قصه ملوك

( البارت الثامن )

#ملوك
( البارت الثامن )
( بيدخل البيت بالليل يشوف أمه )
احمد : أزيك يامه !
ام احمد : ( بتبتسمله ابتسامه مُرعبه ) ازيك انت . ؟
احمد : ( بيبصلها بخوف وترقب ) أمه ... انتى كويسه . ؟
ام احمد : كويسه يا قلبي .. انت اللى مالك كده متغير ليه بقالك كم يوم
احمد : ( بيبصلها ومرتبك بردو ) انا ؟ انا الحمد لله ! كويس !
ام احمد : طب قوم .. قوم صلى العشا ف الجامع واطلع لمراتك يلا
...........
احمد : ( بيكلم نفسه وهو ف طريقه للجامع ) يكونش انا اللى موسوس . ؟
يكونش انا اللى بحلم وشايف الناس كلهم وحشين
جايز !! جايز ربنا بيعاقبنى علشان مشيت ف طريق الشر والسواد .؟ كنت ناوى اأذى مين . ؟
يمكن السحر اترد عليا انا . ؟ ( بيدخل الجامع )
...............
( ف شقة احمد )
احمد : اهلا ! ازيك يا جوجو
هاجر : ازيك انت يابن خالى عامل ايه . ؟
احمد : الحمد لله !! مذاكرتك ماشيه ازاى
هاجر : لا انا تمام ماتشغلش نفسكو بيا بس
احمد : ملوك فين . ؟
هاجر : ف المطبخ كانت بتعمل العشا
ملوك : انت جيت يا احمد !! كويس .. خلى البت الرمه دى بقي تقعد تتعشي معانا علشان كانت ماشيه
احمد : ماهى هتقعد غصب عنها اساسا . اقعدى يابت عيب اتعشي معانا . ؟
هاجر : لا والله يدوبك ... انا لسا واكله قبل ماجى لملوك واجيبلها الكتاب .. ولسا ورايا مذاكره اد كده
...............
ملوك : ايه بقي . ؟ ايه الحكايه . مالك  ؟
احمد : ولا اى حاجه !! انا كويس
ملوك : بس انا شايفاك مش كويس !! وعرفت اللى فيها يا أحمد ... وعرفت كل حاجه
احمد : حاجه ايه . وبعدين كتاب ايه اللى هاجر جايبتهولك ؟
ملوك : كتاب ايه  . ؟ الكتاب اللى كنت عاوزنى اقراه بعلم منك .؟
والكتاب اللى خلتنى اقرا فيه كم جمله كان لازم انا اقراهم
احمد : يعنى ايه . ؟
ملوك : يعنى انت كنت عاملنى كبش فدا يا أحمد ..؟ كل ده علشان تفتح البير ويدلك على مكان الدهب اللى ف البلد .؟
احمد : ( بيرتبك ) انتى بتقولى ايه . ؟
ملوك : ازاى بتدخل الجامع وبتصلى وبتقرا قرآن وانت ف قلبك السواد ده  . ؟ انا مارضيتش افضحك ولا اقول لحد حاجه .. لكن لما توصل لمرحله انك تضحى بيا وتقدمنى انا قربان لسيدك علشان شويه دهب وكنور ده يبقي ايه .؟ وبعدين انت حللت دمى .. واختارتنى دونا عن بنات كتيره واكتشفت انى دمى فيه من نسل الناس اللى حبسوا اسمه ايه . ؟
احمد : ( بيسكت وبتبدا عينه تخونه وينزل دموع )
ملوك : عيّط يا أحمد . عيّط ... يمكن تكفر عن اللى عملته
بس اقولك !
رغم كل اللى عملته ده وكنت عاوز تعمله فيا .. انا سامحتك !! سامحتك بجد ..؟ وناويه انسي كل اللى حصل ونبدا صفحه جديده . ؟
وعلى فكره كل الهواجز اللى شوفته ده كان تأثيره هو عليك وانك ماشوفتش حاجه ولا انا اتحولت لعفريت وجن والكلام ده . ؟
انسي !
لانى لقيت الصفحه المفقوده وقريت التعويذه اللى تخليه محبوس العمر كله ...
احمد : بجد . ؟ قريتيها فين  ؟ لقيتيها فين . ؟
ملوك : كنت مكلمه واحد كاتب بيكتب روايات وقصص وطلع يعرف عن السيره دى وقالى هدورلك عن الصفحه المفقوده ... ولقاها ولسا باعتهالى النهارده ... وهاجر كانت جايبالى الكتاب علشان اقرا التعويذه كامله
احمد : ( بيفرح )
..............
( تانى يوم )
ايهاب : ايه يا رايق . فينك . ؟
احمد : كنت ف كابوس ! كنت ف كابوس وفوقت منه !
ايهاب : ازاى . ؟
احمد : لا ده موضوع يطول شرحه .. هبقي احكيهولك بعدين . ؟
ايهاب : ياعم احكى ! فضفض !!
احمد : ياعم ده موضوع مايتحاكاش !!
انا كنت تحت تأثير سحر ابن هرمه .. سحر من شيطان سُفلى بقاله اكتر من ألف سنه محبوس وانا بغباء اهلى كنت عاوز اطلعه
لغاية ما ربنا نجدنى واتسحبت من الوحله اللى كنت هتوحلها
ايهاب : ياراجل .؟ ازاى .  ؟
احمد : بقولك ايه !! بعدين بقي
.............
( ف مكان ما خلف مقابر البلد بكيلو الساعه الثانيا صباحا  )
هى : انا مش مصدقه اللى انا شايفاه !
هو : لا صدقى !
هى : ده مش بس كنز !! دى مغاره كنز !! هنطلع الكلام ده كله ازاى . ؟
هو : احنا قدامنا ساعه واحده بس قبل ما كل حاجه تبوظ !!
هى : ايوه ياريت !! انا كل حاجه كانت هتبوظ لما لقيت احمد دخل علينا واحنا قاعدين !! كانت كل حاجه هتبوظ .. اختى اترعبت !!
هو : هى كانت اختك بردو . ؟
هى : ههههههههه لا !! اختى خلاص !!
................
( الساعه الثانيه والنصف )
احمد : انا مش قادر اصدق انى فوقت من الكابوس ده . ؟
ملوك : ( بتبتسم ابتسامه شريرة وعنيها بتقطر دم وبيظهر أنياب ف سنانها !! أذنها بتعلوا لتصبح ف هيئه شيطانا ثم تتكلم بصوت له صدى اشحب .) لا !! ده الكابوس لسا هيبدا
........
انتظروا الموسم التانى
#أحمد_سعد