إذا حدثتني عن الحبّ والحنان أشرت لقلب أمي، وإذا أخبرتني عن الطمأنينة والسعادة قلت حضن أمي، فالأمّ نعمة أنعمها الله علينا، هي زهرة أيامنا وعبير صباحنا، هي بسمة السنين وجمال الحياة، فمنها نستمدُّ قوّتنا و إصرارنا.
الى قلتي ليا ميمتي نقوليك الحب الى قلتي ليا ميمتي نقوليك الصبر وسهر ليالي فالمرض وتوثر الامتحان والمراجعة الى قلتي ليا ميمتي نقوليك كاتسنى نجح فقرايتي كتر من راسي ...الى قلتي ليا ميمتي نقوليك الحنان الحقيقي الي كتحس بيه وتقيصو...الى قلتي ليا ميمتي نقوليك
الفرحة لتخرجي والبكا بفرح لتوضيفي الى قلتي ليا حنانتي نقوليك لفرحة لزواجي الى قلتي ليا ميمتي نقوليك ماكاين تا حب كيبقى من غير حبها الي كيبقى تابت بالفطرة...هي ميمتي هي الحنان هي الضحكة هي النور ديال الدار الى طفات مشا ساس وطار الجناح ...الى قلتي ليا ميمتي نقوليك الاماااااان…
هزات دراعو كتبعدو عليها وكتبكي بالحس ...حتى هز راسو وقرب ليها باسها فجبهتها وايديها بزوج كيبوس ويطول يشم ريحة ايديها الي يموت عليها ...حتى خلاتو يجلس بزز ويرجع يتكا ...
يامنة : حط راسك راك عيان ...
ياسين : مابقيتش...
يامنة : احياني عليك...وجهك لونه ماشي هو الي فيه وشفارك هابطين وعينيك ذابلين ...صوتك باح وماشي ليك فجوج كلمات ..."حطات كف ايدها على حنكو كطلع جيهة لحم فوق لحية باش تقيص مزيان " سخون ...
ياسين"غمض عينيه" اممم..."بدا يكحب تا سمعات صوت صدرو كيزوي"
يامنة"حطات ايدها فوق صدرو" : عاود كحب..."عاود كحب دار ليها الخاطر" زيد تاني"عاود تاني " الله يا ولدي صدرك عامر..
ياسين : عامر بيك ...
يامنة "حبسات ضحكة" : را عامر بالبرد...
ياسين : لا دافي رجعي حطي ايد المحنة ودوا نبرا ...
يامنة : كتهضر ولا باغي نسامح ...
ياسين : الهضرة خارجة من القلب مزال ماذكرتش هضرة المسامحة ...
يامنة : مريض نيت ؟ ولا كتبوحط عليا
ياسين"حط ايدو على راسو" : كنمووت ميمتي ...
يامنة : الله ينجيك...
ياسين : اش درنا ...
يامنة : نعطيك تشرب دوا هذا الي عند راسك ماشي دوا ...
ياسين : اش غاتصنعي ليا تاني ...
يامنة : الي صنعتو شربو ...
ياسين"هالعار غاترطاب" : واخا يكون سم لفاع عسل ميمتي...لله ودي ...
يامنة"شافت فيه بتحذير" : تخليطة ...
ياسين "حط ايدو على وجهو " : الله ...غا جيبي ديك تخليطة ماعليش "واحد تخليطة كتخلطها كتشعل فيه العافية فصدر وفحلقو فاش كيشربها كيكرها فصغرو...كتخليه يجدب هههههه"
ناضت من حداه كانت باقيا بجلابتها ...حتى دخلات نوار عليهم رجعات من المشفى دغيا ...تا ضارت يامنة شافتها وهي تصدم نوار بغات تبكي ولا ضحك تخالطو عليها....
نوار"عينيها غرغرو" : خالتو يامنة ...
يامنة"غمضات ليها عينيها " : بلاتي منهضروش دابا بقاي معاه حتى نهبط نجيب ليه دوا...مينفعوش هذا الي هنا غادي غير يطول عليه الكحة....
نوار"حركات ليها راسها كتبتاسم بفرحة " : اه واخا هانا معاه ...
يامنة: علاش جيتي دغيا ؟
نوار : ماقدرتش نخليه وحدو مشيت غير شربت اتاي ...
يامنة : منقشتيش ؟
نوار"وراتها ايديها" : مزال ليا اثار الحنة الي فاتت ...
يامنة : حتى تحيد ونجي تما ونعاود نجيب ليك نقاشة...
نوار"كتحرك فراسها بزربة ماصبراتش ومشات ليها كتجري تلاحت عليها عنقاتها بجهدد مزيرة عليها" : يخليك ليا خالتو حنينة ديالي ...سمحي ليا سمحي ليا والله ...
يامنة"طبطبات ليها على ضهرها" : را قلت ليك منهضروش دابا بلاتي ...بقاي مع راجلك انا جايا..
خلاتها ومشات خرجات اما نوار مشات لعندو كان متكي مسرح باقي بطاقيتو على راسو حناكو ولاو حمرييين ومنخرو خلاص عاقد حجبانو بجهد ويكحب ىصوت داك صدر كيتسمع ...حتى حل عينو فيها...
ياسين : جيتي دغيا !!!
نوار : غير سلمت على صفية وشربت اتاي كليت شوي ديال التريد وجيت ...
ياسين : شنو هضرت معاك انا ؟
نوار : وصااافي عافاك خايني"تحنات حطات راسها على صدرو "
ياسين"حط ايدو على شعرها كيفرك ليها فيه" : راسك قاصح ...
نوار : ههههههه"مد ايدو بغا يشرب وهي تهز راسها "بغيتي تشرب تسنا..."ناضت كبات ليه كاس الما عطاتو ليه تگعد شوي شربو ورجع قادت ليه المخدة باش يجي مگعد شوي ...تسند عليها " كانت كتقوليا خالتو يامنة ماتسخنيش باش متجعرش عليك الكحبة...
ياسين"رفع فيها حاجبو" : هاد ساعة مكاين كي ندير نبرد...
نوار : متغطيش صدرك...
ياسين : حيدي نتي ..."كل يلغي فجيه هههه"
نوار"ضارت شافت جيهة وجليه " : خاصني نعقمها ليك تاني...
ياسين"حط كف ديالو على حنكها كيمسح عليه" : نخليو الحنانة دير ايدها...
نوار"بابتسامة" : فهمتك ...
ياسين : كتبقا هي الاصل ...
أنت تقرأ
نور الياسين
De Todoمنقول هاني وجعت من جدييد له في قصة الي ممكن نقول تابعة لقصة يامنة وممكن تكون لا يعني الى مقريتيش يامنة بلا مترجعي تقرايها باش تفهمي هادي ...ولا ديال عائلة رمسييس القصة الي تسنيتوها شحاااال هادي والي نقول تولدات قصتو وسط القصة ديال واليديه فرض الحضور...
