قصه ملوك

( البارت السادس )

#ملوك
( البارت السادس )
واقولك على سر ...
مراتك دى من النسل !! من نسل اللى حبسونى ...
والوحيده اللى مش هقدر أأذيها ....
لأنى ...
اصبحت لها .... شيطان عاشق
..
( الصبح )
ملوك : احمممد ! احممممد ! اصحى
احمد : ( بيقوم مفزوع ) فيه ايه . ؟ فيه ايه .؟ ابعدى عنى
ملوك : فيه ايه يا أحمد مالك . ؟
احمد : ابعدى عنى بقولك !
ملوك : اهدى بس يا حبيبى اهدى
احمد : ( بيبصلها باستغراب ) انتى ! مش انتى . ؟
ملوك : مش أنا ايه  . ؟ قوم بس افطر يلا انت فضلت طول الليل تنازع وتحلم بكوابيس لما شيبتنى ...
احمد : كوابيس . ؟ طيب ناولينى المصحف ده من جنبك كده . ؟
ملوك : مصحف . ؟ فين . ؟ اهو اتفضل
احمد : انتى مسكتيه بجد . ؟
ملوك : فيه ايه يا احمد انتى شايفنى شيطان قدامك ولا ايه .. ايوه مسكته ويلا علشان تقوم تتوضا وتصلى الصبح بقي بدل مانت ماصليتش الفجر ف ميعاده يا استاذ
احمد : ( بيبصلها )
ملوك : يلا قوم ! هعمل الفطار ! ( بتتجه ناحية باب الغرفه وبتبتسمله نفس ابتسامة عزازيل )
احمد : ( بيبصلها وبيترعب وبيسكت )
..............
احمد : ايه يا ماما لسا العزا هناك مخلصش
ام احمد : الله يرحمك يا حسن !
احمد : هو مات ازاى . ؟
ام احمد : مانت عرفت مات ازاى . ؟
احمد : منا مش عارف بردو اشمعنى هو بس
ام احمد : مش عارفه !! اللى بيحكى كانو بيقولوا انهم طلعوه مشنوق ف حزام السواق ووشه نازل ف الميه .. تحس ان حد كان بيغرقه
احمد : ( بيرتعش وبيهز ف رجله )
ام احمد : مراتك عامله ايه . ؟
احمد : كويسه !! بس ..
ام احمد : بس ايه . ؟
احمد : ايه ! مافيش .. هو انا كنت بحلم بكوابيس قبل كده
ام احمد : طول عمرك !! وتقوم مفزوع من النوم وتقول الحقوا ده وشيلو ده
احمد : بجد . ؟
ام احمد : كنت مشيبنا طول عمرك
............
( بعد صلاة العصر )
احمد : سلام عليكم يا شيخنا
صلاح : ( امام الجامع ) اهلا ازيك يا احمد يابنى عامل ايه
احمد : بصراحه يا شيخ صلاح انا كنت وقاصدك ف معروف
صلاح : عنيا
احمد : كنت عاوز استشيرك واسالك ... هو ممكن الجن والشياطين يتجسدوا ف صورة بنى ادمين ... يعنى ممكن اشوف حد واتعامل معاه والمسه ويبقي ف الاصل اصلا جن او شيطان
صلاح : ( بارتباك ) ايه السؤال ده . ؟
احمد : سؤال عادى . فضول بس حبيت اعرف
صلاح : ( بيبصله ومش عاوز يجاوبه ) اه ! ممكن يظهروا بس فيه فرق بين الجن والعفاريت .. ومابين اللهم احفظنا الشياطين
الجن ممكن يتشكل ف اى شكل طير او حيوان او حتى انسان بس مابيدومش بالهيئه دى لثوانى بس .. بيبقي طالع يخوفك او يغويك او يأذيك
لكن ....
احمد : ايوه .. لكن ايه بقي . ؟
صلاح : انت عاوز تسال عن مين بالظبط
احمد : كمل يا شيخ صلاح والنبى
صلاح : اما بقي الشيطان ف هناك روايه بتقول ان فيه شيطان ظهر لسيدنا موسي قبل 2000 سنه وشويه وكان عاوز يتوب وقال لسيدنا موسي يعمل ايه
سيدنا موسي قاله هسأل ربنا واقولك ..
ربنا قاله خليه يروح يسجد لقبر ادم ولو سجد هتوب عليه ..
طبعا الشيطان اللى هو ابليس رفض بردو !!
قاله انا ماسجدتش لادم وهو عايش . هسجدله وهو ميت ...
وهنا ابليس قرر انه هيغوى وهيزيد ف بطشه على ولاد ادم
بس معرفش الروايه دى صحيحه او مش صحيحه
حتى بيقولوا ان الشيطان كان اسمه ....
احمد : اسمه ايه . ؟
صلاح : اللهم احفظنا .. عزازيل
احمد : ( بيبلع ريقه ) يعنى ممكن يظهر ف هيئه بنى ادم
صلاح : ممكن . ؟
احمد : ممكن يمسك المصحف ؟
صلاح : لا .. استحاله .. ده كلام ربنا . وربنا حرمه ع الشياطين ولو حد فيهم قرب منه يتحرق ..
احمد : يعنى ممكن يلبس جسد انسان ويخرج منه ويرجعله تانى عادى . ؟
صلاح : ( بارتباك ) ياحمد يابنى قوم وكفايه كلام ف المواضيع دى
احمد : ابوس ايدك جاوبنى ..
صلاح : ممكن !!
................
( الساعه 12 ونص بالليل بيقوم أهل البلد على صوت الجامع وهو بيعلن عن موت الشيخ صلاح غرقان ف الترعه ومربوط بجزع الشجر وراسه مدلدله ف البحر )
..............
احمد : ( بيقوم مفزوع بيلاقى ملوك قاعده على طرف السرير وبتبتسمله )
ملوك : كنت فاكر انى هسيبه . ؟
....
يتبع
اعوذ بالله من الشيطان الرجيم 
#أحمد_سعد