الهَواجس

الحـلقة التـاسعة والعشـرين

الكـاتبة شهـد 🖤

ماذا لو أن الشخص الذي كسرتهُ يحبهُ الله .!.

____________________________

حمزة

من بعد المكالمة الي صار بيني وبينه اختفى اختفاء تام حتى من احاول اتصل بيه على نفس الرقم يكون مغلق والرقم الي دزيتله منه الفيديو والي كان مبين هو رقمه هم انغلق وانقطعت كل السبل الي تخليني اوصله او اتفاهم وياه...

يوم يدخل بيوم و الوضع يتكهرب اكثر كل ما يمر يوم جديد الامل الي بداخلي يقل ..

حياتي متوقفة على رجعتها شغلي هامله واهلي والينا الي كل يوم تتخبل اكثر من الي قبله لدرجة بيوم من الايام الي گاعد بـ بيت عمي منتضر خبر حالي حالهم دگ تليفوني من ش
فت اسمها ع الشاشة حولته صامت وما رديت...

لحت بالاتصال لحد ما فتحت خط وسمعت الصياح...

-اسمعني اذا ما اجيت هسه للبيت بعد ماتشوووف وجهي فهمتتت

جريت نفس احاول اهدي اعصابي شگد اكره مرة ترفع صوتها بوجهي...

-للمرة الالف احذرچ من الصوت العالي وياي وجية هسه ما اگدر اجي عندي شغل

-خوش لعد خليك بشغلك واني طالعة من البيت ودير بالك تتصل بيه

-الينا لا تتخبلين گلت ما اگدرج اجي..

سكتت وسمعت صوت النحيب مالتها من الموبايل استغفرت ربي هسه هاي شنو ذنبها غير حبتني..

-ماشي جاي بالطريق لا تبچين

سديت الموبايل بدون ما اسمع رد منها دخلت ودعت عمي وگلتله عندي شغل ورجعت لبيتنا وياريت ما رجعت بيومها...

وصلت البيت فتحت الباب ودخلت لگيتها گاعدة بالصالة والغريب امي وابوية وياها..

بالعادة ماتگعد وياهم هم ماعدهم مشكلة وياها بس دائماً تتزعل من تشوف اسلوبهم ويه روند وشلون يحبوها ومهتمين بيها..

هي ابدا ماجربت تتقرب منهم او تگعد وياهم وتسولف مثل روند لا الينا من البداية خلتهم بخانة الاعداء الها لأن ما قبلوا بيها..

شمرت السويچ ع الطاولة وحچيت بتعب ادري الي منتضرني شنو جمعتهم اكيد حتى يسمموني بالحچي...

-ها عدكم اسطوانة جديدة مو لأن اكيد هالگعدة وراها شي..

وگف بابا على طوله ويحچي بنرفزة..

-ولك انت شوكت تصير آدمي

فركت وجهي بثنين اديه ونطقت بتعب

-يابه تعبان ارحموني شوية

-نرحمك من ترحم غيرك ونفسك اشو ما منك بس الأذية منين تجيك الرحمة متگلي...

-هسه غير افتهم شمسوي