه
ف بيبدأ يبص للى أقل منه على انه درجه ناقصه او دنيا
او المفروض يبصله من تحت لفوق
وده مش صح
عندك أنا !
تعرف
انا سافرت قعدت ف السعوديه 3 سنين متواصلين
تعرف كنت بنام كام ساعه ف اليوم
4 ساعات فقط لا غير يوميا
بشتغل 3 شغلانات مع بعض
تعبت واتمرمطت وشوفت كتيييييير كتييييييير
بس عمرى ما اتهانت ولا قبلت اهانه
واللى كان بيقل عقله عليا ويحاول يوجهلى كلمه كنت بساوى بيه الارض مهما كان مين ولا مهما كان موقعه ايه
كنت بنام ف العربيه اوقات كتير لانى ماكنتش بلحق اروح البيت انام
كنت باكل طقه واحده ف اليوم
كل ده عشان اثبت لنفسي قبل غيرى انى قادر اصنع لنفسي ولعيلتى حاجه نتسند بيها كلنا وقت ما الدنيا تحاول تجرنا معاها
لكن انت !
ماتعرفش اى حاجه عن قانون وعرف الرجاله والمرمطه اللى بنشوفها
ودايما نظرتك للحياه من شباك عربيتك ده فقير وده غنى وده ابن ناس وده ابن كلب
اقولك حاجه !
فيه مثلث بالنسبالى اسمه مثلث الخطر
اللى هو أمى واخواتى وسلمى
هسمحلك تقرب منى انا شخصيا تضرنى تاذينى تقول عليا اى حاجه
لكن هتقرب من المثلث ده هساوى بيك الارض
زى منا هساويها بيك دلوقتى بس لما اخلص كلامى
مشكلتك انك ماسألتش عنى
معرفتش مين احمد ده اللى سلمى سابت كل حاجه ف الدنيا عشانه
ماتعرفش هو ممكن يعمل ايه او يقدملها تضحيه ايه مقابل سعادتها
يابنى انا واحد عاشق
وصدقنى عمرك ما هتقابل واحد تخاف منه ف حياتك اد العاشق
الزمان والمكان بالنسباله مش موجودين غير ف حضرة وجودها
ابيع نص عمرى كله لاجل ضحكه منها
وابيع النص التانى عشان اشيل عنها لحظه حزن تكون مهمومه فيها
كان ممكن اسامحك يا حاتم ! كان ممكن
بس للاسف انت قربت من المثلث بتاعى ومن احلى ضلع فيه
وماينفعش اسكت ( بيقوم من على الكرسي )
حاتم : انت هتعمل ايه ؟
احمد : بص قدامك
حاتم : انت هتعمل ايه يابنى بالجركن اللى ف ايدك ده وايه اللى بترشه عليا ده ؟
احمد : ده اوسخ جاز لقيته ، وبعود كبريت معفن هولع فيك
حاتم : ( بيزعق ) انت اتجننت ؟ انتو يا ناس ياللى بره ، يا جمااااااااااااااااااااعه ياهووووووووووووو انتو يا عالم
احمد : محدش هيلحقك منى
مصطفى ( بره الباب ) : احمد ! احممممممممممممممد افتح الباب هتعمل ايه ماتضيعش نفسك عشان كلب زى ده
احمد : ( بزعيق ) عليا النعمه اللى هيدخل ولا يحاول يدخل هزعله
حاتم : ( بزعيق وبصريخ ) الحقنى يا عم ياللى بره انت ده هيولع فيا
على : افتح يا احمد : يا احمد افتح هتعمل ايه يابنى ؟
زياد : استنو يا جماعه انا معايا مفتاح تانى للاوضه
( احمد بيولع عود كبريت ولسا هيرميه مصطفى بيشيل ايده وبيمسكه )
مصطفى : انت بتعمل ايه يابنى ؟ هتودى نفسك ف داهيه اهدى
احمد : لا مش ههدى غير لما اخلص على ابن الكلاب ده ،
حاتم : انا اسف فكونى ، فكونى يا جماعه ماتسيبونيش معاه
مصطفى : اهدى يا احمد شويه معلش
احمد : ( بيفك نفسه منهم وبيجرى على حاتم بيضربله ف وشه )
مصطفى : يابنى خلاص بقي سيب الكبريت ده هاته
احمد : مصطفى ! محدش له دعوه بيا دلوقتى
مصطفى : انت يا زفت ياللى اسمك زفت حاتم انت ، قول انا مرا وهو هيسكت
حاتم : ياعم انا ستين مرا فكونى ده مجنون
مصطفى : لا استنى اما اصورك عشان يهدى ، قوووول
حاتم : ياعم انا مرا وابن ستين مرا اعتبروها غلطه / اول واخر مره هتعرض ليكو وهختفى من وشكو نهائي
مصطفى : فكه يا على ومشيه
احمد : يمشى مين ؟ مش ماشى من هنا
مصطفى : معلش ! هو عارف دلوقتى اللى فيها وعارف ان لو قل عقله تانى المره الجايه انا مش هحوشك عنه وهسيبك منه له بعد ما اجيبهولك هنا راكع قدام منك عشان ترحمه
فكه ومشيه يا على اسمع الكلام ,, ساعده يا زياد ،
خلاص يا احمد اهدى والنبى ! اقعد هنا بقي
ماتخلص ياعم انت وهو بسرعه
على : خلاص خلاص ،
...............
( بعد خمس دقايق على وزياد داخلين الشقه واحمد ومصطفى قاعدين )
على : خلاص ياعم الواد مشى ، كان بيترعش وهو ماشى
احمد : الكلب السافل ماسيبتونيش اولع فيه ليه ؟
( حالة سكوت )
( الكل بيضحك وبينفجروا م الضحك )
مصطفى : هههههههههههههههههههه هموووووووووووووووووووت ، اه يابن الجنيه
ايه التمثيل الاوفر اللى كنا فيه ده
احمد : هههههههههههه الله يحرقك انت كنت هتضحكنى مرتين وانت بتقولى اهدى اهدى وماسكنى م ام ياقى التيشرت كنت هتوقعنى
على : هههههههههههههههههههه انا رجعت لورا وكنت همووووووت من تمثيلك انت ومصطفى / يخربيت كده ، بس الواد اقسم بالله خارج بيترعش ، ده قالى وانا بهربه الواد ده مجنون ومش طبيعى ده كان هيولع فيا بجد وقالى كتر خيركو انكو لحقتونى ، قولتله المره الجايه محدش هيلحقك منه
قالى مره جايه مين ؟ انا مش عاوز اعرفكو تانى ولو شوفتونى ف طريقكو تانى ابقوا اعملو فيا اللى عاوزينه
مصطفى : وكله كوم وحكايه قول انا مرا دى هههههههههههه دماغك سم يابن اللذينه
خدت حقك تالت ومتلت وفشيت غلك فيه وكسرت عينه قدامك
ومن غير اى حاجه تدينك
احمد : ولسا بكره بقي لما يرجع الحق لاصحابه وتشوفوا شهادة وفاته هو والكلب التانى
مصطفى : طب ايه هنروح بقي ولا هنفضل هنا
احمد : ع القهوه بتاعتنا يلا انا عينى دمعت من كتر الضحك الله يحرقكو عاوز اضرب حجر شيشه يفوقنى
مصطفى : هههههههههههههههههههه انت نسيت انك عازمنا كلنا عندك النهارده ولا ايه
احمد : ياعم الساعه لسا 6 وبعدين ورايا مشوار تانى الساعه 7 هروحه وابقى اجيلكو البيت . انا لما اسيبكو انت تروح تجيب مراتك وعلى هيجيب خطيبته واسبقونى ، وانت ياض يا زيزو معانا بردو النهارده
زياد : المهم ام احمد هتطبخ هى بنفسها ؟ اصل بموت ف اكل امك يا اخى
احمد : يابن العبيطه انا عازمكو ف شقتى انا ، بص . احنا هنروح العزومه وانا هكلم امى تعملك عشا وروح انت كل هناك هههههههههههه هى بتنام بدرى اصلا
زياد : خلاص ياعم ، اهو نشوف عمايل ايد مراتك
احمد : لا سلمى مابتطبخش ، دنا كاتم ف قلبى وساكت والمصحف ههههههههههههه دنا اللى بطبخ
مصطفى : هههههههههههههههههههه كمان ؟ كمان انت اللى بتطبخ ؟ يانهار اسود يا جدعان
احمد : اه والله ، حاجه صعبه يعنى دنا شغال خمسين شغلانه ، انا متجوز برنسيسه ههههههههههههه نطلع بس احنا من الليله دى وانا هغيرلكو ملامحها هههههههههه
مصطفى : يابختها بيك والله ، يلا ياعم ع القهوه انا دماغى انا كمان بدات تزقزق ،
احمد : يلا ياعم
.....................
إلى اللقاء ف الحلقه القادمه