الملاذ الأخير الحلقة (6)(كتابات أسامة)
شفنا فالحلقه الماضيه الياس وهوا يصارع فالوجع ويكابد...
وكيف جاته الصدمه وكيف صار كل شي بها السرعه
الياس:- انا لله وانا اليه راجعون لا حول ولا قوة الا بالله يارب اغفرلي اللهم اغفر لي لا إله إلا الله 💔😓
محمد :- شنو الياس قول تقدر تفطر نوض كول لو تقدر
الياس:- كيف حال الرااااجل شووفه شوووفه وين مالك وينن💔
محمد :- بخير غر نوض انت نووض افطر بالله عليك غلط تقعد صايم ره نوض ياراجل، تعال يامالك يبيك الياس💔
مالك:- شنو احكي وخي قولي 💔
الياس:- ابعث مسج لكوكا قرب هاتفي نبصملك طمنها اكيد متصله💔
مالك:- اوكي بعتلها تمام معش تاكل روحك ارتاح بس🤦♂️
وصل الخبر لكوكا وانصدمت من اللي صار والحمد لله بشوي بشوي استاقض الياس وفطروه من صيامه، والعشيه كان فالحوش مع شوي ضربات ف صدره وضلوعه وظهره بس الحمد لله اجتازها واخوه محمد وباقي خوته مع الراجل اللي انضر فالحادث، واللي قعد فالعياده الخاصه بحكم انه محصل ضربه ع الفقرات مسببات التهاب فالنخاع الشوكي، الراجل رضي بحكم ربي وان قضاء الله وقدره وما سخط من اللي صار صح مش قادر يحرك ولا شي في جسمه حتي اصابعه مش قادر فشل تااام،شلل تام بالمعني الاصح😓🤦♂️
إلياس بدي كل يومين تلات يزور فالراجل ومتحشم ومشي حتي لحوشهم اكتر من مره، يواسي في ولاده واهله وخوته وبادر بأنه جاهز لكل شي لو استلزم الامر الشرطه والمرور، ومش غريب علي الناس اللي معدنها اصيل المواقف هادي، واستمررر تعب الراجل لين قرب عرس خو الياس والياس الحادث خلا اهله معش يحصلو فرصه يمشو للناس اللي يبي يناسبهم يمكن حكمه من حكم الله عز وجل ان اخر هالشي وكوكا بدت تنق عليه كل يومين تلات الياس امي تسأل امتا بتجو نبو موعد، والياس ميبيش يعطي موعد ويرخي بيه غلط لان بعدين يطلع عيل قدام اهلها 🤦♂️
الياس:- ياحبيبي ياحبيبي وربي اهلي موافقين وبيمشو شن مزال عاد كنا منحلموش حت يوافقو افهميني وقدامك الراجل ع سرير وني ماشي نخطب؟قدري ظرفيي؟ 🤦♂️
كوكا:- الحي يبي والميت يبي🙂
الياس:- يوم يطلع الراجل يمشو اهلي عادي اهلك يراجو جت في شهر عادي واصلا حتي عرس محمد قرب يعني بعد العرس المشيه حبيبي 🙂
كوكا :- ان شاء الله حبيبي يصير خير تو نقول لامي ني ❤️
وبدي العرس والياس كسر حصالته اللي كان يجمع فيها بيش يخطب هالبنيه بيش يصلح سيارة بوه ويعاونه حس روحه ان سبب في شي غلط وحاول يدفع معاهم رسوم العياده بس صاحب العياده تكفل بعلاج الراجل كامل لانه نسيبه والحمد لله الراجل طلع وروح للحوش بس ميقدرش يتحرك عطوه فترة علاج طبيعي مكثف بيش يتحرك حرك شوي من اصابعه ويده اليسار شوي بس رجليه ويده التانيه لا،طريح فراش💔
وجي عرس الغالي محمد واسبوعين والناس والهدارز والاصحاب والأحباب والبيوت والخيم منصوبات والدنيا افراح والحمد لله فات العرس والعريس تهنى وكوكا كانت كليوم تنشد ف الياس وتهدرز عليه وهوا نفس الشي والعقبه لينا حبيبتي والطريق ليك توا بعد خوك ههههه 😂
أنت تقرأ
الملاذ الأخير
ChickLitقصه ليبيه واقعيه، لشاب كويس يكبد على بنيه ويحارب على خاطرها ويتفاجأ بهلبا مواقف يكسروله ظهره، شاب قدم كل شي، وكل شي كان حقيقي، حيتعرض لهلبا طعنات وكسرات، من ارباب عمل ومن ناس يعرزهم واكثر كسره كانت من خطيبته، للكاتب (إلياس الزليتني) متابعه طيبه ملاح...
