اسكريبتات روان أحمد ♥️

اسكريبت ♥️

ـ ممكن يا كابتن تصورنا .

ـ اه اوى اوى .

"وقفنا انا وصاحبتى علشان يصورنا لقيته اخد التليفون وطلع يجرى فضلت انادى عليه بصوتى كله لحد ما جات عربيه خبطته ".

ـ يا نهار اسوووح تليفونى اكيد باظ .
ـ (اسماء )صاحبتى : هو دا اللى همك الراجل شكله بيموت .
ـ سمعت كلام اسماء وجريت عليه اشوفه .
ـ قربت عليه وناديت بصوتى كله ان حد يطلب الاسعاف .

واحد من اللى واقفين قالى :انتى تعرفيه يا بنتى .
ـ كنت هتكلم بس قاطعتنى اسماء وهى بتقول دا حرامى
.
الكل بدا يشتم و يقول يستاهل بس سكتهم كلهم لما قولت قصدها انه سرق قلبى علشان كدا مسمياه حرامى مش صح يا اسماء وزعقت وقولت :وبعدين بدل ما كل واحد يطلع بكلمه الحقوا الراجل اللى بيمو*ت دا .

فجأة سمعت صوت حد بيقول Cut وبراڤو يا فنان مشهد رائع ......
ـ الصدمه بانت على وشى يختاااى يعنى كل دا كان بيـصور.......

لقيت الحرامى قصدى الفنان او أيا كان قام من مكانه وتخطانى ومشى راح الكرفان بتاعه ...
ثانيه واحده هل انا شفافه ام هواء يتحرك ؟؟؟!..

قومت ناحيه المخرج المستفز دا ومسكته من اطراف قميصه وقولت مزعقه : قسما عظما لو ما مسحت الحته اللى انت صورتنى فيها دى لكون مصوره قتيـ*ل هنا انت فاهم .
ـ نزل ايدى من على هدومه بهدوء واتكلم : اولا انا كنت بصور مشهد من قلب الواقع اكنه حقيقى علشان يوصل ويبان للمشاهدين حقيقى ، وثانيا كنت هاخد موافقتك .

ـ اتكلمت بردح : لا بقولك ايه يا اخويا صحصح وركز كدا معايا فى الكلمتين دول انا مش موافقه على الكلام دا ولو ما مسحتش اللقطه دى هروح اعمل فيك بلاغ ااااه يا اخويا هى مش سلطه .....

الفنان طلع بس كان ايه قمر ولبس واحلو كدا جيه قعد قصادى انا واسماء والمخرج وقال :علفكره انتى تنفعى ممثله هايله ..
ـ اتكلمت :يسلام يخويا .
ـ فعلا واسف لو كنت خضيتك على التليفون بس هو للاسف اتكسر بجد فان شاء الله هجبلك واحد .
ـ اسماء قالت :عوضنا على الله بقا يا فنان .
ـ شهقت بصدمه وقولت :انتى بتخرفى تقولى ايه انتى عارفه التليفون دلوقتى بقا بكام واصلا اللى افسد شئ عليه اصلاحه ولا ايه يا فنان .
ـ حصل انا اللى مسؤل اجبلك واحد ،وكمان عايزك يا ريس تفرجها المشهد وسيبها تقرر ولو عايزه تمسحه امسحه وانا امثل تانى مع حد بيكون يقدر الفرص وقام ومد ايده ليا بكارت بتاعه وقال :ابقى رنى عليا اتواصل معاكى علشان اجبلك تليفون بدل اللى باظ .
ـ قومت وقولت :وانا اضمن منين انك هترد عليا هات رقم تليفونك اللى زى مع مامتك انا عايزاه .
ضحك وقال : طب اكتبى فى ورقه عندك ...........012.

بعد ما مشى المخرج حاول يقنعنى وانا فكرت ان ممكن اتشهر وكدا فقولتله هقول لاهلى وارد عليك .

بعد اسبوع.
^رنيت عليه رد ...
ـ الو ايوا انا اللى تليفونها باظ بسببك ... ايه جبت واحد طب هاخده امتى .. النهارده طب تمام الساعه 6 هكون هناك ..سلام .

ـ لبست دريس اوف وايت وطرحه والميك اب نفس لون الدريس ولبست الشوز والشنطه وروحت المكان .

دخلت لقيته هناك وكان لابس قميص اوف وايت ولا اكننا مدبرين اننا نعمل ماتشينح كدا .
ـ ازيك يا فنان عامل ايه.
ـ الحمد لله اننى اخبارك ايه.
ـ كله تمام بس من غير التليفون مش تمام خالص .
ـ ضحك وقال اتفضلى يا ستى وانا اسف مره تانيه .
ـ ماتتاسفش وضحكت وقولت : ياريتك كنت عملت كدا من زمان اصل تليفونى كان عايز يتغير بس الحمد لله جات من عند ربنا .
ـ ضحك وقال : صحيح اسمك ايه .
ابتسمت وقولت: ياسمين ،وانت .
ـ محمد .
ـ اهلا بيك وفضلنا نرغى وشربنا عصير ومشيت روحت .

بعد يومين

ـ رن عليا وكان عايز يعرف قرارى ايه فى مشهد الفيلم فقولتله انى لسه ما قررتش ...

وكان كل يوم نتكلم ونعرف تفاصيل بعض وتفاصيل حياتنا وبقت المكالمه تطول وبدأت اتشد ليه وحاسه بكدا من ناحيته ..
لحد ما فى يوم كلمنى وطلب انى اقابله برا .

ـ روحت الكافيه لقيته بيقولى انه رفض ان المشهد يتعرض .

ـ استغربت دا كان دايما بيلح انى اوافق..

سالته ايه اللى اتغير ..؟؟.

ـ رد ببساطه وقال :اصل ما ينفعش زى ما خطفتى قلبى فى المشهد دا تخطفى قلب حد تانى ..

ـ لا اعطنى مهله سنه استوعب قال ايه ؟؟

ـ ضحك لما لقانى سكتت قال : شكل فهمك على القد وانا هفهمك واقولها صريحه : انا بحبك يا ياسمين .

ـ اتكلمت وقولت :انا دايما صريحه فا مش هاجى على دى وابقى مش صريحه فهقولك ان انا كمان بحبك .

"يا صدفه حلوه ازهرت قلبى ورد🌼💐"
لـ روان احمد .
تمت 🍀.
رأيكم يا أحباب..♥️