الهَواجس

الحـلقة السـابعة والعـشرين

الكـاتبة شهـد 🖤

أبحثُ في طرقاتِ مدينتكم عن
وجه يعرفني، أبكي كالبوم المجروح
على جدران الليل

- مظفّر النواب

____________________________

رقية

من بعد ما الأنهيار الي صار بوجه ماما اگدر اگول رجعت تتحرك تطبخ تهتم بينا مثل قبل صح كل ما تكون وحدها نسمع صوت نواحها وبچيها بس اهم شي بدأت ترجع طبيعية شوية...

گاعدة من الصبح علمود المدرسة مبدلة ونازلة فتت للمطبخ حتى اسوي لفة واخذها واروح لأن عدنا اضافي وخصوصاً السنة الدراسة ما ضل الها شي ولازم نكمل المواد ونگعد نراجع...

لگيت غيث گاعد وايده على خده استغربت لأن گاعد من الصبح بالعادة يگعد متأخر ويلحگ بابا ومحمد ع الشغل..

-صباح الخير غيوث

-صباح النور

-گاعد من الصبح شعندك اليوم

-علمودچ

-علمودي شكو

-اريد احچي وياچ قبل ما تروحين لأن من ترجعين اني بالشغل ومن ارجع الگاچ نايمة وعلى هالوضعية لا اشوفچ ولا تشوفيني..

-يمعود من ورا الدراسه والامتحانات ارجع بس اخلص انسطر وانام

-الله يساعدچ ...اگلچ

-گول

-ما تتذكرين هذا الي خطفچ منين اخذچ وبيا طريق حتى لو بس بدايته واني ادور بالمناطق القريبة منه

-لا ما اتذكر شي

-شلون ما تتذكرين رقية زين هم سدو عيونچ يعني لو شنو

-ما سدوهن بس ما اتذكر

-بس حاولي ركزي شوية بلكي الله تساعديني

-هسسسه ليششش تلحح گلت ماااتذكرر

-صوتچ ومرض من هالصباحيات شكو تصيحين

-مو تلح وگلت ما اتذكر فوتوني بمناطق هواي بالساعتين يفترون بيه وكل شوية تنعاد المنطقة تيهت

-اي اي مو تگولين تنعاد المنطقة اوصفلي مكان هاي المنطقة حتى اعرفها

-لا اله الا الله غيث كافي شلعت گلبي روح هذا العراق كله دور بيه وبعدين من اني چنت مخطوفة هم كتلت نفسك هيچ لو ضليت نايم..

-انتِ من انخطفتي دورنا وما سكتنا وبلغنا الشرطة بس هسه حتى الشرطة بسالفة روند تتستر ع المجرم وما ينطونا معلومات

-اي عساها لا رجعت شعليه اني

فتح عيونه بصدمة من كلامي وتقرب يعت بيه من ايدي ويصيح..

-شلون بالله شلون وحق ربچ اذا لسانچ هذا ما يجر عدل شعرچ اشلعه ادبسز اكو اخت تدعي على اختها هيچ..