روايه بنت الاكابر

(الجزء السابع ) (الحلقه الرابعه عشر ) ( حلاوة الدنيا )

(الجزء السابع )
(الحلقه الرابعه عشر ) ( حلاوة الدنيا ) <3
................
(في الحلقات السابقه )
على : عشان تبقو تصدقونى يا كلاب لما قولتلكو انى سامع صوت حس بره الاوضه واتريقتو عليا
احمد : الله اكبر ! ههههههههههههههههههههههههههههههههههههههه يا ولاد المجانين
سلمى : ( ضحكة رقاصات ) ههههههههههههههههههههههههه
احمد : الله اكبر الضحكه اتنقلت عند سلمى هنا
سلمى : يا اخى ارحم اللى خلفونا بقي حرام عليك
............................... ( الأخيره ) <3
( اخر اليوم )
سلمى : حمووووتى ! تعالى عاوزه اقولك سر صغنون
احمد : خير يا روحى !
سلمى : تعالى بس الاول ألمسك كده واحسس على شعرك واشوف هو انت بجد ولا لا
احمد : ههههههههههههه ليه يابت ؟
يا حبيبتى فيه فرق بين انى اعرف عليك واحده وهيمان معاها وبلعب معاها بديلى
وبين انى قابلت صاحبه ليا
معرفه قديمه عيشت معاها ومعاك ايام حلوه
ابقى قليل الاصل لو كسرت بخاطرها او زعلتها عشان نص ساعه هقعد فيها معاها نفتكر ايام حلوه
سلمى : عارفه يا احمد وعارفه دماغك بس انت مش عارف
انت طريقتك بتجذب اى بنت انها تحبك غصب عنها
وده اللى حصل مع منه او فريده او غيرهم من اللى انا عارفه ومتأكده انهم كتير بس مستخبيين هههههههههههه
وبعدين هو انت ممكن تفكر تلعب بديلك ؟ كنت قطعتهولك
احمد : يانهار ازرق ياجدعان ، هههههههههههههه
( بيبوسها )
بقا انا راضى زمتك حد يبقى معاه البونبونى ده ويبص بره
هو انتى مابتبصيش لنفسك يا سلمى ؟
يابنتى انتى نظره منك بتودينى وبتجيبنى يعنى معايا كل حاجه حلوه ف الدنيا
سلمى : اه ياخويا بس فيه رجاله تندب ف عينيها رصاصه
بتبقى مرتتاهم حلوين ومزز وبردو تلاقيهم بيتفحصوا ويتمحصوا ف اجسام البنات وهما ماشيين ابقى انا كسبت ايه بقي دلوقتى
احمد : عارف اللى بتقوليه بس انا عمر عينى ما كانت خاينه
حتى عليك انتى عمرى ما بصيت عليك انتى شخصيا بصه وحشه
مع انى عينى منك من زمان
سلمى : عارفه والله وخلى بالك انت كنت اغرب شخصيه اقابلها ف حياتى
وتقريبا كنت اغرب شخصيه نقابلها كلنا شلتنا يعنى
عارف لما كنت احكى عنك لمنه او ساره او حتى فريده ايام الجامعه
انا حاسه انهم حبوك من كتر كلامى عنك
دايما كنت غامض كنت تظهر فجأه وتختفى فجأه
كنت قليل الكلام بس عينك بتقول كل حاجه
والغريبه اننا كلنا بلا استثناء كنا بنفهم انت عاوز تقول ايه من نظره واحده
كان عندك كاريزما رهييييييييييييييبه
فاكر الواد اللى انت كنت ضربته قدام الجامعه واتاخدتو انتو الاتنين ع العميد وكنتو خلاص هتترفدوا
احمد : ههههههههههههه سامح ! اه فاكره ، انتى ايه اللى فكرك بيه ؟
سلمى : السؤال ده لغاية وقتنا هذا محدش عارف انتو اتخانقتو ليه ولا ليه ؟ كان اى حد يسالك تقوله مافيش حاجه ، وهو اى حد يساله كان يشكر فيك ويقول كنت غلطان ومافيش حاجه ماتسالوش ،، انا انا نفسي اعرف ايه سبب الخناقه
احمد : مش لازم ياعم
سلمى : حموووتى ! ( بتبوسه من خده )
احمد : ماشى ياعم ! بس اعتبرى انى ماقولتلكيش حاجه اشطا
سلمى : اشطا
احمد : الحكاية كان ان سامح طبعا عارفه انه ولاد ذوات
شاب من ضمن شباب كتيره اتولدو وف بؤهم معلقه دهب
عاوز يقف والكون كله والبنات كلها تلف حوالين منه عشان فلوسه
لغاية مافيه مره واحده صاحبته اتخانقت معاه خناقة لرب السما
بس وهى بتتخانق معاه قالتله " انت فاكر نفسك حاجه ، انت من غير فلوسك وعربيتك ده ولا واحده هتبصلك ، روح شوف احمد ، واحد ماحيلتوش حاجه وأغلى تيشرت بيلبسه ب 40 جنيه ومع ذلك الجامعه كلها بتبصيله على انه الكبير ، كلنا كبنات عاوزين بس نبقى جزء من الشله بتاعته
سلمى : ههههههههههههه بقا قالت عليك اغلى تيشرت بتلبسه ب 40 جنيه
احمد : طب ماهى معاها حق ، واحيانا كان ارخص
سلمى : ( بتبوسه ) بحبك اووووووووووووى كمل
احمد : يومها هو شتمها وشتمنى ، مع ان الحوار انا ماكنتش فيه من بعيد او قريب
قالها احمد مين ده اللى هتقارنيه بيا دنا افعصه تحت رجلى
انا وصلنى الكلام من بره وكأنى ماسمعتوش
لانى متعود على حاجه
مابواجهش حد بالسمع ، لا ، لازم تبقى عينى ف عينك وتوجهلى الكلام يإما هعتبرك خسيس وجبان وماتستاهلش انى اشغل نفسي بيك
طالما بتتكلم من ورايا يبقى انا قادر عليك وكاسر عينك
المهم ، البت دى جات كلمتنى وقالتلى الحوار
انا غلطتها وقولتلها ماينفعش تقولى كده لاى حد او تقارنيه بحد
وبعدين قولتلها وبعدين انتى بتدخلينى ف حوار ليه بينى وبينه جاتك ستين نيله تاخدك انتى كمان هههههههههههههه المهم ضحكتها شويه وفكيتها وقولتلها ماتزعليش
صاحبنا بقي شافنى واقف معاها وبضحك طبعا ده حذ ف نفسيته كتير ، ازاى واحده تسيبه وتقوله الكلام ده وتيجى تضحك مع واحد اقل منه ماديا
المهم جه وكان شبه هيتهجم عليها وعليا وكان معاه سكينه صغيره ، زى المطوه
قومت انا ماسكه من قميصه وزقيته لورا وقولتله دكر ابن دكر تتعرضلها او تفكر مجرد تفكير انك تأذيها وهى معملتش حاجه انت اللى عايش ف حته تانيه
هو على صوته وانا طبعا عارفانى اكره حاجه بكرهها ان حد يعلى صوته وانا بتكلم ، هوب قومت ماسكه طاحنه وفرطتله السلسه اللى كان دايما يلبسها ف رقبته هههههههههههه وخربشته ف رقبته وكانت ليله ، هو يدوب مسكنى من التيشرت قطعه من عند الكتف كده
قومت انا رادد عليه قولتله كده تقطع التيشرت ابو 40 جنيه
ومن غيظى قومت جاى مكمل عليه ضرب طحنته تانى ههههههههههههه كل ده واحنا جوه الجامعه ، بتوع الامن مسكونا وطلعونا لاوضة العميد
حصل ايه ف اوضة العميد بقي مش هقولك
سلمى : بسبسبسبس ( بتوريله كتفها )
احمد : ايه ده هو ده الاغراء بالنسبالك ؟
سلمى : ههههههههههههههههههه قول بقي يا رخم
احمد : يومها كان العميد بذات نفسويته هو اللى قاعد معانا
لان سامح ده طبعا عارفه هو ابن مين وابوه يقدر يعمل ايه وكان العميد شبه صاحب ابوه
بينى وبينك انا قولت العمليه هتطبخ وهيلبسوهالى وهترفد
افتكرت كلام ابويا
لما قالى وقت أخد الحق ماتهابش مخلوق
استنيت لما العميد سألنى عشان يقولى فيه ايه عشان اتكلم
لقيته بيزعقلى انا بس وانتو شويه متشردين ومعرفش انتو جايين تتعلمو ولا تبلطجوا
يابن الجزمه ماتبصيله هو كمان اشمعنى انا بس
هههههههههههههههههه كل ده وانا ساكت وقاطم لغاية الكلام مايتوجهلى
هوب لقيته قالى تعالى قرب يا حضرت ، احكى ايه اللى حصل
قومت انا واقف وقولتله يا دكتور محمد حضرتك هتسمعنى وهتحكم بالعدل والحق ولا الموضوع هيتطبخ من بدرى وتبقى شكوتى مش معاك ، هتبقى مع اللى خلقك
لقيته سكت ورجع ورا بالكرسى وقالى تعالى قرب
انت اسمك ايه ؟
قولتله احمد ،
قالى ابوك بيشتغل ايه ؟
قولتله ابويا متوفى بقاله 4 سنين
قالى حالتكو الماديه عامله ايه ؟
قولتله اهى ماشيه الحمد لله وربنا مكفينا من رزقه
قالى ايه اللى حصل يا احمد
قولتله بردو حضرتك يا دكتور ماقولتليش هتحكم بالعدل والحق ولا اسكت وامشى واعتبر نفسي مرفود من دلوقتى ، عشان ماعملش لحضرتك حرج لانى لو حكيت اللى حصل وماقولتش الحق ساعتها القاضى الأعظم هو هيببقى كفيلى ومش هتقدر تسدد دينك ناحيته
اقسم بالله العلى العظيم لقيت الراجل شبه الدمعه كانت هتفر من عينه هههههههههههه
قالى اقسم بالله العلى العظيم لاحكم مابينك وبينه بالعدل واللى حصل واللى مش عاجبه يشرب من البحر
قولتله وانا لو ليا حق عند سامح مش عاوزه وياريت نبقى اصحاب انا وهو
ساعتها لقيت سامح هدى من جواه لانه شاف انفعال دكتور محمد على انه خلاص هيشهد بالحق وهيحكم بالحق والكلام اللى انا حكيته فيها رفده هو شخصيا لان هو اللى متهجم عليا وبمطوه كانت معاه ، يعنى آله حاده جوه الجامعه وليله سوده على دماغه
سامح بصلى كده وسهم
دكتور محمد قاله حصل ايه يا سامح ؟
سامح رد وقاله زى ما احمد قال لحضرتك يا دكتور ، سوء تفاهم وراح لحاله وانا وهو اصحاب من دلوقتى
قالنا طب غوروا انتو الاتنين واياك على الله اشوفكو هنا تانى
ههههههههههههههههههههه
واحنا خارجين لقيت سامح وقفنى كده وقالى انت ليه ماقولتلوش الحقيقه
قولتله الحقيقه هتجيبلى حقي بس هتضيعك
ليه حد فينا يطلع خسران لما ممكن احنا الاتنين نطلع كسبانين
قالى معاك حق
يا آخى ملعون ابو دى فلوس كانت مخليانى ابصلكو من فوق كده
انا من ربع ساعه ماكنتش طايقك ودلوقتى انت كسرت ف راسى كل حاجه
كنت فاكرك هتبيعنى وتشمت فيا وتحاول تكسر ف ولاد الاغنيا لما جاتلك الفرصه
قولتله يابنى يا حبيبى مافيش حاجه ف الدنيا اسمها ولاد اغنيا وولاد فقرا
قولتله العقل هو اللى بيكون فقير او غنى لكن احنا اهو زى مانت شايف بنلبس وبنخرج وبنتفسح وعايشين اهو زيكو ياعم هههههههههههه
قالى من النهارده ليك صاحب اسمه سامح
بس قولى صحيح
قولتله خير
قالى هى البنات بتحبك ليه يا أخى عقدت ميتين أمى ههههههههههههههههه
قولتله ههههههههههههههه مافيش حاجه اسمها البنات بتحبك ولا بتكرهك ، فيه حاجه اسمها متطمنه ليك وعارفين انك مش هتغدر بيهم ونيتك مش وحشه
انما انت ، احيييييييييييييه عليك
قالى خلاص ياعم هههههههههههههه وقام حاضننى وماشى
بس يا ستى ادى الحكايه
سلمى : ههههههههههههههههههههههه يابن الإيه ؟ سبحان الله كل مشكله بتقع فيها بتاخدها لحسابك
احمد : مين قالك كده ؟ يابنتى انا لولا دعاوى أمى كان زمان متشقلط من زمان ههههههههههههههه دى اسمها ستر يا سلمى / ستر ،، اكبر نعمه على البنى ادم ربنا بينعم عليه بيها هى نعمىة الستر ،
طب اضحكك على حاجه
سلمى : ياريت هههههههههههههه
احمد : وانا ف ثانوى كده جاتلى فكره حلوه انى اربى حمام فوق سطوح بيتنا
جبت بتاع 20 جوز حمام وعملتلهم اقفاص وقفلت اوضه كبيره فوق وكنت كل يوم اطلع أاكلهم واشربهم وايه بقي ، انا مظبط نفسي انها 20 او 30 يوم بالكتير والحمام هيبيض والزغاليل هتكبر وابيعها واكسب وابقى تاجر وراجل أعمال اد الدنيا ههههههههههههههه
سلمى : ههههههههههههههههههههههه متخيله المنظر وعارفه انى هموت م الضحك ف آخر الحكايه ، ها كمل
احمد : لا هتتريقى مش مكمل
سلمى : هههههههههههههههههه لا خلاص هسكت اهو
احمد : المهم ياستى الحمام يكبر ويبيض وتيجى الفيران تاكل الزغاليل ، كانت شوره هم وافضل اشتم وادعى واجيب جبس وطوب واسمنت وأسد الاخرام اللى ف الاوضه
اى زغاليل كانت تطلع كنت اقوم جايبهم وانزل بيهم لأمى اقولها اطبخيلنا دول هههههههههههههههه وسالى تضحك وتقولى يا مظبطنا يا حمو
لغاية بقي يوم منيل بستين نيله
الواد اشرف ابن احلام كراويه جارتنا هههههههههههههههه وده كان اسمه الحركى ، اسمه الحقيقى وليد كان جارنا ، قالى يابنى انت ليه قافل على الحمام بتاعك ، افتحله السلك عشان يطير ياكل ويشرب ويرجع يبات اخر اليوم وهتوفر انت موضوع الاكل والشرب والمجهود ده ، انت بس هتطلع كل اسبوع تاخد الزغاليل وراس المال بتاعك بيكبر نفسه ، قولتله بجد
قالى اه والله بجد وحط علم احمر فوق الاوضه عشان الحمام مايتوهش ويرجع للاوضه
قومت انا سامع الكلام وهوب طلعت فوق السطوح فتحت السلك وجبت علم كبير أحمر حطيته فوق الاوضه
استنى للعصر مافيش حاجه بترجع
استنى لقبل المغرب ، مافيش ،، مافيش اى مؤشر ان فيه حمامه هترجع
المغرب خلاص بياذن ومافيش ، بححححح الحمام هج وطفش
طلعت فوق الاوضه وماسك العلم الاحمر تقوليش طالع خط بارليف وعمال احرك ف العلم شمال يمين واقول انا هنا اهو يا ولاد الكلب انتو روحتو فين
سلمى : هههههههههههههههههههه هههههههههههههههههههههههههههه هههههههههههههههههههههههههههههههههه ههههههههههههههههههههههههههههههههه ههههههههههههههههههههههههههههههههههههه ههههههههههههههههههههههههههههههههههههه ههههههههههههههههههههههههههههههههههه ههههههههههههههههههههههههههههه ههههههههههههههههههههههههههههههههههه إلحقوووووووووونى همووووووت والمصحف ، انا متخيله منظرك
احمد : قومت انا لابس ونازل للواد وليد قولتله الحمام هج يابن الكلب 25 جوز حمام مارجعش منهم زغلول واحد الله يحرقك بجاز وسخ يابن الكلب
قالى ماتقلقش بكره هيرجعولك افتحلهم انت الشباك بس
قولتله انا هاجى افتحك انت شخصيا ،
وخلاص فقدت الامل ، بس بعدها بيومين لقيت الحمام بتاعى على سطح الواد وليد اتاريه هو بيربى حمام هو كمان وعمل الفيلم ده عشان يجذب الحمام عنده ، روحت رنيته علقه وطلعت لميت بتاع 20 ولا 30 جوز وخدتهم وبيعتهم ب 700 جنيه ايامها ورجعت لامى بقولها المشروع بتاعى كسب
قالتلى يا ماشاء الله ، بعت كم جوز قولتلها بعت كل الحمام ، انا كنت شاريه ب 400 جنيه واهو معاك 700 ، ادخل ايدى ف جيبى مافيش فلوس
ادور ف الجيب الورانى مافيش فلوس
اتارى الجيب كان مخروم والفلوس وقعت
سلمى : هههههههههههههههههههههههههههههههههههههههههههههههههههههههههههههههههه هههههههههههههههههههههههههههههههههههههههههههه ههههههههههههههههههههههههههههههههههه هههههههههههههههه ههههههه ه ه ه ه هههههههههههههههههههههههههههههههههههههههههههههههههههههههههههههههههههههههههههههههههههههههه ههههههههههههههههههههههههههههههههههههه حرام عليك اللى عامله فيا ده اسكت بقي هتموتنى
احمد : سبحان الله نفس اللى عملته أمى بالظبط فضلت تضحك وف الاخر حضنتنى وقالتلى معلش مشروع وفشل المهم تتعلم
سلمى : ههههههههههههههههههههه ياخرابى عليك
احمد : اه والله معرفش ايه ده ، معرفش ده فشل منى ولا غباء من الآخرين
سلمى : المهم ! انت نفسك ف ايه
احمد : نفسي ربنا يقدرنى وماخليش نفسك ف حاجه واسعدك انتى واخواتى وامى واشوفكو اسعد الناس ،
سلمى : وايه تانى
احمد : نفسي ربنا يمدلى ف عمرى لغاية ما اشوف بطنك دى ااااد كدهو وانتى شبه السلحفاه كده وبتقوليلى انا هولد يا حمو ههههههههههههههههههههه
سلمى : طب انا هولد يا حمو ههههههههههههههههههه
احمد : ياروحى ان شاء الله ، ده رزق وربنا لما بيرزق بيه بييجى ف وقته
سلمى : ( بتبوسه من شفايفه وبتفضل باصه لعينه ) حبيبى انا حامل بجد
احمد : ( بيبصلها وساكت )
سلمى : وعرفت الموضوع ده من 3 ايام وكنت هقولك لولا موضوع فريده
احمد : ( بيبصلها وساكت وعينه باين فيها دمووع )
سلمى : ايه ده ؟ احمد انت بتعيط
احمد : ( عينه ف عينها وبيبكى )
سلمى : أول مره ف عمرى كله اشوف دموعك ، كنت فاكراك مابتعيطش
احمد : ( بيضمها وبيحضنها وبيتنهنه من العياط )
سلمى : ( هى كمان بتعيط ) ماكنتش متخيله ان ده هيبقى رد فعلك
احمد : سلمى !
سلمى : يا عيون وقلب سلمى
احمد : بجد اللى قولتيه ؟
سلمى : بجد يا بابا ، ماتتخيلش انا حالتى كانت عامله ايه لما عرفت
حسيت بحلاوة الدنيا دى كلها
حسيت انى قدرت اعوضك شويه عن اللى شوفته ف حياتك
تصدق بالله انا ما فرحت بموضوع حملى ده الا عشان اعرف رد فعلك
انا بحبك اوووووى ياواد انت
احمد : ( بيضمها وبيحضنها وعينه حمرا جدااااا )
وانا مش بس بحبك دنا عايش عشانك ياسلمى ، لو تعرفى انا بحبك أد ايه مش هتصدقى
كده الحلم اتفسر لوحده
سلمى : حلم ايه يا بابا
احمد : ابويا جالى امبارح ف المنام بعد ما قفلت معاك ونمت ع الكنبه عند مصطفى ولقيته بيقولى كلمة غريبه اوى مافهمتهاش غير دلوقتى
سلمى : قالك ايه ؟
احمد : قالى ونيسي جاى
سلمى : بجد
احمد : اه والله ! دلوقتى عرفت هو مين ونيسه اللى مستنيه كان يقولى انا هحب ابنك اكتر منا بحبك ياض
سلمى : طب ممكن بعد اذنك تبطل عياط بقي فيه ايه انت عينك كانت مخزنه كل الميه دى فين
احمد : ( بيبوس جبينها ) حاضر ، هسكت اهو
سلمى : يخربيت طعامتك كل ردود افعالك تجنن يخربيتك
احمد : طب بقولك ايه
سلمى : بقولك ايه انت ، اتلم
احمد : ههههههههههههههه ماتيجى نخاوى الواد اللى ف بطنك ده
سلمى : ههههههههه احم
احمد : انا عن نفسي احم ع الاخر ، كفاية امبارح بعيد عنك
سلمى : انت وحشتنى بطريقه غبيه اقسم بالله
احمد : طب ايه طيب
سلمى : ايه انت !
احمد : الله ! ايه البت الغبيه دى بقولك طب ايه
سلمى : ايه
احمد : ايه ايه
سلمى : طب ايه ايه ايه هههههههههههههههه
احمد : استنى بس هشيلك عشان الواد عتريس اللى ف بطنك مايزعلش
سلمى : صحيح عاوزه ولد ولا بنت ؟
احمد : مش فارقه المهم انه هيكون حتة منك
سلمى : طب ايه هتفضل شايلنى كده كتير ، نزلنى بقي
احمد : طب ايه ، انا متعود اقول ايه لما باجى انزلك
سلمى : هههههههههههههههه حلال الله اكبر
احمد : هههههههههههههههههه بحبك يا ام عتريس
سلمى : وانا بموت ف امك يا ابو عتريس
*ملحوظه : التفاعل بيخلينا نكمل
ياريت كل اللى متابع الرواية يورينا نفسه وبناء عليه هحدد ميعاد نزول الاجزاء
.........................