Somewhere Only We Know ✔

Crown 5 - Private Life

Crown 5 – Private Life

"Alam mo bang pamilya ang aking pinakamalaking ginto at swerte sa aking buhay kaya ko ito ginagawa Kaya ako nabubuhay at nagpapatuloy sa buhay."

Sabi ni Midnight Alex habang aabutin ang kamay ni Kyro sa gitna ng laban na siya ay napaupo dahil sa araw na ito ay sila ang magkakampi.

Natural kay Alex ang pagkakaroon ng kakaibang lakas kahit bilang babae.

"Ako rin, kaibigan. Importante rin ang aking pamilya. Bakit gusto mo bang dumagdag doon? Bukas ang aking kamay sa taong sinasagip ang aking buhay. Kasi para sa'kin ang kaibigan ay isa na ring pamilya."

"Kung iyong nais! Bakit ako tatanggi."

Tumawa lang ito nang mahina.

Si Alessia ay nabuhayan.

Bukas na bukas na ang kaarawan ni Alessia Marcella.

Pero bakit andito dumalo ang prinsipe?

Isang punta pa niya sa Black Arena ay talaga namang siya ay napahamak ngunit iniligtas na naman siya ni Midnight Alex.

Sa pagsunod niya dito ay natagpuan niya rin na sa Dark Street ito nakatira.

Liblib at talagang hindi pa niya naisama si Zeno kaya kinakabahan na siya.

"Anong ginagawa mo dito? Magpakilala ka!"

Tinapat nito ang espada sa kanyang likod.

Tinaas niya ang dalawnag kamay niya.Dahan-dahan na lumingon at ngumiti sa dalaga.

"Hindi ako masamang tao, gusto lamang kitang makilala nang lubos."

Malumanay na pagpapaliwanag ni Kyro rito kay Alex.

"Hindi ba ay labag sa batas ang pagsunod sa isang tao nang walang permiso?"

Matapang na pagsagot sa kanya nito.

Siya ay napangiti lalo.

Ito talaga ang tipo niya, yung palaban.

Natatawa na lamang si Kyro sa sagot ni Alex sa kanya.

Wala pa rin ideya na ito ay si Prinsesa Alessia.

Kabang-kaba si Alessia buti na lamang ay pag-uwi niya sa Dark Street ay nakasuot pang-alis pa siya at kumpleto pa rin ang suot niya sa Black Arena na maskara at kapa.

Ibinaba na rin ni Alessia ang espada niya at inilagay sa lalagyan.

Lagi niyang dala ito, bigay ng kanyang tatay-tatayan upang protektahan ang kanyang sarili maliban sa mga armas na pwedeng hiramin sa Black Arena kapag lamang lalaban.

"Hindi naman ako masamang tao, gusto ko lang malaman ang iyong pagkatao."

Ngumisi si Kyro kay Alex na parang nagtataka na kanina pa sa kanya.

"Anak, tara na sa loob. May inihanda ang iyong ina."

Sabi ng matandang lalaking lumabas, ang tatay ni Alessia na nag-ampon kanya dati.

Napatingin ito kay Kyro na kinakabahan na. Inayos pa nito ang suot.

"Oh, sino iyang binata? Iyan ba ang iyong natatangi? Hindi mo man lang papasukin sa ating tahanan? Dabil ngayon ka lamang nagdala ng binata sa ating tirahan."

Natawa si Kyro sa sinabi ng ama ni Alex.

"Hindi ho. Maaari pong sa susunod ay maging na po."

Sabi ni Kyro kaya hinampas siya ni Alex sa balikat.