الملاذ الأخير

الملاذ الأخير الحلقة (7)

الملاذ الأخير الحلقة (7)كتابات (اسامه)

الياس:- نعم شنو شن في كوكا؟؟ 💔
كوكا:- اني استاحشتك 💔😞
الياس:- نعم شن في؟؟ 💔
كوكا:- نتصلو عادي ونحكو؟؟ 💔🥺
الياس:- الو اهلين💔
كوكا:- الياس اهلي جاهم خالي وندمهم عليك وني حكيت لامي ع تشددك معاي ف حاجات زي الدبله والخمار وهما قالولي فوتيه وبوي صكر هاتفه ومعش يبي يتم معاكم قال معش بنرد عليه ولا علي حد منهم وخلوني نكرهك 💔💔💔
الياس :- كيييف 💔💔💔😟

وقفنا لعند هنا في حلقتنا الماضيه تعالو نحللو وندرسو تفسير لكلام كوكا واهلها اللي لا من الاصول ولا من شي

إلياس اول شي ما جبر حبيبته الجبر المطلق بس يعطي فالصح ويحاول يقنعها ولو ما رضيت يتنازل لان هالشي قناعه، الشي التاني تصرف كوكا منغير علم حبيبها، وانها تتحايل عليه مع اهلها من ورا ظهره يعتبر خيانه ليه مش هكي تكون، اما بوها معندي تفسير لكلمته مش من الرجوله انك تتهرب بعد ما ناس داسو بساطك غلط واكبر غلط غلطاته كوكا، لانها هيا من حرض هالشي ع اهلها وحست غلطتها لما بعد عنها الياس بس تراجعت لانها حست روحها غالطه وعرفت انها حتخسره، وموقف الياس حاير كان يستني ف بوها يتصل يعزي اهله في عمهم مش يتهرب زي ميقول، وفعلا الياس حاول مره تنين يتصل بي بوها بس ما يرد وقفل هاتفه....هادي كانت اشاره لبطلنا بس هوا ماعرف او يمكن حاول يعطي فرصه لحبيبته💔

إلياس :- كوكا انتي اللي ديري حل مش ني اني اللي عليا درته اهلك نراجي منهم في تعزاية لبوي في عمه مش ني نكلمه ونرده انتي اللي كلميهم وتفاهمي معاهم اني حاربت ع خاطرك دورك تحاربي🤞🏻
كوكا:- اني حلفتلهم محد مصكر عليا داار غيركك لو نموووت لو شن يصير وربي غر انت كلم بوي بالله عليك بالله عليك حبيبي وربي بنموووت ره نعرف غلطت بس وربي نبيش يصير هكي
إلياس :- اني متشدد كوكا؟؟ نهار نقولك حبيبى البسي نقاب تقوليلي بديت نلبس فيه ونسمع ف كلامك وغيرت حت نظرية بنات خالاتي وبدو يلبسو فيه يعني تكذبي عليا؟ ني راني منيش متشدد فيك واللي تبيه معاك فيه ني بالتفاهم مش تمشي اتطيري لامك كل شي بيناتنا تحكيه وربي غلط ره
كوكا:- انت صح متشدد الياس وربي وني نبي نعيش 😓
الياس:- ها شوفي الصور هدوم لبسهم 😓
كوكا:- محلاهمممم حبيبي شوف كيف ها هدو عايشين
الياس:- وربي ني احلا منهم حنعيشك ني وين نقولك نقابك نخاف عليك من العيون واماكن دون اماكن ما لزمتك بيه
كوكا:- امال علاش متعاركين حني كنا💔😓
الياس:- سألتي روحك؟؟ بوك كلميه انتي وامك 💔
كوكا:- بالله عليك حبيبي بالله عليك تتصل بيه بالله عليككك💔
الياس:- حاضر من عيوني بس معش تدسي عليا شي ولا تديري شي من وراي ني نبيلك الاحلي والاحسن ره مش نبيلك العداب ني نحبك مش ساهل ره اقسم بالله نخاف عليك من اهلك ني
كوكا:- وربي نحبككك عزاااالي❤️😭😭

والمساء اتصل الياس بي ابو كوكا وقاله

الياس :- اهلين عم محمود كيف حالك ان شاء الله بخير
محمود:- خير ياولدي شن اخبارك وشن امورك وعظم الله اجركم
الياس:- عزي بوي، عمه مش ني ره ياعمي، شن في قتلي كوكا صايره دوه🙂
محمود:- والله ياولدي موضوع كبير ره انت شن عندك ياولدي سكن عمل شن عندك  قصدي كيف نضمن لبنتي عيشتها بكرا تطلق كيف ندير؟
الياس:- اهااااا اسمعني يا عمي بنتك مش حتطلع من عز بوها الا لعز راجلها وني الحمد لله نخدم في رابش ونطلع في شهريتي وعند امس مشيت وقعت مباشره حنكون رئيس قسم مكتب السلامه المهنيه في مستشفى زليتن وني الراجل اللي قبلتو بيه بعيوبه وانت تام مع بوي مش معاي، حاسست وباست في شقق هنا في منطقتي حلوات واجارهم بلاش يعني اغلي اجار الف وهادو 500‪ بس مش لدرجه تصكر تلفونك🙂
محمود:- مدام هكي ان شاء الله عالخير وامتا اهلك بيجو قطعتو علينا؟
الياس:- قبل شهر رمضان يكونو عندك🙂

تاني يوم اتصل محمود بي الياس ومحمود يبي سياره بورتر بيشريها وقالوله مفيش كيف زليتن عندهم معارض حلوه والياس في خلال ساااعات كانت السياره واتيه ومحمود قاله صورها وصورهاله وعجباته قاله قلبها ولو بي 18 ونص قابلها وقبلها وقال تامه عليا ادفعله عربونها ونظم امورها وبعد يومين نجيك نجيبلك فلوسها ونروح بيها

إلياس :- قايلها ياعمي انت خلاص ندفع ونفتش السياره؟؟
محمود:- اي قابلهاا ياولدي تم فيها
إلياس :- تم فيها عربونها وغيرلها زيتها وكشف ع محركها

بعد يومين

الياس:- ياعمي الو الراجل يستني يا فيا قلت يومين وفاتو وينك🤦‍♂️
محمود :- والله ياولدي مش عارف كيف نقولك والله متحشم نقصو عليا فلوس ونضني يزيد يراجي يوم تاني😓
إلياس :- تمام قاعده ليك السياره ره، معش اتطول علي الراجل 🙂

وبعد يوم عمك محمود باع الزيت وبلد بكلمته وحط الياس ف موقف وقاله وزع الراجل والياس دافع عربون المشكله، لها الدرجه مفيش كلمه؟؟ لها الدرجه عيل صغير كلمته يحافظ عليها اكتر من شيباني في عمر بوه؟؟ ولها الدرجه ساهله هيا عندكم؟ ماعندك مايلزمك ليش تحشم في روحك؟ والعربون راح ع الياس عربون 400‪ و180 كشف وتغيير زيوت وفلاتر 🤦‍♂️🖇️

صدقت حناي لما قالت لما بتناسب اشري راجل متشريش بنته
وخبر الياس كوكته وحكالها وقتله عادي بوي يدفعهم عليك ره
والياس قاللها ني اصلا والله مندور فيهم لكن اللقطه متجيش واصلا كذب وقاللها هما 160‪ بس شن المشكلة 😅❤️

الراجل اللي يحب صح ويتنازل ويبادر هدا والله نادر وقليل اللي تلقاه قلييل وقت توا زي هالولد 💔

ومشت الأيام وجت الايام وهما يحبو ف بعض بشكللللل وموووت لدرجه صايعين هدو الاتنين اصيع وحدين فيك ياليبيا
مشاكل وضحك وتفاهة لابعد الحدود والياس يخدم ف رابشه ومره مره يمشي يدير ف مقابله مع الشركات وبدي يسعي بقلبه ورفع هديه لكوكته مجرد ساعه عاديه بس تعنيله هلبا متعلمش كوكا قديش الياس يتعب وينحرق من الخدمه كان يروحلها تاعب ويديه محروقات من الاكسجين وف ليله نكدت عليه ومعرفتش انه يواجه ف حياه قدامه تقتل وبعد وراها صور حروقه لين بكت، يده وصبعه ورجله كل مكان فيه منحرق تصدقو لليوم علامات الحروق فجسمه،وقرب شهر رمضان شهر المغفره والقلوب السليمه❤️

تعرفو حتموتو الف موته لو قررتو اتابعو الجاي قربنا للنهايه 🙂❤️