اسكريبتات روان أحمد ♥️

اسكريبت 22

ـ لو سمحت يا دكتور عايزه اكشف على عين جوزى .

ـ اتكلم بعمليه :طب وهو فين جوز حضرتك .

ـ ماهو مش موجود .

ـ اومال هكشف على مين يا مدام .
ـ ماهو بقاله كام يوم مش بيقولى انى حلوه وجميله .
ـ لا غلطان اوى بقى الجمال دا كله محدش يغازله فى الرايحه والجايه .
ـ شوفت بقا يا دكتور هو غلطان ازاى .
ـ طب ابقى قوليلى عنوان بيتك علشان اجى اعلم جوزك مبادئ المغازله .
ـ طب لما اروح بقا واشوف هـيتعلم ولا ..!

بعد اسبوع .

ـ يا دكتور .
ـ رفعت عينى لقيتها هى اتكلمت بعمليه وقولت:خير .
ـ جوزى يا دكتور .
ـ ماله ؟؟..
ـ لسه زى ماهو .
ـ ما هو كان هيصالحك بس انتى اللى ما عملتيش الاكله اللى بيحبها بقالك ياما .
ـ اومال ماقولتش ليه وانا اعملك يخويا .
ـ جرا ايه يا مدام ماتقولى الكلام دا لجوزك .
ـ لا بقولك ايه شكل عجبك دور الاستهبال كتير ما هو انا جربت ادخلك من سكه جديده علشان افهمك ايه اللى مزعلنى منك بس انت بردوا بتعاند معايا .

ـ وانا كنت بزاولك بس انتى عارفه حبك فى قلبى ليكِ قد أي.
ـ اومال لازم يعنى اعمل التمثيليه دى ولا اكنى عندى 17 سنه علشان تقول كلمتين حلوين .
ـ ما انا كنت مضغوط فى الشغل وكدا بس قوليلى هو انتى حلوه كدا ليه النهارده .
ـ النهارده بس ؟؟.
ـ ياللى جمالك مفيش منه اتنين .
ـ هيهيهيهيى بس علشان بتكسف .
ـ قومت بسرعه حطيت ايدى على بوقها وقولت اششش هتفضحينا بضحكتك دى .
ـ ضحكت وانا قولتلها: اما صحيح الجميل عامل اكل ايه النهارده .
ـ عملت حله عدس اصفر اما ايه حكايه .
ـ بقولك يا روحى .
ـ ايه يا حبيبى .
ـ هتروحى النهارده لمى شنطه هدومك
قاطعتنى وقالت :هنسافر فين فى الشتاء دا ؟؟.
ـ كملت جملتى وقولت : لا ما انتى هتروحى عند امك علشان تاكلوا العدس سوا بقا ...
ـ جريت وراه وقولت :طب هعملك انت البساره اللى انت بتحبها وبلاش عدس .
ـ التفت ليها وقولت :جايه تكحليها عمتيها .
ـ طب خلاص انت عايز ايه .
ـ اعملى بشاميل .
ـ تمام بس بردوا مين اللى هياكل حله العدس .
ـ اتكلمت بغيظ :روحى كليها انتى وامك بقا .

(وما اجمل ليالى الشتاء الممطرة إلا بوجود حله العدس يا حبيبى 😂🍵)

حاجه على السريع كدا 🌿.
لـ روان احمد.