الملاذ الأخير الحلقة (13)والآخيرة
كتابات (أسامة أحمد) 🔥🤭
من بداية العلاقه لحد هاللحظه ماشفنا موقف من اللي حيها إلياس يمكن موقفها لما بتوقف قدام اهلها بسس يوم إلياس بيخطبها،هذا الوحيد،🤦🏻💔
ما رضيت تعطي حسابها وهيا اللي كانت تقول ياحبيبي حسابي امتا تبيه نعطيهلك وربي من عيونييي،واكثر من مره ادير في موقف مشبوه وغلط ولما إلياس يطلب سكرين يتعاركو انت مش واثق فيا انت انضر شن،🤦🏻
بينما لو تحب راهي عطت حسابها وادير فاللي يقوللها إلياس عليه، مش شرط قلة ثقه مش شرط شك في حاجات اسمها فتن، الفتنه اللي حذر منها إلياس كوكا، طاحت فيها من اول تجربه من اول ليله تصالحو مع عيت خالهم،يابنت حني تريس نغارو ونخافو ع حاجتنا، ويلومونا ع المشاكل وكيف تتعارك مع اهلي وكرامة اهلي وين!! ¿¿ قصدي شن عندك من كرامه وانتي خاينه؟ نوضي واعترفي!! 🙂🔥
بوك وخوك بالك تحسابيهم راقدين ع ودانهم ومش عارفين شن درتي؟ وصح معش يخلوك ترجعي لانك حشمتي بيهم يا انسه اختك الكبيره الوحيده اللي فاهمتك ووقفت ف وجهك بس انتي درتي روحك متكبره ولا كيف يحكم فيا وانضر شن!! ¿
من مشكلة خيانه قعدنا في مشاكل اصلا محلوله ومتفاهمين فيها،الخيانه واضحه وبانت زي عين الشمس من هداااك الستوري اللي نزلتيه عالولد والله ماتفوت علي الياس حاجه راهو ييوم هوا فاتح نت انتي بابك يجيبلك فالبامبرز بنتي ولا تحسابي الحسابات اللي فاتحتهم ميعلمش بيهم؟؟
معندكش انستا يوم علاقتنا وطلع عندك ومعندكش تيك توك وطلع عندك، مشكله مقايلك افتحي بس خليك قدام عيوني ليش تحبي اللف والدوران ليش تخدعي شخص ف حياتك وموصيك وقايلك ني راجل بتلعبي العبي بعيد عني، وشن كان ردك؟؟ اني بنت فلانه الفلاني ومستحيل نديرها ونواطي راس بوي!!، 🙂🔥
وهالقروبات والتعارفات والشباب شن تفسيره والعلاقات والدنيا هادي كلها¿¿ يعني من لما فسخ إلياس وانتي بعد ولاد خالك درتي علاقه ورميتي الولد ودرتي علاقه تالته ورميتيه ورجعلك وين جاك الياس تاني حدفتيه وتوا بعد اهلك ردوك رديتيه!!! 🔥🙂
المتاح للكل مش متاح لينا،.... المهم وقفنا علي الرساله اللي بعثها إلياس الصبح لكوكا تعالو نشوفو...، 🔥🥺
إلياس : حاولت نصدقك بس مقدرتش اسف،كلامك متناقض، ودامك معترفتيش بغلطك، معناها نيتك قاعده غلط تجاهي،محمد،حذفتيه ورديتيه بعد قالك حنتقدم، ربي يوفقكم بس معمره يكون كيفي،لو صح رجعتي رجعه صادقه راك اعترفتي بغلطك كانت كل المشاكل تنحل بس انتي نرجسيه تحبي تكوني متكبره ووهم ومابطلتي كذب،مش ساهل عليا نصدق اللي شوهت سمعتي من كلامها ديري شي كنهدا متحاوليش تقنعيني باللي حكيناه امبار، عالعموم بكرا راجع الشركه وخديت قراري بخصوصك حسبي الله ونعم الوكيل فيك والله مغلطت ف حد من اهلك كله بسببك،صح كنتي احلاهم بس مكانتك ضيعتيها بيدك معش نوثق فيك لاخر عمري اسف وحنتقدملها، لا غلطت في بوك ولا خوك والله كله بسببك، وكللل علاقتنا من يوم بدت لين انتهت وعراكنا مع خوك وبوك كله سكريناته موجودات ما نتوهم ولا نفلم من يوم عرفتك ليوم فارقتك مفي شي انحذف ولا راح حاولت 23 يوم معاك ومعاهم حتني مش ساهل قدري وقدر بوي اللي حشمت بيهم فرخه قدام الناس بخونتها وحشمت بوها وخوها واهلها مقدرتش نصدقك اسف،،،، 💔
أنت تقرأ
الملاذ الأخير
ChickLitقصه ليبيه واقعيه، لشاب كويس يكبد على بنيه ويحارب على خاطرها ويتفاجأ بهلبا مواقف يكسروله ظهره، شاب قدم كل شي، وكل شي كان حقيقي، حيتعرض لهلبا طعنات وكسرات، من ارباب عمل ومن ناس يعرزهم واكثر كسره كانت من خطيبته، للكاتب (إلياس الزليتني) متابعه طيبه ملاح...
