روايه بنت الاكابر

الجزء الثامن (الحلقه الأولى) ( دلع بنات )

(الحلقه الأولى) ( دلع بنات ) <3
................
(في الحلقات السابقه )
سلمى : طب ايه ايه ايه هههههههههههههههه
احمد : استنى بس هشيلك عشان الواد عتريس اللى ف بطنك مايزعلش
سلمى : صحيح عاوزه ولد ولا بنت ؟
احمد : مش فارقه المهم انه هيكون حتة منك
سلمى : طب ايه هتفضل شايلنى كده كتير ، نزلنى بقي
احمد : طب ايه ، انا متعود اقول ايه لما باجى انزلك
سلمى : هههههههههههههههه حلال الله اكبر
احمد : هههههههههههههههههه بحبك يا ام عتريس
سلمى : وانا بموت ف امك يا ابو عتريس
....................... ( الاولى ) <3
سلمى : حمووووووو اصحى يا واد
احمد : جرى ايه يابت بتصحينى ليه دلوقتى
سلمى : اصحى اقعد معانا
احمد : مع مين ؟ هو حد هنا
سلمى : اه
احمد : مين ده ؟
سلمى : عتريس ابنك اللى عمال يرفس ف بطنى ده
احمد : ههههههههه يابنت الهبله ، وبعدين الواد ده انا حاسس انه بيراقبنى
سلمى : ههههههههههههه ليه ؟
احمد : مش عارف كل ما اجى اقربلك ولا ابوسك بوسه حلوه كده احس ان فيه حد بيناديلى وبيقولى احترم نفسك ومالكش دعوه بأمى
سلمى : ههههههههههههههههه بقا هو بيقولك كده ، معلش انا هضربهولك
احمد : طيب ياختى ، انتى وهو ، مايمكن تطلع بنت
سلمى : ياريت عشان نعمل حزب عليك
احمد : لا يا حلوه معروفه ان البنت بتبقى حبيبة ابوها ،
سلمى : ياسلام ، يعنى انا هتركن ع الرف بقي
احمد : طبعا يا قلبي دى هتبقى حتة منى .. انتى حيالله اسمك مراتى . انما هى بنتى ! فلذة كبدى ،
سلمى : طيب ياخويا انت وبنتك ،
احمد : واعملى حسابك لو طلعت بنت تيجى بالسلامه هى بس وهيبقى مكانها هو حضنى
سلمى : والله ارميهالك م الشباك
احمد : هههههههههههههههه والمصحف معتوهه وتعمليها
سلمى : اه انت فاكرنى بهزر ! احنا هنهرج ولا ايه ، محدش يقعد ف حضنك غيرى ،، فاهم ياض انت
احمد : حتى لو بنتك ؟
سلمى : حتى لو مين حتى ، فاهم ولا لا ،، انطق
احمد : ما خلاص يابنت الهبله فيه ايه ؟ قومى اعمليلى فطار
سلمى : حمووووثى والنحمه ابنك عمال يرفس ف بطنى ومث قادره خالث ،، اااااااااااه يا بطنى اااااااه الحقونى
احمد : ( بيبصلها وساكت )
سلمى : ايه يا حموثى بتبصيلى تده ليه
احمد : بقا حامل ف الشهر التالت وهتقولى بطنى ومعرفش ايه ، جاتك نيله قومى يابت اعملى فطار ، ابو دلعكو دلع ماسخ
سلمى : هههههههههههههه طب والله بطنى مش عارفه مالها فيها ايه
احمد : بطنك فيه جنين لسا مكملش شهرين يابنت العبيطه وبطلى امور الاستعباط بتاع امك ده
سلمى : مث قادره يا روحى ، قوم انت واحشنى فطارك والله
احمد : شوف ازاى ؟ طب اتاخرى من على ضهرى
سلمى : لا قوم اعمل فطار يلا
احمد : يابت ههبدك ف مخك هقوم ازاى انا وانتى قاعده على ضهرى ، اتاخرى بقولك
سلمى : ناءه
احمد : يابت هتخنقينى قومى
سلمى : ناءه ناءه
احمد : ياربنا ،، متجوز واحده معتوهه ، والله انا خايف تعمليلى حاجه ف الواد اللى ف بطنك ده
سلمى : ده حبيبى ده ، ده ابن الغالى
احمد : طيب ياختى ،، عندك ايه فطار يتعمل انا بردو جوعت تصدقى . مش عارف فيه ايه انا بقيت اجوع اوى اليومين دول ، عملتى فيا ايه امبارح
سلمى : اتلم ياض عيب
احمد : عيب ليه ان شاء الله
سلمى : عيب احنا مش لوحدنا فيه واحد عمال يبص
احمد : مش بقولك بيراقبنى ، قومى والله يا سوسو انا جوعت
سلمى : شيلنى
احمد : ام الفرهده بتاعتك ، عاوزه ايه انتى ع الصبح هو اى فرهده وخلاص
سلمى : حموووووو شيلنى
احمد : سلمى يا حبيبتى هو انتى ناويه تكملى ال 6 ولا 7 شهور دول بنفس الطريقه ؟
سلمى : هههههههههههههههه انت لسا شوفت حاجه ، هو انا هبقى حامل ف ابنك لوحدى وانت تبقى مكبر دماغك
احمد : يا روحى ! طب خلاص انتى شيليه 4 شهور ونص وانا 4 شهور ونص ، وماله ولا تزعلى
سلمى : هههههههههههههههههههههه
احمد : انا نفسي افهم ضحكة الرقاصه دى مين علمهالك
سلمى : انت السبب حرام عليك ، عليك شويه كلام يا روحى عسسسسسسسسسسل بقولك ايه
احمد : عاوزه ايه
سلمى : ماتجيب بوسه
احمد : لا
سلمى : ليه طيب يا مولانا
احمد : ابنك مراقبنا
سلمى : هههههههههههههههههههههه هههههههههههههههههههههههه ههههههههههههههههههههههه جزمه والله ، اممممممممممممممممممواح
احمد : ايه الهبره دى ! ما بالراحه طيب
سلمى : ناءه فيث بالراحه
احمد : سلمى ! هو انتى لسانك ماله النهارده ، مش خير ولا ايه
سلمى : وحشتنى ياعم
احمد : غريبه يعنى ، وحشتك كده من باب للطق ، مش متطمنلك يا زينبو
سلمى : هههههههههههه لا اتطمن يا روح زينبو ،
احمد : وبعدين انتى مش هتبطلى حلاوة امك دى بقي
سلمى : تؤتؤ
احمد : ايه
سلمى : تؤتؤ
احمد : حلال الله اكبر ههههههههههههههههه
سلمى : ههههههههههههه اه يا مجنون
..........
احمد : بقولك ايه صحيح
سلمى : ايوه
احمد : ماعدتيش هتسوقى عربيتك من النهارده
سلمى : ليه طيب
احمد : هو كده انا مش مستغنى عن الواد ، ممكن ماتاخديش بالك وتاكلى مطب يضيعك انتى وهو ف خلينا ف الامان الله يكرمك . انا هبقى اوصلك واجيبك ولو الدنيا مزنقه معايا تبقى تخلى منه تجيبك او تاخدى تاكسي وتعرفيه انك حامل ، غير كده لا
سلمى : بتخافى عليا يا بطه
احمد : نتلم بقي شويه بلا قلة ادب
سلمى : بقولك ايه انا ناويه اجيب ليلى تشتغل معايا
احمد : ليلى مين ؟
سلمى : ليلى اللى كانت شغاله عند عبد الحميد اللى انت كنت قابلتها
احمد : اها ، دى بنت طيبه وغلبانه
سلمى : يا حنين ! وايه تانى
احمد : ههههههههههههههه ايه البصه دى وحياة امك ! انا بقولك يعنى انها تستحق لانها ماكنتش قابله الشغل الشمال ف عز ما كان عبد الحميد زفت ده عالى
سلمى : اه عشان كده هجيبها ،
احمد : طب ما تكملى جميلك وهاتى البنتين التانيين هاله وسمر
سلمى : ماشى ياعم مع ان عينيهم زايغه بس ماشى ، بس مش عاوزاك تنطلى ف الشركه بقي كل شويه لما يشتغلوا
احمد : ههههههههههههههه من عينى الجوز
سلمى : قوم بقي عاوزه أفطر كفاية انى ماروحتش الشغل امبارح والنهارده
.............
( ف المطبخ )
احمد : ماتلبسيلنا حاجه محترمه بقي بلا قلة ادب ، ايه اللى انتى لابساه ده وحياة امك
سلمى : ههههههههههههه انت مالك انت هتحضر فطار ولا هتبحلق فيا
احمد : احضر فطار ازاى وانتى واقفالى كده ، ايه ياعم ؟ ايه يا عم الاستفزاز ده انتى بتعاملينى كده ليه ههههههههه
سلمى : براحتى
احمد : طب بقولك ايه
سلمى : نعم ! عاوز ايه انت
احمد : غنى
سلمى : ايه ؟
احمد : غنى وانا بقشر البطاطس دى ، مش عارف انا الاكياس الجاهزه راحت فين خلصتوها انتى والمفاجيع امبارح
سلمى : هههههههههههههه اه والله داحنا كلنا أكل ، احمد ربنا انك لقيت حاجه نعملها فطار
احمد : طب ايه يلا غنى
سلمى : لا صوتى وحش
احمد : هو انا يعنى هسمع ام كلثوم ، غنى اى حاجه
سلمى : طيب ياسيدى
بيقولولى تووووبى
توووبى توووبى توووووبى
ازاى بس ازاى ؟
تتوبى يا عينى ازاى ازاى ؟ عاشقه ومسكينه والنبى
احمد : تيرارارارا
سلمى : عاشقه وغلبانه والنبى
احمد : تيرارارارا
سلمى : مقدرش افوته والنبى
دنا كل حته ف تووووبى ، دايبه
داااايبه
دايبه ف هواا محبوبى
احمد : الله أكبر حلو اوى
سلمى : بجد صوتى حلو
احمد : هو انا جيت جنب صوتك
سلمى : امال هو ايه اللى حلو
احمد : ام مياصتك وانتى بتغنى ام الاغنيه المايصه دى
سلمى : هههههههههههههههههههههه ( بتحضنه جامد من ضهره ) يا حبيبى ربنا ما يحرمنى منك واتدلع واتمايص عليكى يا بطه
احمد : مين اللى بيخبط علينا بدرى كده
سلمى : اروح افتح ؟
احمد : تروحى تفتحى ازاى بلبسك ده . استنى ده تلاقيه الواد عاشور جايب حاجه ولا حاجه
سلمى : ماشى
احمد : ايدك لو اتمدت ع البطاطس هقطعها ، انا طلعان عين امى فيها
سلمى : هههههههههههههه عيب ، إلبس حاجه عليك ماتخرجش كده
احمد : مالكيش دعوه
.............
( بيفتح بيلاقى منه وفريده وبيقفل الباب )
منه : هههههههههههههههههههه افتح يا حموووووووووووو
فريده : ههههههههههههه احنا جينا ف وقت مش مناسب ولا ايه ، افتح عيب كده
احمد : مش فاتح ، روحو على بيوتكو بلا قلة ادب بقي انتو عاوزين مننا ايه جاتكو ستين نيله
فريده : ههههههههههههههه ياواد افتح عيب هتسيبنا واقفين كده
احمد : اتنيلو قولو مين اللى عرفكو ان احنا هنا ومانزلناش
منه : ههههههههههههههه الست هانم اللى عندك بنكلمها ع الواتس بتقولى ما تيجو تقعدو معانا ، انا واحمد مانزلناش
احمد : سلمى ! هى فين وحياة امها منا سايبها
سلمى : إلحقوووووونى ، بتسلمونى يا ولاد الجزم
احمد : اه يابنت الجزمه بقي بتسلمينى ،
سلمى : اااااااااااااه هقع ، والله لو قربتلى لاعمل ف ابنك حاجه ، خلاص خلاص حرمت
احمد : ابو اشكالتكو اشكال معفنه ... روحى ياختى افتحيلهم . جاتكو نيله ، انا مش عارف طلعتولى منين انتو
سلمى : ههههههههههههههه استنى
( بتفتحهلم الباب )
سلمى : ادخلى ياختى انتى وهى
منه : ههههههههههههههههههههههههه هو راح فين
فريده : ههههههههههههههههههه هموت وكتاب الله ، دا زى ما يكون سهم الله نزل عليه لما لقانا ف وشه
سلمى : ده جرى ورايا وكان هيبطحنى لولا قولتله هعمل حاجه ف ابنك ، دخل يغير هدومه
احمد ( من بعيد ) : اخلصى يا روح امك انتى وهى اعملولنا فطار عاوزين ناكل
منه : ههههههههههههههه من عنيا يا حمو هنعملهولك بايدينا
فريده : هههههههه بسرعه يابت انتى وهى
................
( وهما بيفطروا )
فريده : انت يا أخ انت افرد بوزك ده عيب كده احنا ضيوفك
احمد : ماعدتوش تيجو ، مش طايقكو ، انا حر ف بيتى
منه : احنا مش جاينلك ، احنا جايين نقعد مع صاحبتنا
احمد : طيب ياختى ! ماعدتوش تيجو بردو ، خلاص شطبنا
سلمى : هههههههههههه
منه : المهم يعنى من غير مؤاخذه
سلمى : لا مؤاخذتك معاك يا روحى خير
منه : انتو كنتو بتعملو ايه قبل ما تفتحو الباب
سلمى : هههههههههههه
احمد : تعالى قربى يا منه هقولك حاجه
منه : ايه ؟ لا مش مقربه
احمد : والله ما تخافى تعالى تعالى هقولك كلمه سر
منه : الله الغنى مش عاوزه هههههههههههه خلاص مش عاوزه اعرف جاتك ضربه
احمد : من خاف سلم ، انا قايم رايح المطعم بقي اشوف الدنيا هناك
سلمى : ماشى يا حبيبى وانا قاعده مع البنات شويه ، هنبدا نجهز بقي
احمد : تجهزوا لإيه
فريده : لولى العهد اللى جاى ف السكه ده ، ده لازم يتدلع
احمد : يانهار اسود ! هتجهزوله قبل ما ييجى ب 7 شهور ، لييييييييه ؟ مسافر الخليج هو
منه : ههههههههههههه لا يا حلو الايام بتجرى وهوب هتلاقى مراتك بطنها كبرت وبتقولك انا هولد بكره ولا بعده ، نكون عاملين حسابنا
احمد : طيب ياختى انتى وهى ، هتجهزوا تعملوا ايه يعنى
سلمى : يعنى يا روحى هنظبطله اوضته وهنغير ديكورها بقي وهنجيبله سريره ولعبه وحركاته وتكاته وهدومه وغياراته وحفاضاته وليله كبيره هنفضل نمخمخ فيها طول الفتره اللى جايه على مزاجنا
احمد : ده الواد ده هيشوف دلع عمر ابوه ما شافه ههههههههههههه محظوظ ابن المحظوظه
فريده : وحياتك انت ماحد شاف دلع غيرك ياحمو ، 3 مزز قاعدين معاك دلوقتى واحده منهم مراتك وتقولى ماشوفتش دلع هههههههه
سلمى : ههههههههههههههههههه
منه : ههههههههههههههههههههههههههه اه يابطنى
احمد : ايوه ايوه استلمونى استلمونى ، جاتكو داهيه . انا قايم ألبس وماشى
سلمى : ماشى يا روحى هترجع امتى
احمد : هبقى اكلمك , بس ورايا كم مشوار كده ، هتتغدوا هنا ولا بره .
سلمى : احنا شويه وممكن نخرج ممكن نعدى عليك ف المطعم ولا رايح فين
احمد : خلصو انتو مشواركو وابقى رنو عليا ونظبط سوا
سلمى : ماشى يا حبيبي
منه : فيه ايه يا حاجه انتى وهو ماتهدو كده احنا قاعدين
احمد : اعوذ بالله ، بكيزه وزغلول
فريده : هههههههههههههه وان كان عاجبك ،
احمد : يلا سلام بقي انا ماشى
............
فريده : بقولكوا ايه ، عاوزين الفتره الجايه دى كلها نطلع عينين الواد ده طلبات ، وكلمة السر هو الواد اللى ف بطنك ده
منه : هههههههههههههههههههه بنت حلال نفس اللى اتفقنا عليه انا وسلمى وساره
سلمى : ههههههههههههههههههههههه داحنا هنروشهولك ، 7 شهور بالتمام والكمال هنخليه يكلم نفسه ، هصحيه الفجر هقوله بتوحم هاتلى ام الخلول هههههههههههه
منه : ههههههههههههههه ههههههههههههههههه قوينا يارب
فريده : هههههههههههههههههههههه ايوه بقي أخيرا جه تحت ضرسنا
.......................
الى اللقاء ف حلقه قادمه