روايه بنت الاكابر

(الجزء السابع ) (الحلقه الأولى) ( مش خير ولا ايه )

(الجزء السابع )
(الحلقه الأولى) ( مش خير ولا ايه ) <3
................
(في الحلقات السابقه )
منه : ياعم انت مالك انت والله لما يحصل هنعرفك لما نتأكد الاول عشان لسا تخمينات
احمد : طيب ياختى انتى وهى ، انا هروح المطعم اشوف الدنيا هناك وانتى وهى يلا على شركتكو انا مقدم استقالتى ههههههههههههههه ماعادش ليا مكان هناك
سلمى : هههههههههههههه لا يا حبيبى دى العمال كلهم حالفين يقابلوك النهارده ويكلموك
احمد : عمال ايه لا بقي انا كفايه عليا كده
سلمى : لا ماحنا بعد مانروح الشركه هنعدى على بابا عشان عاوزنا ، عرف باللى حصل الفتره اللى فاتت وعاوزنا
احمد : خلاص ماشى
....................... ( الأولى ) <3
( ف المطعم )
على : ايه يا فنان ! اخبار الدنيا معاك
احمد : اهى ماشيه الحمد لله ، شغل سلمى ظبط تانى الحمد لله ، انا لسا جاى من عند حمايا ، يدوب روحت سلمى وجيت اشوف الدنيا عندك
على : علي خير يا حب ، وابوها اخباره ايه ؟
احمد : ابوها تعبان اوى يا على ، ربنا يستر ، ده فضل يوصينى علي سلمى كأنه يومين وهيودع ،، ربنا يستر
على : يارب ان شاء الله ، ماتيجى اغلبك عشرتين طاوله
احمد : يا بنى هو انت مابتحرمش ـ مانت بتاخد على دماغك كل يوم والتانى ، اطلع هات الطاوله اما ارد على مصطفى اشوفه عاوز ايه
على : اشطا ، دقيقه وجايلك
احمد : الو ! ايوه يابنى
مصطفى : ايوه يا حب ! انت فين
احمد : انا ف المطعم اهو هغلب الواد على عشرتين وهروح
مصطفى : ايوه ياعم يارايق انت مين قدك ، انا خوفت يكون حد جنبك عشان عاوز ابلغك رساله ههههههههههههه
احمد : رساله من مين خير مانت اخبارك زى وشك ؟
مصطفى : فريده صالح المختار ، فاكر الاسم ده
احمد : يا نهار اسود ومنيل ههههههههههههههه ايه فكرك بالاسم ده يابنى
مصطفى : ههههههههههههههه دنا قاعد ف الشغل لا بيا ولا عليا ، وهوب لقيت وفد من شركه جايين يمضوا عقود مع المشتريات عندنا وشوفت فريده بالصدفه عند الاسانسير ، تقولش لقت لقية يا أخى ؟ فين احمد ؟ هو فين ؟ رجع من بره ولا لسا ؟ طب اخباره ايه وحاجه اخر اشتياق ههههههههههههه ضحكت عليها وقولتلها لا لسا مسافر مارجعش
احمد : خير ما عملت ، دى بت مجنونه بنت مجانين ، دى وقعة ايه المنيله دى هههههههههههههه
مصطفى : لا دانت مرزق الصراحه ، بس بينى وبينك ، اقسم بالله البت زى فلقة القمر يا أخى ايه ده ؟ هى البنات دى بتاكل ايه كل ما بيكبرو كل ما بيحلوو يا أخى ههههههههههههه
احمد : يابنى انا متجوز واحده فيها كل الصفات دى وضيف عليها بقي ان عندها حاسة شم قويه ، سلمى مش سهله يا درش دى بنت مجانين هههههههههه انت كركبت بطنى داهيه تحرقك
مصطفى : ههههههههههههه الله ! وانا مالى يا عم ، ماهى اللى لسا فاكراك اهى ، بس بقولك ! البت فريده دى شكلها لسا معجبه بيك ولو عترت فيك هتبهدلك ههههههههههههه
احمد : ليه وانا مالى ان شاء الله ! هى كانت بنت الدكتور وهى اللى كانت بتسربلى الامتحانات ههههههههههههههه هو انا كنت ضربتها على ايديها يعنى ؟ مانتو كنتو بتنجحوا معايا يا فقر ومعاكو سلمى مراتى كمان هههههههههههههه يعنى حتى سلمى عارفه انى كنت بسرب الاسئله من فريده
مصطفى : هههههههههههههههههه اه يابن الهبله ! واد لاعيب ههههههههه المهم بكره بقي لما اشوفك ابقى اكلمك ونشوف هنعمل ايه ، فريده لو عاوزه توصلك هتوصلك
احمد : توصلى ازاى يا عم مش للدرجادى هى بس شافتك بالصدفه ف بترمى السلام ، تلاقيها اتجوزت دلوقتى وعايشه حياتها
مصطفى : ماشى يا عم ، اشوفك بكره العصر بقي
احمد : ماشى يا حب ، سلملى على سوسكا
مصطفى : ماشى يا رايق هسلملك عليها انا قولت اطلع البلكونه اكلمك واوصلك الرساله هههههههههههههه لاحسن هتبقى مصيبه لو هى سمعت مانت عارفهم
احمد : لا من الناحيه دى عارف وبردو انا عارف انك اهبل ومتخلف ف دماغك وهتلاقيها واقفه وراك دلوقتى وانت بتكلمنى وسامعه كل حاجه جاتك داهيه تاخدك
مصطفى : لا ياعم هى بتعمل كيكه ف المطبخ
احمد : يا أخى اتنيل طب شوف كده
مصطفى : ياعم انت هتشككنى ف نفسي ليه ؟ استنى
( بيبص على الاوضه مابيلاقيش حد )
مصطفى : كله تمام ياعم هى ف المطبخ
( اسماء كانت واقفه برا باب الاوضه وسامعه كل كلام مصطفى عن فريده )
مصطفى : اتطمن ياعم ماتقلقش ههههههههههههههه
احمد : عليا النعمه انا ما قلقان غير من عبطك انت يا درش ، روح ياعم كل كيك خلى مراتك تعملنا صينيه وتبقى تعلم سلمى تعملها ازاى ـ
مصطفى : بس كده ، عنيا , عدى عليا وانت مروح تكون هى جهزتها
احمد : ماشى ، سلام
مصطفى : سلام
....................
على : اللى انا سمعته ده صح
احمد : على ايه ؟ قصدك على فريده يعنى ؟
على : هههههههههههههه اه يا عنيا ، هى لقتك ولا ايه ؟
احمد : هههههههههههه لا دى شافت مصطفى ف الشغل وبعتتلى السلام ، الواد مصطفى ده يا اخى انا بقيت احس انه جاسوس شغال عليا ابن الفقريه ، كل يوم ألأاقيه جايبلى مصيبه شكل جاته داهيه
على : ههههههههههههههههههههه ههههههههههههههههههههه اه يابن الفقريه انت كمان انت وردودك
احمد : اه والله انت مش ملاحظ
على : هههههههههههه بصراحه ملاحظ
احمد : بقيت اشوف اسمه على التليفون اخاف ، لما بيكلمنى بقول استر يارب مصيبة ايه تانى اللى جاية ، طول عمره كده معايا
على : هههههههههههههههههه يابنى خلاص بقي فيه ايه ، إلعب إلعب
احمد : ألعب ايه بقي دانتو شورتكو شورة هم ، ياجدعان وكتاب الله انا متجوز واحده بنت مجانين ـ لا وماشاء الله اتلمت على نصها التانى اللى اسمها منه ، وهما الاتنين ماقولكوش بقي فولة واتقسمت نصين يعنى هشوف بلاوى زرقا عليا وعلى سنينى ، انا ايه اللى خلانى اصالحهم على بعض ماكانو متخاصمين وكنت مرتاح ههههههههههههه على الاقل ساره كانت غلبانه وبتخاف ، لكن منه وسلمى مع بعض ياختااااااااااى عليا ازغرط دلوقتى ؟
على : هههههههههههههههههههه قوم يالا روح يالا قوم ، دانت فقر وكتاب الله
احمد : ايوه ياعم إلعب العشره دى اهو تكون البت اسماء خلصت صينيه الكيك اللى هتعملها ،
....................
اسماء : صاصتى !
مصطفى : خير ! بقلق انا م صاصتى دى
اسماء : مين فريده المختار دى يا روحى
مصطفى : سلام قولا من رب رحيم ! انتى عرفتى ازاى يابت ؟
اسماء : ههههههههههههههههه سمعتك ! وسمعتك وانت بتقول لاحمد ، لا اسماء مش سامعانى هههههههههههه هو كان خايف لنا اسمع ولا ايه
مصطفى : هههههههههههههه اه يابنت الفقريه انتى كمان ! دا الواد معاه حق بقي لما قالى تلاقيك اهبل ومراتك واقفه وراك بتتصنت عليك
اسماء : هههههههههههههههههه همووووووووووووووووت ، طب ايه بقي يا صاصتى ( بتبوسه )
مصطفى : اوعى كده ! عاوزه ايه انتى
اسماء : مين فريده دى
مصطفى : اسماء ! مش هقولك ، وبعدين دى معرفة قديمه يا حبيبتى يعنى مافيهاش اى مشاكل لكن ابوس ايد اللى خلفوك اسم فريده المختار ده مايتنطقش قدام سلمى ولا منه
اسماء : ليه ها ليه ؟
مصطفى : مافيش ! كانت سلمى ومنه وساره وشلتنا يعنى من ناحيه ! والبت فريده دى عشان كانت بنت الدكتور بتاعنا وهى وكم واحده زمايلنا بردو كانو الناحيه التانيه وكانو دايما يخبطوا ف بعض ههههههههههههه ياخرابى يامه ع اللى كان بيحصل بينهم
اسماء : ايوه وأحمد كان وضعه ايه ف النص بينهم
مصطفى : بصى يا اسماء انا هوصلك معلومه عشان انا شايفك متلخبطه كده وعاوزه تسألينى هو احمد ده كان بيحب مين ومعرفش ايه صح ؟
اسماء : بصراحه صح جدا ، من حكاياتك وكلامك عن احمد بقيت متلخبطه مابقتش عارفه هو كان بيحب مين ولا مين بتحبه ؟
مصطفى : بصى يا روحى !
احمد شخصيته غريبه شويه او تقدرى تقولى كده مختلفه
كان يظهر فجأه ويختفى فجأه
عنده عزة نفس وكرامه فوق ما تتخيلى
كان دايما على مقربه من كل اللى يعرفهم ويحبوه او بيحبهم
سلمى ذات نفسها عمره ما قالها انه بيحبها ولا منه ولا فريده ولا اى واحده كانت تعرفه كان واعدها بحاجه او قالها بحبك
يمكن طريقته وهزاره مع كل واحده بيخليها تحس انه بيحبها
كاريزمته وخفة دمه وجرأته وشخصيته دى هى اللى كانت بتبهر اى واحده تتعامل معاه لانه مابيكونش داخل علشان يتعرف عليها او يبهرها بجماله والعبط ده ، بالعكس هو بيكون طبيعى جدا وتلقائي جدا وردوده حاضره ف عشان كده بيهز ثقة البنت الحلوه الجميله ف نفسها وبيخليها تقول هو مين الواد ده ،، وهو مابيكونش قاصد ، هو بيتعامل بمنتهى البراءه ، نيجى بقي لموضوع فريده
فريده اتعرفت على احمد قبل سلمى بكام يوم
اقولك عرفته ازاى ؟
اسماء : ههههههههههه ياريت
مصطفى : ههههههههههههههههه تموتى انتى ف الحكايات
اسماء : اه والله وخصوصا حكايات صاحبك دى ههههههههههه استنى بس اجيب الكيك والشاى وتيجى تحكيلى على روقان بقي واطفى على كيكة احمد
مصطفى : ماشى يلا
...........
اسماء : ها بقي احكى قولى فريده دى اتعرفت على احمد ازاى !
مصطفى : كان هو قاعد ومعاه كوباية الشاى دى وعمال يقلب ويقرأ ف جرنان كده وفريدة دى داخله بعربيتها وقامت ركنت بالعربيه بتاعتها قدام احمد على طول يعنى قفلت عليه خالص ومابقاش شايف حاجه
قام هو بكل احترام من غير ما يعرف مين اللى راكب قال"
انت يا متخلف ياللى جاى تقف قدامى انت ،انت مش شايف ناس قاعده ياحلوف "
اسماء : ههههههههههههههههههههههههه ههههههههههههههههههههههههههه همووووووووووووووووووووووت
مصطفى : تموتى ايه بس البت دى نزلت م العربيه عشان توريله نفسها يعنى ان اللى راكبه بنت مش ولد عشان يسكت ويلم لسانه ويتكسف يعنى ويسكت
قام هو مظبط كلامه مخليه لصيغة الانثي " وقالها انتى بتعملى ايه يا حلوفه انتى ، ايه التخلف ده انتى مش شايفه اى زفت قاعد "
اقسم بالله العلى العظيم انا كنت ف الكافتيريا بجيب شاى وكنت فطسان على روحى من منظر فريده بس وهى واقفه ومش مصدقه اللى بتسمعه ، بتقوله انت بتكلمنى انا ؟
قالها هو فيه حلوف غيرك هنا ؟ اطلعى بعربيتك شويه بدل ما اجيبلك ال 4 كاوتشات على الارض جاتكو داهيه ، انا عارف مين اللى ركبكو عربيات ؟ وسابها ومشى ورمى ف وشها الجرنان اللى بيقراه
البت فضلت متنحه بتاع 10 دقايق كده ومش عارفه هى فين
لغاية ما صحابها جم ومشيت معاهم
بعدها بيومين كده او حاجه كنت ماشى مع احمد ومع على لقينا عربيه بتركن قدامنا بصوت عالى وفرملت علينا كده انا وعلى خوفنا بجد
ولقينا فريده نزلت
وجات ناحيتنا كده وقالت :
....................
إلى اللقاء ف الحلقه القادمه