الملاذ الأخير

الملاذ الأخير الحلقة (5)

الملاذ الأخير الحلقة (5) كتابات (أسامة)

كوكا:- خوك خيره مش لما خطب محد خدي رايه مش هوا دار زيك وشاف وخطب
إلياس :- خوي خايف عليا بس وتصير في كل عيله اللقطه هادي وتو يقبل
كوكا:-ان شاء الله يارب ني حكيت لاختي وامي وقالولي يتفضل والله منبو كان راجل وانتو صغار وهوا اهو يعافر ع حاله ويخدم شوي شوي تكونو روحكم
إلياس :-ني مش هكي اللي هامني، اللي هامني اني معش نستمر فالغلط ني وياك ونخطبو ونسترو ع بعض ره شايفك وشايفتني ف اضعف حالاتنا وتمادينا ف قصتنا هلبا ومايصلح بينا كان الزواج
كوكا:- اني حنعطيك عيوني وربي والله نستني فاليوم اللي بنقوللهم جاني تاج راسي وحبيبي💔😭

شفنا كيف تفاقمت الأحداث والياس تعارك مع رب عمله وخسر عمله مع انه شهرين بس دار فيهم مجهود، رب عمل الياس طلب منه يملأ نموذج لاسماء اشخاص ينتخبوه والياس رفض وقال

الياس:- يوسف اني خدمتي بيع الطوب الاسمنتي والتوصيل بسيارتي شي هدا برا عملي وني منقدرش بجد
يوسف:- هدا كيف نفسي وراجل خدوم عبيله اسماء وانت عندك معارف ما شاء الله تحصله ف تعيين تحصله في شي
إلياس :- اني حتي انت مانزكيكش ونضمنك قدام ناس وهالشي حتي شرعا حرام وانت تعرف والتعيين علي ربي
يوسف:- فك روحك من تيار السلفيه وهدي تجوز وهدي لا الصلاه كلنا نصلو ره كل مره مطلعيلنا حاجه
الياس:- السلفيه هما اللي جابولك الدين من اتباع الصحابه والرسل، وهالشي غلط اني منقدرش نضمن حد وكان يطلع سراق وين نهرب من ربي؟ سامحني خوي
يوسف:- اماله معش تجي للدوام واحسب حسبتك والبلك اللي بعتهلك بي 0،90 نبيه بي 1،50 واصل نازل🙂
الياس:- الحمد لله رب العالمين تمام هدو حسبتك كلها

العركه كبرت بين الياس ويوسف لان الياس ف طريق ويوسف من تيار غلط لايحب الصلاه فالمسجد ولا كلام العلماء والتلخبيط هات ماعندك وافتك الياس من ناس هات كل شي حتي بالحرام عادي،الياس مش ملتزم بس محافظ زي الناس العاديه،

كان يدخر في ماله في حصاله ويجمع بيش يخطب حبيبته وزاد كلم اهله وتعارك وتخاصم معاهم لدرجة نزلت دمعة امه، وبوه قاله ني نخطبهلك غر راضي امك وراضاها وباس راسها وتحصل ع موافقه اهله وامه تكلمت مع ام كوكا وهدرزو وقالولهم تفضلو في اي وقت

وف يوم العاشوراء الياس كان صايم واتصل بيه خوه يجيبله فرش ع سيارة بوه نوع تيوتا وناض الياس ومشي ومعاه عبدو ولد خالته ونزلو للمحل

الياس:- تعرف داايخ وربي وامبارح متسحرتش هي نرفعوه يقيس المكيال ونردو نجيبوه
عبدو:- هي امال ع سريع بيش نلحقو المغرب نلقوها واتيه

ركبو السياره ومعاهم الفني اللي بيكل وبياخد مقاييس البيت، نشوفو شن صار

عبدو :--إلياااااااس 😮😱😭😭

الياس:- اعووووووووووووووو كففف 🚙🚘

الياس قص الطريق قدام راجل كان لاهي في هاتفه وكان يجري الراجل، والياس ما انتبه كويس 💔😞

عبدو :- اليااااااااس نووووض نوض نوض نوووووض تعالو يا نااااس ارفعوووه وربي ميتحرككك الراجل الراجل شوفوه حت هوااااا لا حول ولا قوة الا بالله 💔😭😭

الياس كانت الضربه من جهته وحصل ضربه في ظهره وضلوعه وفقد وعيه من قوه الضربه والصدمه والراجل اللي مقابله واعي بس ما يقدر يحرك ولا جزء في جسمه 💔😞

رفعوهم وسعفوهم والياس يتخايل في صوت الراجل ويشهد في ربي ويقرا ف ايات ويتعتع وصلو بيهم المستشفى والياس رجعله وعيه وقاعد صايم ودخل ع الراجل اللي مقابله فالحادث وين شافه ميتحركش طاح الياس تاني وفقد وعيه

محمد خو الياس:- لا حول ولا قوة الا بالله لا حول ولا قوة الا بالله ياناااااااس تعاالووووو شدو معاااي خوووي ويبكي ع خوه وسنده والياس يشهد في ربي وتلقطو الدكاتره والممرضين،محمد وجعه حال خوه والله يقتل الموقف كان

الدكتور:-علقوله 3 تغديااات وقيسولي السكر فجسمه بسرررعه

الممرضه:- 63 يادكتووررر ونبضه يضعف صايم ره

الدكتورر :- علقوله وفطرووه لو استاقض بسرررعه

لا حول ولا قوة الا بالله العلي العظيم من مصيبه لمصيبه هالولد من عمله اللي خسره فالشركه لخيبته من حبيبته انه يخدم مع ولاد خاله، لي رفض اهله ومعاناته معاهم، لي فرحته بيش وافقو ولي خيبته من رب عمله اللي طلع عيل معاه، لموقف الياس يجيه صدمه وفي وقت حساس قدر الله وما شاء فعل 💔😞

نتابعو الحلقة الجايه وشن حيصير زعما من احداث 💔😓😴