روايه بنت الاكابر

(الجزء السابع ) (الحلقه الرابعه ) ( فريده )

(الجزء السابع )
(الحلقه الرابعه ) ( فريده ) <3
................
(في الحلقات السابقه )
سلمى : ايه ؟ لا لا ان شاء الله مافيش حاجه من دى ، الشغل ماشى تمام الحمد لله خلاص
منه : هههههههههههه يبقى ناويه تجننيه ،
سلمى : ان شاء الله يا حبيبتى ، يلا بونويه بقي روحى نامى
منه : لا هرغى مع ساره شويه ، ركزى انتى مع اللى عندك هههههههههههههه
سلمى : ماشى يا حبي وانتى من أهله
............... ( الرابعه ) <3
أحمد : ايه كانت بتقولك ايه ؟
سلمى : مافيش يا بابا كانت بتتطمن علينا كده
احمد : ماتجيبى حتة الكيكه بقي واعملي شاى ، الكيك مع الشاى ده مزاج عالى اوى
سلمى : هههههههههه اه منا عارفه ، سالى اختك قالتلى ان الاكله دى عشق
احمد : طبعا / اول ما مصطفى قالى قولتله اعمل حسابى معاك ف صينيه ، وبعدين البت اسماء دى نفسها حلو ف الاكل
سلمى : فعلا ماشاء الله ،
( بتيجى رساله لأحمد على تليفونه )
سلمى : رساله من مين اللى جايالك دلوقتى
احمد : هتلاقيها رساله م الشركه هاريانى طول اليوم معرفش ايه وعروض ايه ودقايق مجانيه وحاجه زفت
سلمى : ههههههههههه اعمل الغاء تلقى رسايل ،، شوف مين وانا هقوم اظبط كوبايتين شاى واقطعلك الكيك
احمد : ماشى يا روحى
( بيفتح الرساله بيلاقيها من رقم غريب ومكتوب فيها : احمممممد ! مش مصدقه انى عرفت رقمك ولقيتك تانى ، فينك يا أغلى الناس وحشتنى كتيييييييير / فريده )
احمد : يا نهار اسود ومنيل
.......
احمد : ( بوشوشه )الو ، مصطفى اسمع اللى هقولك عليه ، ابعتلى رساله حالا اكتب فيها اى حاجه ، اكتب فيها الكيكه عامله ايه ،، بسسسسرعه وماتسالش ليه دلوقتى
مصطفى : هههههههه ماشى
.............
سلمى : الكيكه تجنن يا روحى ، البت بنت اللذينه مظبطاها ، وأدى الشاى اهو ياعم
احمد : ايوه يا ستى هاتى لاحسن الواد مصطفى ومراته خاوتينى عاوزين يعرفوا هى حلوه ولا وحشه
سلمى : ليه ؟ هو اللى بعتلك الرساله ولا ايه
احمد : اه ، بيقولى اخبار الكيك ايه
سلمى : طب هات ارد عليه انا ، هى فين الرساله ؟
احمد : اهى !
..........
احمد : يلا ننام بقي ولا ايه
سلمى : يلا يا روحى ، هكلم البنات بس شويه وجايه وراك
احمد : طب قومى يلا ف حضنى وكلميهم جوه
سلمى : يلا
............
( ع الواتس مع منه )
منه : ايه يا مزه هتنامى امتى ؟
سلمى : مش عارفه ! مش مرتاحه
منه : ههههههههههههه من ايه ؟
سلمى : هههههههههههههههه لا مافيش حاجه
منه : يابت احكى
سلمى : النهارده حصلت حاجه مش فاهماها
منه : حاجة ايه
سلمى : سمعت صوت رساله جايه لاحمد وقالى دى من مصطفى ، وبعدين قومت روحت المطبخ عملت شاى وقطعت الكيك يعنى بتاع 10 دقايق لما رجعت لقيت ان الرساله مبعوته من 5 دقايق بس لانى شوفتها ورديت على مصطفى
منه : ههههههههههههههه لا يا قلبى اهدى هتلاقيك بس كنتى مستعجله او حاجه
سلمى : تفتكرى ؟
منه : اه كبرى مخك ! مافيش حاجه
سلمى : إلهى يطمنك ، طمنتينى
منه : ههههههههههههه ايه يا جميل سيبى الواد ياخد نفسه شويه مش كده ، ماتخافيش محدش هيخطفه منك
سلمى : هههههههههه تؤتؤ ده يخصنى انا يا منون ، ده الغالى
منه : ربنا يخليهولك يا قلبى ، سلمى انا بحبك اوى يابت
سلمى : وانا والله يا روحى ربنا يخليكى ليا ومايحرمنى منك ، يلا قومى نامى بقي هروح ادفى ف حضن الواد
منه : ايوه ياعم ، والعه معاك
...............
( سلمى حاضنه أحمد وبتبصله وبتكلم نفسها )
سلمى : ياترى مخبى عليا حاجه ولا فيه حاجه بتعملها من ورايا يا حمو هههههههههههه
...................
( تانى يوم )
مى : ايه يا بنتى بعتيله رساله ؟
فريده : اه يا مى شافها ولسا ماردش ، تفتكرى مش عاوز يكلمنى ؟
مى : احمد مابيشيلش من حد مانتى عارفاه
فريده : بس من ساعة ما سافر واخباره اتقطعت عننا خالص حتى سلمى ومنه والشله بتاعته القديمه ماكانوش يعرفوا عنه حاجه من فتره قريبه
مى : فتره قريبه من إمتى ؟
فريده : من سنه مثلا ، كنت روحت زورت سلمى ف شركتها والكلام جاب بعضه وقالت انها ماتعرفش حاجه عنه بس كان باين عليها الزعل ولو كنت زودت معاها ف الكلام كانت هتعيط
مى : انا مش عارفه هو الواد ده كان عاملكو ايه ، عاوز منكو ايه
فريده : هههههههههه يمكن عشان ماكنش عاوز مننا حاجه ف عشان كده حسيناه طبيعى وحقيقى وحبيناه
مى : يعنى ايه ؟ يعنى انا واحده من الناس كنت شايفاه عصبى ومناخيره ف السما
فريده : انت ماتعاملتيش مع احمد من قريب زى ماحنا اتعاملنا معاه
الوحيد فعلا من كل الناس او الشباب عموما اللى اتعاملت معاهم اللى ماكنش عاوز منى حاجه
زى مانتى شايفانى كده ربنا أنعم عليا بشويه جمال
غنيه ومعايا فلوس
يعنى المنظر العام يخلى اى راجل او اى شاب يحاول حتى انه يرتبط بيا او يلفت نظرى
مى : صح فعلا
فريده : اهو احمد ده بقي الوحيد اللى كنت اكلمه او اقعد معاه مالاقيهوش باصصلى انى بنت غنيه او بنت حلوه ، وهو ده اللى شدنى ليه
عينيه فيها شئ برئ ومش خاينه وعمره ما بص لواحده مننا بصه مش تمام
احكيلك موقف عمرى ما حكيته لحد واللى يعرفه انا واحمد بس
مى : احكى
فريده : كنت واقفه معاكو مره كده وبضحك وبهزر وبعدين لقيته جاى بيقولى فريده دقيقه
روحت معاه قولتله عيونى يا حمو
قالى ماتلبسيش البنطلون ده تانى
قولتله ليه
قاللى ماتلبسيهوش وخلاص
قولتله يعنى اروح اغيره دلوقتى ، البيت قريب يعنى مافيش ربع ساعه
قالى اه ياريت ، تعالى معايا وخد عربيتى ووصلنى واستنانى تحت شقتنا غيرته ونزلت
واحنا راجعين ف العربيه بقي بقوله ماله يا احمد البنطلون بجد
قالى مجسم بزياده عن اللزوم وانتى ماشاء الله حلوه وجسمك حلو ف اى حد هيشوفك هيتفتن احلى فتنه بسببك ههههههههههههه
قولتله بصراحه انا لابساه عشان افتن واحد بس وماليش دعوه بحد
مى : كويس وبعدين !
فريده : ولا قبلين قام مغير الكلام ف ثانيه ، ف ثانيه غير الكلام عشان مادخلش معاه ف السكه دى بس يومها كبر ف نظرى اووووووى وحبيته اكتر ما كنت بحبه ، او يمكن هو ده اليوم اللى خلاص كنت ادمنت وجوده وقولت خلاص هو ده اللى هتجوزه
مى : ههههههههههه للدرجادى
فريده : يابنتى واحد اتعرفت عليه بخناقه جامده
ومهمهوش انا مين ولا بنت مين
ويعمل معايا موقف زى ده ويخاف على شكلى ومنظرى ده يبقى ايه ؟ وكمان كان معانا ناس كتير اصحابى ومحدش فيهم لمحلى بحاجه زى دى وبالعكس كانو بيقولولى حلو وهياكل منك حته
مى : وانتى بجد كنتى لابسه البنطلون ده عشان احمد يبدا يبصلك يعنى
فريده : والله العظيم هو ده اللى كنت لابسه البنطلون ده عشانه
مى : طبعا مالبستيش البنطلون ده تانى ورميتيه
فريده : أرمى مين انتى مجنونه ههههههههههههههههه انا محتفظه بيه ذكرى حلوه
مى : هييييييييييييييييح طب ناويه على ايه دلوقتى !
فريده : ناويه ارجع ايام زمان هكلمه واتفق معاه واقابله ، لازم اشوفه واعرف اخباره واشوف ناوى يتجوز امتى مش يمكن نتجوز انا وهو هههههههههههههههه
مى : بس فيه مشكله ! انتى عارفه انه كان عينه من البت سلمى
فريده : اوووووووف ، بنت المحظوظه ههههههههههههههههههه دى بت مش سهله اقسم بالله
مى : بس بصراحه البت قمر ، كنا ملقبينها ب ملكة جمال المتوسط كله ههههههههههههههههه
فريده : ف دى مش هنكر
مى : وبعدين مانتى كمان مزه الدنيا كلها يا دودو ، ياخلاسي والله لو انا كنت واد كنت اتجوزتك
فريده : ههههههههههههه ومين قالك انى كنت هرضى بيك ،
مى : اه يا واطيه ، طب بقولك ايه ، مش يمكن سلمى يكون عندها أخبار عنه ؟
فريده : ماظنش ! احمد سافر مخنوق مننا كلنا هههههههههههههههههه زى ما تقولى كده احنا خليناه يزهد في الصنف كله هههههههههههههههههه بصراحه كنا بنزودها ، كنا عيال ، شوفتى فيلم عبد الحليم حافظ بتاع شارع الحب لما كان عامل استاذ موسيقى عجوز هههههههههههههههههههههههههههه وكانت البنات بتتراهن عليه انها تحلقله دقنه ومش عارفه ايه
مى : هههههههههههههههههههههههه اه
فريده : احمد مره زعقلنا وقالنا ع الفيلم ده وقالنا انتو شبه الفيلم ده / انتى تشوفي منظره وهو بيقولها تموتى على روحك م الضحك وتفطسي
سلمى بعد ماكانت شايطه منى وبتتخانق معايا عشان خرجت معاه بعربيتى لقيت صوت ضحكتها قالب الجامعه كلها ههههههههههههههه على اد جمالها ده بس كانت ضحكتها ماشاء الله عاليه وواضحه هههههههههههههه
ياااااااااااه واحده صاحبتنا بتقوله طب وانا يا احمد شبه مين قالها انتى شبه البت التخينه اللى كانت بتقول دقن الاستاذ تا تعيش تا تعيش
هههههههههههههههههههههههههههه هههههههههههههههه
مى : هههههههههههههههههههههههههه ياخراااااااااااااااااااااابي ، ايه ده يابت
فريده : ( عينيها بتدمع ) أيااااااااااااااااااااااااااااام ، أحلى ايام الواحد عاشها
مى : ايه ده ايه ده ؟ فيه ايه مالك ؟
فريده : ( بتضحك ) مافيش مافيش بس افتكرت ايام ماكنت عايشه مبسوطه
طب انتى عارفه اكتر وقت كنا بنحبه ايه
مى : ايه
احمد : وقت ما يكون مزاجه رايق كده ويضحك من قلبه ، ماكنش حد ف الجامعه كلها مابيضحكش على ضحكته وهزاره ،، ابو شكله واد رخم ، وحشنى جدا
تعرفى !
لبسه كان عادى جداااااااااا فوق ما تتخيلى وكان ماشاء الله عليه عينى عليه بارده لو لبس انشالله شوال كان هيبقى فاجر عليه
كنت اشوف عيال اغنيا وشباب شكلها حلو وشباب مطقمين أطقم بالشئ الفلانى ماكنش بيليق عليهم حاجه
وهو يدوب بنطلون وقميص او تيشرت او جاكت ، كان يبقى تحفه عليه ماشاء الله
وانتى بنفسك تبصى على لبسه تعرفى انه مش غالي بس تفضلى تبصى من كتر ماهو لايق عليه
اضحكك على حاجه
مى : ههههههههه قولى
فريده : مره من المرات قولت اعمله مفاجاه ف عيد ملاده واشتريتله جاكت كان فخم اوى وكان غالى جدا ايامنا كان ب 900 جنيه وكان ال 900 جنيه دول من 7 سنين رقم يعنى لو روحتى تشترى الجاكيت ده دلوقتى هتجيبيه ب 6 الاف جنيه
وقولت هديه لاحمد وفعلا جبته وحطيته ف العربيه
بعدين كده لقيته ماشى مخنوق ومضايق
وقفته وقولتله احمد مالك ! تعالى تعالى مالك فيه ايه ؟
قولتله تعالى نقعد ف العربيه بس واهدى كده انت مالك ياعم
دخلت وقعدت ف العربيه وهو نيم الكرسي لورا وركن ضهره كده بقوله مالك ياعم
قالى الناس بتشترى وبتبيع فيا
قولتله ازاى ؟
قالى ماشى مع سلمى ومنه وبحاسب على سندويتشات لقيت الهانم بكل بجاحه بتطلع هى الفلوس وبتحاسب قولتلها انتى فاكره نفسك هتشترينى بفلوسك ولا ايه وقومت ماشى
انا قلبى وقع ف رجليا قولتله ما يمكن حابه تعزمك ياعم فيها ايه عادى احنا اصحاب
قالى لا ماباخدش فلوس من بنات
قولتله ولا حتى بتقبل هدايا من بنت زميلتك
قالى لا ! ماباخدش هدايا ، اخد هديه من بنت بتاع ايه ان شاء الله .
المهم لقيته بيبص ورا كده قالى ايه الكيس ده فيه ايه
قولتله لا ده جاكيت كنت جايباه ل
قالى لمين
قولتله جايباه لاخويا عديت اشتريته وانا جايه وجبته
قالى بس حلو ذوقك حلو يا مضروبه
كل ده وانا بتقطع من جوايا ههههههههههههههههههههههه
مى : ههههههههههههههههههههههههه هههههههههههههههههههههههه وعملتى ايه ف الجاكيت ؟
فريده : لسا معايا ف البيت جنب البنطلون ههههههههههههههههه مجنونه انا صح
مى : هههههههههههههه صح ! طب بقولك ايه ماترنى عليه بلاش موضوع الرسايل ده
فريده : طب استنى !
* يا جماعه اللى متابع الروايه مايبخلش بلايك وتعليق عشان نكمل عاوزين نعرف الروايه متشافه من حضراتكو ولا نوقفها بدل تعبنا فيها ما يروح ع الفاضى
..............