روايه بنت الاكابر

الجزء السابع ) (الحلقه الثامنه ) ( كيد النسا )

الجزء السابع )
(الحلقه الثامنه ) ( كيد النسا ) <3
................
(في الحلقات السابقه )
منه : يلا يا بنانيت ، رايحين ف حته ولا هتروحوا
سلمى : لا انا هروح / زمان احمد مروح دلوقتى
منه : ناويه على ايه يا مزه
سلمى : هههههههههههههههههههه يسويها ربنا من عندها ، وكتاب الله هشيبه واخليه يقول حقى برقبتى
منه : ههههههههههههههههههههههههههه اوبا ! إلعب
ساره : ههههههههههههههههههههههه دى هتبقى مدبحه
مروه : ياريتنى كنت معاكو ههههههههههههههههههه
سلمى : اتوكلنا على الله
..................... (الثامنه ) <3
( احمد طالع البيت بيقول : اللهم اضرب الظالمين بالظالمين واخرجنا من بينهم سالمين )
احمد : سوسو !
سلمى : يا قلب سوسو ! اتأخرت ليه
احمد : مافيش ياروحى اهو ، انتى بتعملى ايه
سلمى : بسخن الاكل يا بابا ، غير انت هدومك على ما اكون خلصت
احمد : ( بياكل ضوافره وبيبصلها )
سلمى : ههههههههههههه ايه البصه دى مالك يا واد
احمد : مافيش يا حبى بس انتى حلوه اوى كده ليه النهارده
سلمى : طب مانت حلو على طول ،روح انت يلا غير هدومك وتعالى
احمد : صحيح كنتى مع البنات بتعملوا ايه بقي وبتنموا على مين ههههههههههه لاحسن انا عارفكوا مابتفصلوش لما بتتلمو على بعض
سلمى : هحكيلك واحنا بنتغدى
احمد : ماشى ! دقيقتين وهاجى اغرف الاكل معاك
سلمى : اشطا
...............
( وهما بيتغدوا )
احمد : ها بقي ايه الحكاية ، بينكو ايه وبين بعض ؟
سلمى : مش هتصدق
احمد : ليه ؟ ما تحكى
سلمى : تعرف مين جات تزورنى النهارده
احمد : هيكون مين يعنى ؟
سلمى : فريده المختار
احمد : ( بيشرق وبيكح ) بتقولى مين ؟
سلمى : ايه يا بابا مالك ؟ خد خد اشرب ميه
احمد : تسلم ايديكى ، هاتى ابلع هاتى
سلمى : بقولك فريده المختار !
احمد : يا نهار اسود ! هى لسا عايشه ، وايه اللى فكرها بينا دى
سلمى : لا بس ايه البت كانت قمر قبل كده ودلوقتى قمرين ، طول عمرها مزه يخربيت سنينها ، طول عمرها بتنافسنى ههههههههههههه
احمد : يا بطتى مافيش حد زيك اصلا ، المهم عملتو ايه ؟
سلمى : عملنا ايه ف ايه ؟
احمد : انتى وفريده يعنى قولتو ايه ولا عملتوا ايه ؟
سلمى : ولا حاجه سالتنى عنك قولتها اه متجوزين بقالنا 3 شهور اهو
احمد : ( بيشرق وبيكح تانى )
سلمى : ايه يا روحى مالك بس ، حد جايب ف سيرتك ولا ايه
احمد : اااه ! مش عارف ضغطى وطى مره واحده كده ، ولا الاكل اللى باين انه مشطشط بزياده
سلمى : يا سلام ، دانت بتاكل الشطه طول عمرك حاف وبتحب الاكل مولع ، ايه بقي ،
احمد : مافيش ! كملى كملى
سلمى : بس يا سيدى لما قولتلها اننا اتجوزنا انا وانت عزمتها تيجى تتعشى معانا بس لسا مش عارفه امتى ، قولتلها هظبط كده مع احمد واقولك
احمد : اه ! عظيم جدا الكلام ده
سلمى : ايه رايح فين كمل أكلك
احمد : لا شبعت يا حبيبتى والله ، نفسي خدتنى لسندويتش كلته وانا مع على هناك وقفلنى جدا من ساعتها
سلمى : طيب يا بطتى هعملك الشاى واجى اقعد ف حضنك شويه
احمد : ماشى يا روحى ، يلا
...............
احمد : آلو ! جاتكو ستين نيله
مصطفى : هههههههههههههه ايه ياعم داخل فيا حامى كده ليه
احمد : حامى ايه دنا هموووت ـ دى البت فريده كانت عند سلمى النهارده وقعدوا سوا وسلمى قالتلها اننا اتجوزنا
مصطفى : بقولك ايه ! إلبس وتعالى انزل قول لمراتك مصطفى مات ورايح اشوفه هههههههههههههه
احمد : بتتريق يا كلب البحر ! وحياة امك لما اشوفك
سلمى : ايه يا حبيبى بتكلم مين ؟
احمد : مصطفى !
سلمى : طيب سلملى عليه
احمد : سلمى بتسلم عليك ياض ، امشى بقي
مصطفى : هههههههههههه سلام ، سلام يا صاحبى ويا ألف خساره
احمد : يابنى هشتمك ، غور
.........
سلمى : ايه متعصب منه ليه ؟
احمد : لا ده هزار ماتشغليش بالك ،
سلمى : طيب وسع شويه كده خدنى ف حضنك
احمد : تعالى !
سلمى : خد ياسيدى كوبايه شاى بالقرنفل ليها العجب
احمد : تسلم ايديكى ( بيبوس ايديها )
سلمى : ( بتبصيله )
احمد : مالك طيب دلوقتى بتبصيلى ليه ؟ مش ناقصين رعب الله يكرمك
سلمى : هههههههههه معجبه ! عندك مانع
احمد : خالص ياعم براحتك
سلمى : المهم فكرتنى ! هاتلى تليفونى من جنبك
احمد : اهو ، هتكلمى مين
سلمى : هكلم البت فريده اقولها انى اقابلها انا والبنات بعد العشا بقي عشان عاوزه تشوفنا كلنا قولتلها استنى اما اروح واشوف احمد الاول هيقول ايه ،، ماتيجى معانا
احمد : ايه ؟ لا
سلمى : ليه طيب دى هتتبسط لو شافتك
احمد : معلش الايام جايه كتير عشان ورايا كم حاجه
سلمى : خلاص ماشى ،!آلو
فريده : الووو ازيك يا سوسو
سلمى : بخير يا حبيبتى ، ايه بتعملى ايه
فريده : مافيش ! قاعده انا والبت مى فاكراها ؟
سلمى : هههههههههههههههه طبعا فاكراها ، دى كانت بتاخد تريقه من الواد احمد ااااد كده
فريده : هههههههههههههه ايوه هى دى ،
سلمى : بقولك ايه انا نازله انا والبنات بعد العشا ع الساعه 8 كده نقعد ف كافيه حلو كده
ع البحر ما تيجى
فريده : ياريت ، خلاص ع الساعه 8 بالظبط هرنلك تقوليلى اسم الكافيه واكون عندك
سلمى : خلاص اشطا مستنياك
فريده : باى يا حبي
سلمى : يايباي
....
سلمى : والله انت رخم ما تيجى معانا دى شلة زمان يا احمد
احمد : اعمل ايه طيب المره الجايه
سلمى : تليفونك بيرن ياترى مين
احمد : اه ده الواد مصطفى
سلمى : ايه ده ورينى كده ، هو مصطفى جاب رقم تانى ولا ايه
احمد : ليه ؟
سلمى : اصلك مسميه مصطفى 2 ليه خير يعنى
احمد : ايه ؟ لا انا مسميه كده من زمان كان الاول معاه رقم ووقف ف جاب ده وسميته مصطفى 2 ومسحت الاولانى
سلمى : ماشى ، وبعدين مانت عامل باسورد لتليفونك يااخويا هههههههههههه شكلك بتعمل مصايب من ورايا
احمد : طب اتاخرى شويه بس اما اقوم ادخل الحمام وجاى
سلمى : ماشى
........
سلمى : آلو ! ازيك يا صاصا
مصطفى : ايه يا سلمى خير
سلمى : هههههههههه ايه ياعم خير ، بقولك رن على تليفون احمد لاننا مش لاقيينه وتليفونى مافيهوش كريدت
مصطفى : ماشى ثوانى
....
( مصطفى بيرن وبتلاقى اسمه ( مصطفى ) )
سلمى : آلو ! خلاص يا مصطفى لقيناه
مصطفى : ماشى ، امال هو فين ؟
سلمى : ف الحمام وخارج اهو ، عاوزه ولا حاجه ؟
مصطفى : لا بتطمن بس ، يلا اشوفكو بالليل بقي لو خرجتو
سلمى : ماشى ، باى
مصطفى : باي
.......
احمد : ايه مصطفى رن عليا تانى ولا ايه
سلمى : اه مصطفى اللى كان بيرن
احمد : ورينى كده
( بيلاقى ان مصطفى هو اللى رن بجد )
احمد : يا نهار اسود !
سلمى : ( بتعمل انها مخدتش بالها ) تعالى بقي عاوزه اشم حضنك شويه ياعم
احمد : ( بيبصلها )
سلمى : ايه يا روحى تعالى
احمد : طيب اتاخرى
..............
( بالليل ف كافيه البنات )
منه : ايه يا مزه الاخبار
سلمى : الاخبار زفت ، الواد بيعمل حاجه من ورايا
على قد منا كنت متضايقه النهارده بس ابن الجزمه كان مموتنى من ردود افعاله هههههههههههههههههههههههههه
منه : ايوه بقي هو ده الكلام احكيلى
ساره : هههههههههههههههه لكى ان تتخيلى يا منه اننا بنحب حكايات سلمى عن احمد عشان بس ردود افعاله
سلمى : اول ما سمعنى بقول انا كلمت فريده لقيته كح وشرق منى وكان هيموت ههههههههههههه بس اللى غايظنى بجد انه مسجل حد تانى غير مصطفى بإسم مصطفى
منه : ازاى ده بقي ؟
سلمى : الاول بعد ما قفلت مع فريده على طول لقيت تليفونه بيرن لقيت مكتوب مصطفى 2 قالى انه مصطفى هو مسجله كده على طول
منه : حلو وبعدين ؟
سلمى : ههههههههههه منا لعبت ع مصطفى واتصلت عليه قولتله رن على تليفون احمد عشان مش لاقيين تليفونه وانا مش معايا رصيد ولما اتصل لقيت اسمه مصطفى بس
منه : هههههههههههههههه طب ازاى مصطفى بلعها ، امال انتى مكلماه ازاى لما انتى مش معاكى رصيد
سلمى : هههههههههههههههههههههههههه ماهو ده اللى أكدلى انهم بيعملو حاجه غلط من ورانا ، مصطفى لما بيتوتر بيبقى أهبل ههههههههههههههههههههههه
منه : ههههههههههههههههههههههه عسل يا مصطفى الواد اكل المقلب ف ثانيه حرام عليك يا سلمى ده شكله بقي وحش
سلمى : هههههههههههههههههههههههه بس بقي اسكتى انا دماغى من ساعتها هربانه ،
منه : طب بقولك ايه انا ابتديت اتأكد ان احمد بيكلم فريده وخايف يقولك عشان ماتضايقيش او تزعلى ،
سلمى : وقعة امه سوده لو ده بيحصل
....................
( ف المطعم )
مصطفى : ايه يا نجم لقيت تليفونك فين
احمد : تليفون ايه ؟
مصطفى : ايه ياعم ماهى مراتك اتصلت بيا قالتلى ارن على تليفونك عشان مش لاقيينه وهى ماكانش معاها رصيد وانت كنت ف الحمام باين
احمد : ( بيبصيله ومذهول )
مصطفى : ايه يا عم
احمد : يعنى انت لما اتصلت بيا قبل المغرب كده ماكنش من نفسك
مصطفى : من نفسي ليه ؟ منا كنت لسا مكلمك ، مراتك اللى اتصلت بيا وقالت رن على تليفون احمد لانها ماكنش معاها رصيد
احمد : يا متخلف عقليا مامعاهاش رصيد ازاى وهى متصله بيك يا حمار
مصطفى : ايه ؟
احمد : ايه ايه الله يحرقك ربنا رازقنى بشويه عاهات
مصطفى : يا خرابى يامه ؟ ايه ده انا شكلى بقي بطيخ خالص
على : وحش ايه ؟ دانت اتبعتت احلى بعته ؟ ههههههههههههههههههههههههههههه ههههههههههههههههههههههههههههه يا خرابى ! ايه الدماغ بتاعة سلمى دى
احمد : دماغ مين الله يحرقكو انتو الاتنين ، واحد فشته عايمه وبيضحك م الصبح والتانى متخلف عقليا ف دماغه / دى خلتك تتصل عشان تشوف انا مسجلك ايه لانى مسجل البت فريده باسم مصطفى 2 ، ربنا ياخدك
مصطفى : ( بيقعد على الكرسي )
احمد : جاتك ستين نيله ، اهو انت دلوقتى أكدتلها انى بعمل حاجه غلط
مصطفى : هههههههههههههههههههههه ( بيضحك بذهوووول ) لا صايعه ـ وكتاب الله حركه صايعه من مراتك ، ايه ده الدماغ دى دنا كنت فاكر نفسي ذكى وبورم وصايع
احمد : بورم وصايع ؟ ياشيخ اتلهى قوم يالا من هنا مش عاوز اشوف وش امك تانى
مصطفى : ههههههههههههههههههههههه طب وبعدين ، دنا كده بعتتك باين وسلمتك تسليم اهالى
احمد : انا عارف ياخويا ؟ معرفش انا هعمل ايه ف المصيبه دى ، هههههههههههههههههههههههههههههههههه بس تصدق حركه صايعه ، عشان تعرفوا انا متجوز مين ، اه يابنت الهبله ، ربنا يحميهالى
مصطفى : ههههههههههههههههههه دلوقتى بتدعيلها
احمد : لا بجد اللى دماغها تبقى كده ف يابخت اللى بتحبه ، بعيدا عن انى هاكل علقه محترمه ههههههههههههههههههههه
مصطفى : ههههههههههههههههههههههههههههههه
على : ههههههههههههههههههههههههههه
...........................
( ف الكافيه )
(منه : استنو بقي عشان فريده جايه هناك اهى ومعاها البت مى )
سلمى : انا دلوقتى هتأكد هى اللى كانت مع احمد امبارح ولا لا
*لو الروايه بجد فارقه معاك ومتابعها وعاوزنا نكتب فيها اجزاء تانيه ماتبخلش علينا بتقدير يشجعنا
.........................
إلى اللقاء ف الحلقه القادمه