لاأدري كم من الأيام مضت ونحن على هذا
الحال...
لكننا كنا نحتاج الى اختبار كهذا...
تُقلب الدنيا راسا على عقب...ندرك حينها ان من حولنا كانوا كـ بعض اللحظات ، مؤقته
فلا ندري متى يزور الموت احدنا
احيانا افكر لماذا حل هذا بنا
لكنِ لا اجدُ اجابةً سوى ا...
_______________________________________ كاعد بغرفتي اقرا كتابي المفضل فاتتني الصلاة مطفيه كلوب الغرفة.. مشغلة شموع اثنين وصوت المطر يجنن يمي كهوتي انتكي على الكرسي.. بسترخاء اتمنى هذه الوقت ميخلص. كلش احب هاي الجواء والهدوء احس براحة فضيعة
"كنت أتمنى أن إكون من ألمصلين،وكنت اعلم أن حياتي ستصبح اكثر سعادة وسكينة لو أنني اصلي"
وصلت لهذا النص واني افكر شلون حياتي جانت من دون صلاة دائماً جنت احس بخنكة وهم وضيق.
طبكت الكتاب وطفيت الشموع وكمت اصلي صلاة اليل.
خلصت صلاتي شغلت سورة البقرة ونمت..كعدت الصبح على صوت المنبة كوه كمت توضيت وصليت قريت ورقة من القرأن وكمت ابدل بسرعة، اعرفكم عليه: اني سجى من نجف عمري 22 مرحلة ثانية صيدله اداوم بجامعة كربلاء... حياتي هادئه اكعد الصبح اروح لدوام وارجع العصر وهيج مكضيه ايامي...احنه عائله هادئه مسالمه بابا موظف بشركة حكوميه امي ربت بيت ماعندي اخوان بس اختي اكبر مني مزوجة.. بابا انسان كلش مسالم ويحب الخير من جنه اصغار اني واختي هوه يعلمنه على صلاة والدين والتزام تعلمت منه هواي شغلات.. يوم من الايام جنت جاي اصلي اني وبابا حسيت صلاتي غلط انتظر بابا يخلص صلاه وسئلته
سجى:بابا احس صلاة غلط يعني تختلف عن صلاتك هواي؟
ابو سجى:باباتي الصلاه مو مهم شنو تكولين بيه المهم نيتج اسولفلج قصة لنبي موسى (ع)
بيوم من الايام كان النبي موسى(ع) يمشي بجبال وحده من بعيد شاف رجال راعي غنم جاثي على ركبته(جاثي يعني كاعد)ورافع ايدي لسماء فرح موسى من شاف الرجال كاعد يصلي بس من اقترب منه اتفاجأ بصلاة الراعي كان يصلي بصوت عالي ياالـهـي الحبيب اني احبك اكثر مما قد تعرف سأفعل اي شيء من اجلك فقط قل لي ماذا تريد؟ حتى لو طلبت مني ان اذبح من اجلك اسمن خروف في قطيعي فلن اتردد في عمل ذلك اشويه واضع دهن اليته(دهن اليته يعني اليه تكون بطن الخروف مثل الشحم ويقولون طعمه طيب) في الرز ليصبح لذيذ الطعم اقترب انبي موسى من الراعي حتى يسمعه اكثر كمل الراعي صلاته قال الراعي ثم ساأغسل قدميك وانظف اذنيك وافليك من القمل هذه هو مقدار محبتي لك من سمع نبي موسى كلام الراعي ضاج وركضله صاح توقف ايها الرجل الجاهل ماذا تظن نفسك فاعلا؟ هل تظن ان لله يأكل رز؟ هل تظن ان لله له قدمين لتغسلهما؟ هذه ليست صلاه هذا كفر محض الراعي حس بالخجل من نبي واعتذرله وعده يصلي مثل صلاة الاتقياء وطلب منه يعلمه ع الصلاه الصحيحه علمه موسى الصلاه ومضى طريقه راضي عن نفسه لان حس هوه علم شخص جاهل ع الصلاه بصوره صحيحه لكن بتلك اليله سمع موسى صوت كان صوت لله سبحانه وتعالى ناداه الجليل ماذا فعلت ياموسى؟ لقد انبت ذلك الراعي المسكين ولم تعلم معزتي له لعله لم يكن يصلي بالطريقة الصحيحه لكن مخلص فيما يقول ان قلبه صاف ونياته طيبه اني راضي عنه فقد تكون كلماته الأذنيك بمثابة كفر لكنها كانت لي كفراً حلواً فهم موسى انو الشي الي سوا غلط وثاني يوم من الصبح راح لجبال حتى يدور على الراعي ف لكاه يصلي بس هل مره جان يصلي بالطريقة الصحيحه العلمه عليه موسى بس كان يتعلثم بصلاته حتى يأديها بنفس الطريقة الي علنه عليه موسى بس هلمره افتقد الحماس والعاطفه الي جانت عنده قبل اتندم موسى وربت علي متن الرجل ياصديقي اني اخطأت بحقك ارجو ان تغفر لي وان ترجع تصلي نفس صلاتك الي كنت تصليها قبل لانها كانت صلاه ثمينه بعين لله
اندهش الراعي من كلام موسى لكن احس بالأرتياح كان اعمق لكن ماحب يرجع الصلاته القديمة وحتى الصلاه الي علمه بيه موسى مالتزم بيه لان عرف واكتشف طريقة جديده يتوصل بها مع لله ورغم ارتياحه باايمانه الساذج بس تجاوز مرحله مابعد كفره حلو
ملخص القصة انو مهما كانت طريقة صلاتنا ف لمهم نصليها بنيه صافية بال فارغ نيه طيبه مو تصلي وبالك مو يم الصلاه.
