الملاذ الأخير الحلقة (11)🖤🖇️
إلياس كان عارف بخيانتها ومتأكد لان قلب كوكا لما يعشق يموت ومتستحملش البعد يوم مش شهور 👌
وشفنا طلب الياس الواضح كان حاجتين 🖤🤷♂️
الاول ميقدرش يخلي الفسوخه تكون من طرفه ويحشم ويطيح كلام بوه 👌
والتاني ان ينحل ويترسى الموضوع ع حل يحسم كل شي، هدا كان اكثر طلب طلبه من كوكا ان ترسى ع حل لان مش احتمال ولا عمره كان صح مكانش المفروض بالطلبه بس الخاين هك تكون معاه المعامله صح غلط ف حاجات وتعصب ف اكثر من موقف بس هدا قلب الراجل الغيور الثابت هوا طلب بس موقف يتحدد فيه الشخص اللي قدامه، عشرة عمر وسنين وزواج مش لعبه يتلعب بيه وينخدع،طلب من اللي حبها تعاشره بالاحسان وتفارقه بالمعروف👏
بس احتار ف لو استمرت كوكا معاه كيف حتغطي كذبة الرضاعه مكانوش خوتها كانو اللي ضحكو عليها واستغلوها ورموها،الياس يتابع ف كللللل شي،
وهنا بدي الياس ف لعبته ودار شي...فتح حسابات وهميه وكلم قريبها وهدده وقاله🖤🤦♂️
الياس:-"، انت تكلم ف بنت مخطوبه وبكرا جاي لبوك
سالم:- ني مش متع بنات ومنكلم ف حد منو انت راجل نيي
إلياس :-كلامي مع بوك يا خرايبي بنت تخرب عليها تحشم ع وجهك
سالم:- تي شنتقول انت ومن انت ومن البنت كانك راجل
إلياس :- بكرا تعرف من قدام بوك بكرا وتي روحك واضح راجل من السلسله اللي فرقبته😊😂
وهنا الياس قصدا دار هالشي وقصدا معطاش اسماء لو كوكا متكلمش ف سالم مش حتوصلها القصه من الأساس حيقول واحد وهمي ويمشي ف حاله وشن عرفه ف انها كوكا وشن عرفه انها مخطوبه اصلا وشن كان كوكا بس بنت فالدنيا؟وكان تكلم فيه ولو بشي بسيط حيخبرو هما الزوز ، شي ذكي وعجبني🤔
وهكي لو كوكا وسالم ف علاقه حيكلمو بعض ويفضحو هالشي ع خاطر يبوش الياس يجي لبو سالم لان حتكبر القصه ضروري تموت وضروري يفضحو روحهم 👌
الياس هالشي عجبه مع ان عارف جوابه من زمان بس حب يفضحها قدام بوها وخواتها وامها ويَطلع ان الحق كله معاه وان بنتهم اللي يرقدوها حت تحت 10 تريس هدي حقيقتها هدي لعبتها وكذبتها االي رسمتها وان لما ينعتو فيه شكاك كان شكه ف محله هوا بس اثبت برائته، وطلع ان البنت كدابه قصه الرضاعه وكدابه لما تحلف وتقسم بالله وتقول انها متكلم فيه👌
اتصل بو كوكا بأحمد وبدت رسمة النهاية وقاله ولدك وولدك وولدك دار وهدد والياس نكر كل شي وبوه اصلا ميعلم بشي
وكلم محمد خو كوكا الياس🙂
محمد:- كيف تهدد ولد خال البنت وهوا ميعرفش انها مخطوبه اصلااااااا🙂
إلياس:-صار طلعت تكلم فيه؟ 🙂
محمد :- انت ليش كلمته وهددته انت ولا لااا
إلياس :- مش اني وتقريبا بوك قالك معش تكلم الياس معنديش معاك كلام هي دز🙂
محمد :-وليش مكلم صحبتها قبل🙂
الياس:- مدخلكس دززززز حظرت وجاي توا تكلمني هي وجهك🙂
أنت تقرأ
الملاذ الأخير
Chick-Litقصه ليبيه واقعيه، لشاب كويس يكبد على بنيه ويحارب على خاطرها ويتفاجأ بهلبا مواقف يكسروله ظهره، شاب قدم كل شي، وكل شي كان حقيقي، حيتعرض لهلبا طعنات وكسرات، من ارباب عمل ومن ناس يعرزهم واكثر كسره كانت من خطيبته، للكاتب (إلياس الزليتني) متابعه طيبه ملاح...
