" ချမ်းလိုက်တာ ငါတော့ ထပ်ဖျားဦးမယ်ထင်တယ် "
Fumaက ခါးပေါ်က Apronကိုကြည့်ရင်း တိုးတိုးရေရွတ်တယ် ။ သူ ဖြစ်နိုင်ရင် အနွေးထည်တစ်ထည်ထည်လောက် ထပ်ဝတ်ထားချင်သား .. ။
ဒါပေမယ့် သူ အချိန်ပိုင်းလုပ်နေတာက ကော်ဖီဆိုင်မို့ အနွေးထည်ဝတ်ရင် အဆင်ပြေမပြေဆိုတာ သူမဝေခွဲတတ်ဘူး ။
မနေ့ကမှရထားတဲ့ အလုပ်လေးပြုတ်မှာတော့ သူ့မှာလဲကြောက်ရပါတယ် ။
" ကြိုဆိုပါတယ် ဒီဘက်ကိုကြွပါ "
သူနဲ့အတူတူ အချိန်ပိုင်းလုပ်နေတဲ့ EuiJooက အသစ်ဝင်လာတဲ့ Customerကို နှုတ်ဆက်တယ် ။ EuiJooအဲ့လိုပြောတိုင်း Fumaက မရယ်ဘဲမနေနိုင်ဘူး ။ EuiJooရဲ့ အသံထွက်ကြောင့်မဟုတ်ဘဲ သူနဲ့ အသားမကျသေးလို့ကို ရယ်စရာကောင်းနေတော့တာ ။
" ရတယ် EuiJoo ကိုယ်သွားလိုက်မယ် ။ မင်းပြန်ရင်ပြန်နှင့်လေ "
EuiJooနေရာက နည်းနည်းလှမ်းတာမို့ ဒီလိုအေးခဲနေတဲ့ ညကြီးမှာ စောစောပြန်စေချင်တာ Fumaရဲ့ စိတ်ရင်းပါပဲ ။ ဒါကို စိတ်ကောင်းရှိတယ်လို့ လူတွေက ပြောကြတဲ့အခါ Fumaက ကျေတော့ကျေနပ်မိသား ။
" ဘာများသုံးဆောင်ပါမလဲ ဧည့်သည် "
" ဘယ်ဟာသောက်ရမလဲ Recommendပေးပါလား "
ခဏ .. Fuma ဆောင်းရာသီကို မကြိုက်သလို နှင်းတွေကိုလဲ သဘောမကျဘူးလို့ပြောမိသလား ? ဘဝမှာ ပထမဆုံး အနေနဲ့ ဒီလူ့ပခုံးပေါ်က နှင်းတွေကို ကြာကြာငေးမိတယ် ။
ကော့ညွှတ်နေတဲ့ မျက်တောင်နက်နက်တွေဝန်းရံထားတဲ့ မျက်လုံးက သေးသေးဝန်းဝန်းလေး ။ ဒါပေမယ့် ဒီမျက်ဝန်းတွေဟာ နှင်းတွေလိုပါပဲ ။ Fumaကို ကြက်သီးပါထစေတဲ့အထိ .. ။
" အာ .. အဆင်ပြေရာသောက်ပါ
အကုန်ကောင်းတယ် "
ထစ်ထစ်အအထွက်ကုန်တဲ့စကားတွေ ... နီရဲနေလောက်ပြီဖြစ်တဲ့ သူ့နားရွက်တွေ .. ။
အဲ့ဒီလူရဲ့ မျက်လုံးတွေကို စိုက်ကြည့်မိတိုင်း ထူပူတက်လာတဲ့ ပါးတွေ ။
ဒုက္ခပဲ .. သူဒီနေ့ခွင့်ယူပြီး ပိုကီမွန်ကြည့်နေခဲ့သင့်တာ ။
YOU ARE READING
𝙒𝙞𝙣𝙩𝙚𝙧 𝘾𝙤𝙛𝙛𝙚𝙚 (𝙆. 𝙁𝙪𝙢𝙖)
Fanfiction&TEAM K × FUMA One shot written in Burmese 💕 Zawgyi and unicode available
