مرحبا حبايبي روايه جديده وحلوه اتمنا تعجبكم
************************
(جنـت اشر ملابـس بالحديقه الدنيا عصر والجو يجنن كلش شوي وسـمعت الباب يـندك فتـحته وشفـت رقيـه بنـت عمي )
لميس: هلو رقيهه
رقيه: هلوبيج شخبارج
لميس: الحمدلله تمامم ونتي
رقيه :بخير
(دخلتها وكـعدنه ع طـاوله مـوجوده بالـحديقه جـبتلها ماي واشوفها تحوس مو طبيعيه)
لميس:شبيج رقيه احس اكو حجي بحلكج اطربيني احجي شكو.
رقيه: لميس مادري شحجي بس وداني مهدي كال كولي لميس اني احبها من زمان واريد اخطبها ترضه؟
-شوفي لميس هوه يحبج من زمان وحته اهلي يدرون وابوي راضي ناخذج. يكول بس خلي تكول موافقه وسالفه ابوها يمي بس خلي توافق واجي واشوف منو يرفضني
(بقيت صافنه هاي شنو دتمسلت تنفرزت من حجيها وطكت روحي بس الحمدلله مطمنه متاكده ابوي مراح يوافق ينطيني لمهدي وحته اني ماطيقه اكرها فـ مرتاحه مستحيل اصير اله متاكده)
لميس بـتنهد: رقيه ماكدر وانتي تعرفين البكلب ابوي ع ابوج ماكدر اخطي هاي الخطوه واني ماحبه خلي ينساني احسن واني اعتبر الحجي الي حجيتي مسمعته
رقيه: ليش من يمته اليحب ينسه اليحبه لميس اعرفج تحبينه وملاحضه هالشي واريد منج الموافقه. بس حطي ايدج بايد مهدي واني وياكم وكلشي صعب نعبره ونعبر ابوج وابوج حنون ويقبل
(هنا كلش نفرزتني اكلها ماريده تكلي مبين تحبينه كمت من الكرسي وكتلها)
لميس: ماحبه ماريده وانتي تدرين دومم اكلج اكرها ليش تلزگين هيج روحي كليله ماتريدك
رقيه: بكيفج بس لٱ تضنين مهدي راح يعوفج لان تدرين هوه شكد عصبي وخصوصا اذا هوه راد شي ياخذه غصبا عنج وعن ابوج
لميس: رقيه نجبي وكومي كليله ماتريدك وسدي السالفه من يمج
( خرب شكد ينفرزوننن هزت راسها وراحت رحت سديت الباب وراها ورجعت اشر الملابس متنفرزه ومرتاحه لان ابوي وين مايكعد يحجي عليهم ويحجي ع مهدي وسلامه ثكيل وياهم )
-بعد ماراحت رقيه نسدت السالفه ووراها بـ 5 ايام صارت عزيمه ببيت عمو الشيخ عدنان بس هوه واخوانه وعوائلهم واحنه من ضمنهم فـ العزيمه عشه اني اعرف بيهم كلش معقدين وكلت اكيد مهدي هناك ماريد اروح
لميس: بابا اني ماروح ابقه يم امي
( طبعا امي ماتروح لعمامي لان يكرهونها لان تلبس،وتطلع وتسافر هيه وبابا وهمه عدهم المره حدها السوك والدكتوره بس امي كلش تختلف. وابوي يموت عليها اخذها عن حب بس ابوي شوي يميل لعمامي بتفكيرهم الهمجي)
أنت تقرأ
الـقدر الاسـود
ChickLitالقـصه تتحـدث عـن ضلم العائلات الي دتواجها اغلب البنات العـراقيه بسبب اهلها وضلمهم وعاداتهم السخيفه جدا
