معلومات عن الجن

تفاصيل اكثر عن القرين

أولاً حبا اوضح اني نزلت المقال ده على الوتباد ابل كدا بس اتمسح ، أو بتفاصيل أدق الوتباد مسحه بعد ما نزل .

ثانياً بقدم اعتذار للناس المتابعة
(معلومات عن الجن ) لاني اتاخرت كتير اوي في تنزيل مقالات .

ثالثاً بقدم اعتذار كمان  و توضيح ، أن ( اسرار🔞) لما نزلت اتمسحت من الوتباد ، و اللي ميعرفهاش هي كان عليها تفاصيل عميقة عن الماسونيه ، و عن بعض المنظمات ، و كمان اتكلمت فيها عن لعبة الحوت الازرق بتفاصيل ، و رغم اني نزلتها على طول بعد ما اتمسحت ، و لكن جالي تحذير و اتمسحت ، فا بعتذر لاي حد متوقع أنها تنزل تاني لأنها اتمسحت خالص من عندي .

انهارده بقى هنتكلم عن القرين بتفاصيل أعمق .
عايزه أوضح اني القرين هو شيطان موكل من الله عز وجل على الوسوسه لينا ، و زي ما ربنا خلق لينا شيطان يوسوس بالشر ، ربنا خلق برضوا ملاك يوسوس بالخير ، و النفس الامارة هي اللي بتختار بين الصواب أو الخطأ .

و جالي تعليقات كتير من ناس على الجروبات بتقولي ( مفيش حاجه اسمها قرين أصلاً )
او تعليق تاني بيقول ( مفيش دليل ديني بياكد أن في حاجه اسمها قرين ، ده الشيطان هو اللي بيوسوس )

طبعاً فيه تعليقات تانيه كتير اوي اوي من النوعيه دي ، و لاني بهتم بكل حد بيعلق ليا ، و باخد الموضوع على محمل الجد ؛ مش مجرد عدد في (comments) ، فـ دخلت على كل واحد معلق ، و لقيت أن أغلبيتهم مسلمين بسم الله مشاء الله ، مسلمين و ميعرفوش و مش مصدقين أن فيه قرين .

انا جبت ليكم الأدلة كلها .

في آيات من القرآن الكريم بتثبت وجود القرين .

1- في سورة الزخرف آية 36:﴿وَمَن يَعْشُ عَنْ ذِكْرِ الرَّحْمَنِ نُقَيِّضْ لَهُ شَيْطَانًا فَهُوَ لَهُ قَرِينٌ ﴾

2-في سورة النساء آية 38:﴿ وَ الَّذِينَ يُنْفِقُونَ أَمْوَالَهُمْ رِئَاءَ النَّاسِ وَ لَا يُؤْمِنُونَ بِاللَّهِ وَ لَا بِالْيَوْمِ الْآخِرِ وَ مَنْ يَكُنِ الشَّيْطَانُ لَه قَرِينَّاً فَسَاءَ قَرِينًا ﴾

3-في سورة ق آية 27:﴿ قَالَ قَرِينُهُ رَبَّنَا مَا أَطْغَيْتُهُ وَلَكِنْ كَانَ فِي ضَلَالٍ بَعِيدٍ ﴾

و مش بس القران الكريم اللي ذكر وجود القرين ، لا فيه كمان أحاديث نبوية شريفة زي مثلاً .

قال رسول الله صلى الله عليه وسلم { إذا كان أحدكم يصلي فلا يدع أحدا يمر بين يديه فإن ابي فليقاتله فإن معه القرين .

و قال رسول الله صلى الله عليه وسلم:{ ما منكم من أحد إلا وقد وكل به قرينه من الجن قالوا و إياك يا رسول الله قال وإياي إلا أن الله اعانني عليه فأسلم فلا يأمرني إلاّ بخير .

كدا انا قولت بعض الأدلة اللي تثبت وجود القرين بالفعل ، نيجي بقى لنقطة تانيه او تعليق تاني لفت نظري ، و هو .
( هل القرين يحب صاحبه ؟ )
بصوا هو سوال غريب بنسبة ليا انا گ ندى ، ليه بقى لاني كان ربنا خلقة عشان يدفعك للشر ، فا ازي يكون بيحبك ؟

و لكن سالت بعض علماء الدين عن الموضوع ده .

و بحثت و شوفت ، لقيت أن الموضوع منقسم لقسمين ، القسم الاول ، رافض أن القرين يقدر يحب صاحبه ، و القسم التاني موافق بس في حالة واحده ، و اللي هي ، أن القرين يكون مسلم .
او يكون الشخص المقترن عنده إرادة عاليه جداً ،و متداياً بشكل كبير ، ساعاتها ممكن القرين يعتنق الإسلام ؛ و يحبه دي عايده على ايه ؟ ،عايده على أنه يدفع الإنسان لفعل الخير .

انما فكرت وجود قرين من الملاك و قرين من الشيطان ، ده اللي بيدفع الإنسان أنه يشعر انه فيه جوا شخصين ، يحس أنه مش عارف ياخد قرار ، يعمل الغلط و لا الصح ، تحسه أنه عنده شخصيتين جوا .

في تعليق تاني اتقال ، خلاني احس حرفياً اني بتشل ، و الله مش قصدي اني ابقى كوميديا و لكن فعلا سؤال مشل ، يعني ايه حد يعلق يقول ( هو القرين بيمارس مع الإنسان ) ؟ بجد ، بالله يا جماعة حد يرد يقولي انتوا بجد بتجيبوا الكلام ده منين ؟

طيب رداً على السؤال ده :- لا انا شخصياً  و ببحثِ الكثيف اللي في السنين اللي فاتت ، مينفعش إطلاقاً حاجه زي دي تحصل ، حضرتك بنت و قرينك كذلك ، حضرتك ولد و قرينك كذلك برضوا ، مفيش اي حاجه تقول أنه ينفع القرين يمارس حاجه زي دي مع المقترن .

فيه بعض العلماء اللي قالوا اه ، القرين بيجي في الحلم بيمارس مع صاحبه .

ده اقسم بالله بحسه _هبد _ .

و لكن فيه حالتين بيتعرض ليها الإنسان .

الاول هو أن الشيطان بيجي ليكي في الحلم أو ليك ، و بيحصل ممارسة من النوع ده في الحلم ، و بيبقى الموضوع مع أحد المحارم .
ده الحلم اللي تتاكدي فيه أنه من صنع القرين ، و أنه بعبث فقط ، اللي هو مش بيحصل حاجه حقيقة ، هو القرين بيجي في الحلم على هيئة شخص من المحارم و يمارس ، فده للعب و ملئ فراغ .

و التاني أنه يخلي ترتكبي أو ترتكب ذنب زي ده في الواقع .

و لكن المتعارف أصلاً عليه أن القرين ليه أشكال معينه بيظهر بيها ، زي مثلاً ثعبان أو بقرة أو جاموسه أو عبد اسود .

و في أغلب الأحيان الاحلام اللي اتكلمت عنها بتبقى من الجن العاشق .
و برضوا فيه حاجات لو اتعملت ابل النوم مش هنتعرض لشئ زي ده .

و هي
قرأة
1-سورة الفاتحه ثلاث مرات
2-سورة الإخلاص ثلاث مرات
3-سورة الفلق ثلاث مرات
4-سورة الناس ثلاث مرات
5-آية الكرسي ثلاث مرات
6-ثم قراءة اعوذ بكلمات الله التامة من كل شيطان و هامه و كل عين لامه .

7-اعوذ بكلمات الله التامات من شرما خلق .
و بعد كدا تمسكوا على رايكم و جسمكم ثلث مرات .

و باذن الله مش هيحصل ليه كوبيس خالص أو تدخل من الشيطان .

فيه تعليق اخير لفت نظري و هو هل القرين بيقدر يتكلم ؟

الحقيقة أنا عمري ما فكرت في الموضوع ده ؟

يعني مجاش في علقي اني اسئل حتى السؤال ده .

و لكن بحثت عنه ولقيت أن علماء انشقوا لجزئين ، الجزء الاول قال : لا القرين مش بيتكلم و لكن بيقدر يعمل تخاطر مع الإنسان و الإنسان يقول اللي ورد في دماغه .

أما الجزء التاني  بيقولوا أن القرين بيقدر يتكلم عن لسان صاحبه ، و انا بصراحه مع الري ده جداً .