زهراء. صميم صميم
طلعت اركض للصاله مموجود رحت للمطبخ مموجود رجعت للغرفه شفت باب الحمام مفتوح دخلت صميم بملابسه وشكله يخوف والمي يجري عراسه ضليت ارجف بمكاني وهوا ممنتبه عليه جسمه يرجف عبالك ديحترك يفرفح تقدمت عليه لزمت ايده تجوي باوعلي عيونه تخوف ردت اشرد هديت ايده وهوه أشرلي اطلع برا وكفت محتاره اطلع لو ابقه جان يعيط بوجهي اطلع بره صوته رج البيت رج طلعت ركض بقيت واكفه بالباب شويه وطلع هوا ملابسه كلها مي وعيونه حمر عبالك جان يبجي صرت كدامه حته مباوعلي راح كعد يم الجربايه بالكاع وخله راسه ع الجربايه وجسمه جان يرجف عبالك بردان
زهراء. صميم
صميم. اشش
زهراء. تقربت عليه كعدت مقابيله هوا خزرني يريدني اكوم
زهراء. شبيك يوجعك شي اساعدك بشي
صميم. بعصبيه كتلج لتلغين
زهراء. عرفت انو هوا ضايج مني بس ليش ضليت بمكاني لا اكدر احاجي ولا اكدر ابقه ساكته جان شكله كلش تعبان كلبي مينطيني اعوفه وارجع انام لزمت ايده هوا نزل راسه يباوعلي
زهراء. ضوجتك اني بيك شي؟
رجع ارتاج كأنو محجيت شي سحب ايده من ايدي وكام اخذ ملابس من الكنتور ودخل للحمام كلش قلقت عليه شويه وطلعت اني جنت كاعده عالجربايه هوا اجه اخذ مخده وطلع هنانه عرفت وتأكدت انو هوا ضايج مني بقيت احوس بمكاني كلت خلي اطلع اشوفه طلعت لكيته متمدد بالكاع تقربت عليه وكعدت قريب عليه
زهراء. انته ضايج مني؟
صميم. لا
زهراء. ليش هيج تحاجيني لعد
صميم. شلون احاجيج لعد
زهراء. ليش نايم هنانه؟
صميم. كل يوم نايم هنا ليش اليوم دتسألين؟
زهراء. لان قبل شويه اصريت تنام بالغرفه
صميم. حسيتج ممرتاحه كلت اطلع احسن
زهراء. وليش مارتاح يعني
صميم. هاي بقت يمج بعد
زهراء. تأخر الوقت كوم نام بالغرفه
صميم. روحي نامي اريد انام مالي خلك
زهراء. وانته؟
صميم. نايم مرتاح هيج
أنت تقرأ
المدمن العاشق
Romanceزهراء. وكفت السياره بمكان كلش بعيد عن المكان الي احنه بي شفت بيت كلش جبير ومسيج تخبلت كمت اعيط والطم بس اريد واحد يسمعني وينقذني بس ماكو ماكو نزل من السياره وتوجه عليه سحلني من السياره لباب المخزن شمرني بالمخزن ورجع لسياره هميم نزلت وبقت تعيط وتحاول...
