روايه بنت الاكابر

الجزء الثامن (الحلقه الثانيه) ( أصحابه )

(الحلقه الثانيه) ( أصحابه ) <3
................
(في الحلقات السابقه )
فريده : بقولكوا ايه ، عاوزين الفتره الجايه دى كلها نطلع عينين الواد ده طلبات ، وكلمة السر هو الواد اللى ف بطنك ده
منه : هههههههههههههههههههه بنت حلال نفس اللى اتفقنا عليه انا وسلمى وساره
سلمى : ههههههههههههههههههههههه داحنا هنروشهولك ، 7 شهور بالتمام والكمال هنخليه يكلم نفسه ، هصحيه الفجر هقوله بتوحم هاتلى ام الخلول هههههههههههه
منه : ههههههههههههههه ههههههههههههههههه قوينا يارب
فريده : هههههههههههههههههههههه ايوه بقي أخيرا جه تحت ضرسنا
................. ( الثانيه ) <3
على : ايه يا حب اخبارك
احمد : تمام يا علوه اخبار الدنيا عندك ايه ؟
على : كله تمام ! بقولك فيه مورد جديد هبلغك بيه تقعد معاه وتنزل منه سمك للمطعم بس بأسعار ف الحنين شويه ، الواد بكر لسا معرفنى الموضوع ده
احمد : تمام اوى حلو ، اهو يخف العمل شويه بس اهم حاجه يكون السمك صابح وطازه مايكونش بايت ولا متلج ياعم
على : لا لا عيب عليك ، تمام ، هو بس المورد ده بيفتحله سوق جديد وبادئ باسعار حلوه عشان يعمل لنفسه اسم
احمد : طب تمام اشطا اوى ، خطيبتك عامله ايه ياض
على : كويسه ياعم ، زعلانه منى عشان ماجيبتهاش العزومه بتاعة امبارح عندك ،
احمد : لا اله الا الله ، انت مش قولتلى يابنى انك قولتلها وهى قالت تعبانه
على : والمصحف ده اللى حصل ، لقيتها بتقولى كنت امسك فيا شويه هههههههههههههه دماغ اللى خلفوها جزمه قديمه معرفش هتعامل معاها ازاى دى ؟
احمد : ههههههههههههههه اها أمور دلع يعنى
يا حبيبى افهم
كل بنت ف الدنيا ليها دماغ وليها طريقة معامله هى بس اللى تتعامل بيها
عمرك ما هتلاقى بنت زى التانيه حتى لو كانو توأم
المهم منك انك تعرف هى بتفكر ف ايه وبتفكر ازاى وطريقة تفكيرها هتوصلها لإيه
لازم يا على تعمل كل ده عشان تقدر تكمل وتعيش وتتعايش وتفرض اسلوبك على مراتك من غير هى ما تحس انك انت اللى فارضه
كتير من الرجاله عامللى فيها تسع رجاله ف بعض وبيحب يفرض كلامه بالشخط والنطر والزعيق والصوت العالى
اقولك حاجه ، اضعف راجل هو اللى يفرض كلامه بالصوت العالى
بالعكس
دنا ممكن اخليها تعمل الحاجه اللى على مزاجى وهوايا من غير ما هى تحس وبل بالعكس هخليها تحس ان هى منتصره وان هى اللى مشت كلامها
هههههههههههههه يا حبيبى عشان تتعامل مع التعابين لازم تبقى حاوى
هههههههههههههههههههه مع الاعتبار ان البنات مش تعابين ، بالعكس دول أرق حاجه ربنا رزقنا بيها وكونك مش عارف تتعامل معاها ازاى او مش قادر تشوف الطريقه ف دى حاجه تعيبك انت ماتعيبهاش هى
على : كلامك على راسي بس ازاى ؟ ازاى افهم اذا كانت هى بتتكلم بجد او بتتدلع او عاوزانى اقولها كلمه حلوه او عاوزانى اسيبها لغاية ما تهدى او غيره او غيره من المعاملات
احمد : يا علوله دى حاجه ربانى كده ، لو سيادتك لماح وسريع البديهه هتفهم
هتربط الاحداث ببعض وتفهم هى هتوصل لإيه وبناء عليه هتستناها هى ف آخر السكه وتقولها سبقتك هههههههههههههه زى منا بعمل ف سلمى بالظبط
على : ايووووووووه يا جدع دانت كل مره تديها على نافوخها وبتطلع انت اللى صح ف الاخر
احمد : بص يا علوه وركز معايا
لما تتجوز !
اعمل حسابك انك هتعيش كل المشاعر الحلوه والوحشه
هتعيش اوقات غيره واوقات ضعف واوقات خوف واوقات رومانسيه واوقات نكد واوقات عياط واوقات طبطبه واوقات مصالحه واوقات هتيجى عليك مش طايقها واوقات هتوحشك بمجرد ماتسيبها وتخرج من البيت
دورك هنا محورى
افهم رإكشناتها وافهم طباعها الاول وده ف مرحلة الخطوبه
اعرف لما بتغير بتقولك ايه
بتتكلم ازاى ؟ بتبصلك ازاى
اعرف لما تكون مش طايقاك بتقولك ايه وبتتكلم بردو ازاى ؟
سلمى بالنسبالى كتاب مفتوح
مش علشان قضيت معاها اربع سنين جامعه وحفظتها اكتر من ابوها وامها
بالعكس
سلمى انا عرفتها وعرفت تفكيرها من أول يوم
من ساعة ما لقيتها هى كانت مستخبيه عشان تشوفنى انا هروح اسال عليها ولا لا
ساعتها عرفت انى هتعامل مع بنت ذكيه جدا مش واحده بتحب على روحها اى حد ييجى ف سكتها ، وخلى بالك بقي
هتحب واحده ذكيه قدامك طريقين مالهمش تالت
يا هتاكل الشهد والفرح وعمر النكد ما هيدخل بيتك
يإما هتقرفك وهتعيشك ف جحيم طول عمرك وف الحالتين انت السبب
على : تمام ! انا السبب ازاى بقي
احمد : انك تكون واضح
تحترم دماغها وكبريائها وتحترم غيرتها وتحترم عقليتها شويه وماتلفش وتدور عليها
انا كنت كده مع سلمى
كانت تشوفنى واقف مع فلانه ولا علانه وتيجى تسالنى بطريقه صايعه كده من غير ما تحسسنى انها غيرانه كنتو بتقولوا ايه
كنت اقولها عادى كنت بهزر معاها وبنقول كا وكذا وكذا ، مش عيب
تعرف انى كنت بتوقع كلام سلمى او اسئلتها اللى ف عينيها وعاوزه تسألهولى وبناءا عليه بجاوب واحنا قاعدين مع العيال من غير ما هى تحس او تعرف انى بجاوب عليها هى هههههههههههههههههه
على : انت هتقولى ! دانت استاذ ف الموضوع ده
احمد : مره سلمى داخله بالعربيه بتاعتها من بوابة الجامعه وانا داخل مع واحده صاحبتنا وكنت بهزر معاها جداااااا يعنى هزار سخسخه ، فعلا البت دى كانت اخف دم ف الجامعه كلها وتقعد معاها دقيقتين ماتقدرش تمسك نفسك م الضحك بسببها ، وشوفتها بالصدفه بره الجامعه وقالتلى استنى ندخل مع بعض
طول اليوم بقي صاحبتك بتفرك ، وتنفخ وعاوزه تقولى كنت مسخسخ اوى كده ليه مع البت هاجر
وانا عارف وشايف منظرها وشايف عينيها وهى بتبصيلى بتبريقه كده كأنها هتاكلنى وكل ما ابصلها الاقيها تدور وشها الناحيه التانيه
لغاية ما قولت لازم اهديها بقي
قولتلهم عارفين يا عيال البت هاجر دى دمها زى السكر
قالولى ليه ؟
قولتلهم مافيش تخيلو داخلين انا وهى النهارده الجامعه بنتكلم ف كذا وكذا وكذا ، هى لما لقيت ان الموضوع عادى وهزار بين اتنين زمايل واصحاب ضحكت معاهم وبدأت تفك وترجع تهزر معايا من تانى
ف المهم دلوقتى خطيبتك دى زى الصلصال ، هتشكلها على مزاجك
خليك حنين
هما بيحسوا بالحنيه وبيحسوا بالخوف عليهم
وصل لخطيبتك احساس الآمان وانك شاريها ومغنياك عن العالم كله زى منا موصل لسلمى بالظبط
ياحبيبى سلمى عندها اقتناع دلوقتى انى لو قاعد ف اوووضه مليانه بنات وعرايا كمان مش هبص لواحده منهم هههههههههههههه
وده فعلا ، عندى صحاب كتير وزمايل كتير ومعارف كتير لكن ماعنديش غير حبيبة واحده
فهمتنى ؟ وصل لخطيبتك الموضوع ده ، طمنها بالكلام وبالفعل وهى هتأكلك الشهد ، وافهمها اللى يرضى عليك ، افهم دلعها وغيرتها على انهم حاجه حلوه مش حاجه هتخنقك يا اهبل انت
على : ما خلاص ياعم ، ماكنش سؤال سالته
احمد : لا انا بكلمك لغاية ما الواد يجيب الشيشه هههههههههههههههههه قولت اضيع وقتى معاك بكلمتين
على : منا عارف يا صايع ، اهو جابها اهو ، اضرب
احمد : منا بضرب اهو
على : صحيح نسيت اقولك الواد مصطفى كلمنى من شويه كده كان بيقولى ان صاحب البرج اللى انت شوفت فيه الخمس شقق دول اللى فوق بعض هيقابله النهارده بعد العصر
احمد : اه تمام منا قولت لمصطفى يتفق معاه ونقعد معاه كده نشوف ميتة واصله لكام ، لو الدنيا حلوه هنخلص شققنا كلها ونسكن ، مش عارف انا ايه اللى هيلمنى اللمه السوده دى كلها معاكو هههههههههههههههه
على : تصدق بالله ! دى يمكن تكون احلى حاجه عملتها
وبعدين دا البرج على اول الشارع يعنى مش رايحين ولا جايين بره المنطقه
احمد : ماهو ده اللى شجعنى للفكره ، ازاى اطلع من الحته اللى اتربيت فيها .. لولا ان البرج ف نفس المكان ماكنتش اتحركت
على : اياك على الله بس نخلص على خير ويكون طلباته ف الحنين كده هما كم دور
احمد : هما 3 ادوار فاضيين كل دور فيه شقتين
يعنى 6 شقق
واحده ليا وواحده لامى واخواتى وواحده لمصطفى وواحده لساره والدور التالت البت منه كلمت سلمى على انها هتحجز شقه فيه عشان تانسنا لما تتجوز هى كمان ههههههههههههه شوفت غلب اكتر من كده
ماتيجى معانا ياض انت
على : ياريت والله بس انت عارف ان ابويا لازمنى معاه وعاوزنى ف البيت
احمد : انا عارف والله ولولا كده ماكنتش سيبتك
على : حبيبى يا حمو ! شوف تليفونك بيرن
احمد : ده الواد سيف استنى اما اشتغله
على : تشتغل مين يابنى ده ظابط
احمد : ههههههههههههههههه ظابط مين ياعم على نفسه . استنى استنى اما اغير صوتى
الو !
سيف : ايه يا فنان فينك
احمد : الو ! انت مين يا استاذ
سيف : استاذ مين بروح امك انت هتشتغلنى يالا
احمد : انت مين يابن الكلب ياواطى ، بتتصل عاوز مين انت ،
سيف : انت مين انت يا متخلف انت وحياة امى منا سايبك / النمره غلط جاتك داهيه
احمد : ايوه يا سيف يا حبيبى عاوز مين يا بابا
سيف : ههههههههههههههههههه يالا يا معفن ، يخربيت معرفتك السوده يا أخى ،
احمد : لا بس دخلت عليك
سيف : دخلت ايه بس دنا لبستها مغريه الله يحرقك ، اتخضيت والله ههههههههههههههههه
احمد : وعاملى فيها ظابط ، ياعم اجرى دانت لو حرامى غسيل طلعلك وقالك بخ هتبخ على طول ههههههههههههههههههه
سيف : هههههههههههههههههه ماشى ياعم ، المهم انت ناسينا خالص
احمد : لا والله يا حب دنا كنت بظبطلك الدنيا عشان تيجى تشوف ع الطبيعه
سيف : حبيبى حبيبى . طب ايه هى اسمها ايه الاول
احمد : اسمها منه ! صاحبة سلمى الروح بالروح
سيف : حلوه يعنى كده وتشرح القلب
احمد : ههههههههههههههههههههه يابنى بقولك صاحبة سلمى يعنى الطيور على اشكالها تقع ، حاجه أوبهه كده وبنت ناس
سيف : طب امتى طيب هشوفها
احمد : بص ، الواد على جنبى اهو هظبط عزومه كده واجيبكو كلكو سوا واهو تيجى
سيف : خلاص تمام وسلملى ع الواطى اللى جنبك ده لما اشوفه بس
احمد : من عنيا يا حب ، المهم ماتبقاش خفيف كده واول ما تشوف البت لسانك يدلدل لاحسن انا عارفك عبيط واهبل
سيف : هههههههههههههههه عيب هبقى تقيل والله
احمد : وحياة امى هتشوف البت هتخوفها منك . مش انت صاحبى وهى صاحبتى . بس عارفك متخلف وهتطفشها وهى اساسا تنكه مابيعجبهاش العجب انا مش عارف ايه الجريمه اللى هعملها دى ازاى اجيبك انت تعرف منه ههههههههههههه دى هتقطع علاقتها بيا وبسلمى هههههههههههههه
سيف : هههههههههههههههههههههه عيب ياض والله لارفع راسك
احمد : والله ما حد هيجيب راسى ف الطين غيرك ههههههههههه انت والاهبل اللى جنبى ده اللى مش عارف يتعامل مع خطيبته ده ،
سيف : طب ومصطفى ايه نظامه
احمد : مصطفى ده اهبل واحد ف الدنيا كلها هههههههههههههههه عاوز اشوفك يا حب والله ونسهر سهره حلوه كده بره ف اى خون من اماكنا انا وانت وعلى ومصطفى والواد زياد بردو
سيف : يا حبيب قلبى ياريت والله شوف كده وانا معاك من بعد بكره هكون فاضى
احمد : خلاص تمام هظبط واقولك
سيف : حبيبى يا كبير . سلام
احمد : سلام
......................
على : هههههههههههههه عاوز تجوز سيف ل منه ؟
احمد : ههههههههههههه اه شوفت ، وحياتك انا اللى هنضرب ، البت شايفه نفسها ومش عاجبها حد ياعم
على : تعرف ! منه لسا لغاية دلوقتى بتحبك ويمكن اكتر من الاول كمان
احمد : طب منا عارف وسلمى كمان عارفه ، بس احساس الامان والاطمئنان اللى سلمى واصلاله من ناحيتها ده لان منه طبعها حلو ، هى فضلت متمسكه بحاجه انها تبقي من حقها لكن لما خلاص مابقتش من حقها بدات تتعامل معانا على الاساس ده ، انى انا مش من حقها ، ف عشان كده سلمى متطمنه من ناحيتها ، يابنى دول اصحاب من زمان اوى زى انا وانت ومصطفى كده ، واستحاله كنت هخليهم يخسروا بعض بسببى
على : طب المهم ، هتظبط العزومه بتاعة الواد سيف ده ازاى
احمد : هظبط سلمى الاول وافهمها الموضوع واشوف رايها ، هى اكيد أدرى بصاحبتها وهتعرف اذا كانت منه هتوافق من اساسه ولا لا
عشان ماحرجش الواد
على : طب انت رايك ايه ؟ البت هتوافق ؟
احمد : هههههههههههههههههههه معرفش
على : وحياة أمك عارف ، وعارف دماغها وعارف هى هتقول ايه ؟
احمد : هههههههههههههههه صح بس هنكر ، بص ! منه ممكن تموووووووووووت لو انا او سلمى جينا قولنالها جايبينلك عريس ، لازم الموضوع ييجى من برانا انا وسلمى ، ييجى طبيعى كده معزومين وشافو بعض وهو كلمنى عنها وانا او سلمى قولنا لمنه جايلك واحد ، غير كده هتزعل مننا
على : طب وبعدين ! هنرتبها ازاى
احمد : بكره ممكن اعزمك انت وخطيبتك ومصطفى واسماء وهجيب زياد وسيف ، وهكون عازم منه معانا
على : تمام
احمد : بس وحياة امك لسانك ده ماينطقش
على : ههههههههه ما خلاص ياعم
احمد : مين اللى بيرن تانى ؟
على : شوف مين ياعم
احمد : يا نهار اسود
على : هههههههههههه ايه ياعم مين
احمد : ده مصطفى
على : هههههههههههههههه طب وماله رد
احمد : لا ياعم رد انت الواد ده لما بيكلمنى الصبح كده وهو ف الشغل بعرف ان فيه مصيبه ، ههههههههههههه
على : طب هات هات اما ارد انا . الووووووو !
مصطفى : انت بترد انت ليه يالا
على : الواد بيشيش ومش فاضيلك عاوز انت ايه
مصطفى : زمانكو عمالين تشيشو ومروقين دماغكو وانا مزنوق زنقة الكلاب هنا ف الشغل
احمد : الووو ! ايوه ياض عامل ايه ، بقيت اقلق لما ترن عليا الصبح جاتك داهيه
مصطفى : هههههههههههه معاك حق بصراحه ، عشان تبطل رمرمه ، وتلتفت بقي للواد الصغنن اللى جاى ف السكه ، عرفتو ولد ولا بنت ولا لسا
احمد : لسا ياعم كمان شهر كده ولا حاجه ، وبعدين انت محسسنى انك كنت مهاجر مانت كنت لسا امبارج معايا يا شيلحف انت ،
مصطفى : ماشى ياعم انا بتطمن عليك ، اصل بصراحه عاوز اقولك حاجه كده وخايف هههههههههههههههه
احمد : اطرش اللى ف بطنك وخلصنى . انا عارف ان صباحك زى وشك ، اخلص يازفت هههههههههههههه جاتك مصيبه تاخدك وتاخد اخبارك / خيييييييييييير
مصطفى : اصل
احمد : ماتتنيل تنطق
مصطفى : مش عارف اجيبهالك ازاى ههههههههههههه
احمد : مصطفى ! وحياة امك وامى لو مانطقت على طول لاجى اطلع ميتين اللى خلفوك انطق انا اعصابى باظت يا كلب السكك هههههههههههههه
مصطفى : انت كنت زعلان منى عشان موضوع فريده صح
احمد : اخلص
مصطفى : بصراحه هيتعمل معاك واجب اااااااااد كده اكبر من فريده بمراحل ههههههههههههههه
احمد : واجب ايه ده ان شاء الله
مصطفى : خير اللهم اجعله خير عرفت من مصدر موثوق منه ان كلية تجاره عربى وانجليش دفعة 2010 جايين يباركولك انت وسلمى على حملها ، هههههههههههههههههههه
وانت عارف بقي ان حبايبك كتير وكلهم ما صدقوا سمعوا الخبر ده
احمد : انت بتقول ايه يا روح امك
مصطفى : هههههههههههههه وحياة امى ما ليا دعوه انا عرفت زيي زيك كده ،
احمد : طب غور ف داهيه جاتك ستين نيله ، امسح رقمى من عندك وماعدتش اشوفك بتتصل عليا تانى
........................
الى اللقاء ف حلقه قادمه