ذنب لم يكن ذنبي

مشهد

قصة تتكلم عن أمرأة قويه وجميله جدًا!..
تنغمس في الذنوب تدخل في عوالم مختفله عن شخصيتها تنجبر تتأقلم...
ترث من والدتها الجمال وترث الجبروت من والدها الطاغي!..
من سيأتي لاخراجها من هذا العالم؟؟
هل سينقذها؟؟
تستطيع تخرج من كل هذه الذنوب؟؟
هل شجره السِدر سوف تزهر من جديد
من سيسقي اوراقها!...

المشهد الاول....

:- اركض رغم الم السجينه الي ببطني ولازمه بطني وحرارة الدم وبرودة الجو يكص كص واني ملابسي خفيفه اجر النفس بالكوة رفعت راسي للسماء اول مرة ادعي بعد كل هاي الذنوب الي سويتها ماجنت واعيه بس ردت رب العالمين يساعدني ماريد اموت امي من الها غمضت عيوني بالم
:-ياللهي مو يكولون الله ارحم الراحمين انقذني من هاي الشدة ...

:-سيديييي هاي هاييييي

:- فتحت عيوني بصدمة وركضت بكل سرعتي ماعرف وين اروح بس اريد اشرد

:-اكفي بر** وين تروحين يعني نلزمج نلزمج

:-يركضون وراي واني ماجنت سريعه بسبب جرح بطني اختل توازني ووكعت على وجهي
رفعت راسي بخوف وحاوطوني من كل مكان

:-اييييي وتاليتج وكعتي

:-يريدون يلزموني واني ادفر بكل قوتي واصرخ اريد احد يساعدني حبالي الصوتيه تكطعت وهمه مثل الوحوش ينهشون بيه
فجاة اجه صوت اعلى من صوتي بمرتين بحيث صار صمت دكات كلبي مسموعه
باوعتله شايل سلاح بوجهم بملامحه البارده الحاده
غمضت عيوني بستسلام رحت بعالمي الخاص
معقوله هو راح يكون سفينة نجاتي؟
لو حالة حال اي احد عنده سلطه!
ليش گلبي رتاحلة فجاة واحس بحساس غريب بقربة
معقوله رب العالمين دزه الي ؟؟
رب العالمين سمع دعوة وحدة كلها حرام بحرام!...

المشهد الثاني...

:-واكفه بكل برود استمع لتوسلاته بالاخر طلع شدتين فلوس حطهن كدامي وحجة برهاوة

:-هذني الج مقدما بس تقبلين الزواج بيه راح اغركج منهن وداعت عيونج

:-ابتسمت ،حالك حال غيرك تاخذ لتريده وبيباااي ادري

:-بيش تريدين احلفلج اني شاريج!

:-هزيت راسي
تؤ تؤ

:-عليش هذا الغرور غيرج يتمنى مكانج بس!

:-تمام طالعه خلي يجون ،
بمكاني عفته وسط غضبه الي يريد ينفجر اي لحضه....

المشهد الثالث....

:-اجر اليوم
مديت ايدي

:- ماكو
حجيت ببرود واني اصفط بالفرش

:-عطت بعصبيه ،هيه شنو ماكو طلعيهن لااطلعهن بطريقتي

:-تجاهلت تهديداته الفارغه

:-تطلعين الفلوس لااطردج من البيت انتِ وامج الك**

:-حجيت بسخريه امي الي توصفها هذا الوصف القذر مثلك هيه الي سوتك تتذكر؟؟

:-جريتها من شعرها ،تطلعين الفلوس لاااودي امج لربها

:-دفعته على الحايط وخنكته حيل ذبيت كل قوتي على رقبته القذره وحجيت بفحيح
اسمع زين تسحب ايدك من امي لا وراسها اذبحك وادفنك ببيتك الوصخ واخلص منك ومن عمايلك يانذل...

(ذنب لم يكن ذنبي)

شوفوني حماسكم !!!!
موعد تنزيل البارت الاول 25/11
راح يكون التنزيل يومي كل يوم ب6المغرب تمام؟
بالانستا راح اجاوب على كل اسئلتكم الي تتعلق برواية(ذنب لم يكن ذنبي)
@jiiim_5
استودعتكم الله احبكم كومة💗💗💗

الكاتبه :جيم