لم أعُد ذاك المرح ، أهلكني التفكير .
: مشاهدة ممتعة ♡
مريم: ولججج مُهجة مهيجة وينج طركاعة اكعدي
مُهجة: اوي يمة شنو السالفة خلينة نايمين
مريم: ولج اكعدي ودي الاكل البيت ابو أسـر
مُهجة: اهوو يمة خلي يروح علاوي
مريم: علاوي كاعد يدرس ولج كومي شلعت كلبي هل فرخة هاية
مُهجة: كايمة كايمة ابسبس بيني وبين نفسي الله ياخذني همداني وهمدة حضي
مريم: راح اجي اكطع الماسحة عليج
مُهجة: كطعيهة كطعيهة ضلت على الماسحة
.........
اني مُهجة هاية معاناتي وية الوالدة يوميا بسبب بيت ابو أسر وما ادراك ما بيت ابو أسر
. عمري 17 تاركة المدرسة وصلت ثالث وتركت عايشة وية والدتي واخوية علاوي بالرابع ابتدائي طبعآ والدي تاركنة ومتزوج ومانعرفة ومانعرف عنة إي شي وامي تشتغل يم بيت ابو أسر تطبخ الهم ومرات تطبخ بالبيت وتوديني اني اوديه
. شكلي عادي حالي حال إي بنوتة ماعندي شعر شلال ولا عيون زرُگ عادية عيوني سود بيضة وشعري جنة سيم مالت مواعين بالكوة يتمشط طولي 146 وزني 60 بالنسبة الطولي وزني فا سمينة اني بس بترتيب ماعندي كرش وهاي السوالف واكل وارجع الي ورة
: نرجع ♡
مُهجة: كمت لبست صايتي وحجابي واخذت الاكل ورحت اتمشى وادعي مالگة ابنهم ولا ينطاق جنة شيطان
ام أسر: يا خالة مُهجة اشلونج بعد كلبي
مُهجة: هلاو بيج خاله انتي اشلونج صحتج
ام أسر: بعد روحي يمة اهلج اشلونهم
مُهجة: زينين الحمدلله خالة هذا الاكل دزتة امي الكم اليوم
ام أسر: اي يمة اروحلج فدوه وديه بالمطبخ
مُهجة: صار خالة
اعرف بيت ام أسر ماعدهم احد بس هذا الي يسمونة أل شـَرس ومو دائما يتواجد السكير
فا طبيت مسيطرة ادندن وية نفسي خليت الاگدورة على الكاونتر وما منتبهة على احد فالتفتت وانگطع نفسي
أسـر: نورتينة عيناي ماكو ليش ادزين علاوي شنو صرنة منعجبك
مُهجة: الحمدلله والشكُر ياربي
أسر: اكرهج ولا اطيق شوفتج موراحة احسج
مُهجة: حزت بخاطري عفت الغراض وطلعت وحلفت بعد ما اروح الهم واشوف هذا الكلـب
مريم: شبيج يمة ليش فحطانة وترجفين
مُهجة: بيت هذولي ما روحلهم خيولون ماروح عتقوني تعبت ماروح بعد ابدآ لو ذبحيني
مريم: ليش يمة فهميني اشبيج
مُهجة: مابية مابية شي اريد مبايلج يمة
اخذت المبايل وطلعت اسمع لطميات وابچي ليش هيج حضي اني الحمدلله يارب
... مرت الايام وامي مدزني تودي علاوي وبقيت اني ابيتنة اتعلم اسوي حلويات لين من هواياتي هيج شي فا كرست نفسي الهل شي
علاوي: مومو مهيجة وينج
مُهجة: ها عليوان اشبيك ليش اصيح
علاوي: اكُلج ام أسر سئلت عليج اتكول ليش ماكو
مُهجة: ماكو شي كُللهة اسلم عليج بس هية متحب تطلع وعدهة شغل البيت محد بي
علاوي: خوش خوش رايح العب طوبة اني
مُهجة: روح يمة روح
مبايل امي باقي بالبيت وهية كل عادة يم بيت أبو أسـر اخذتة وطلعت لطمية وضليت اسمع وافتر بالبيت واعزل
الى ان وصلت للسطح وسطحنة ناصي فا اعلى البيوت بيت ابو أسـر باوعت على بيتهم وكلت هل ناس شدعوة هلكد بيتهم عالي واباوع وادقق الى ان لمحت واحد واگف بس ماركزت منو داير وجهة فا التفت مقابل بيتنة
وطلع ........
يتبع:
اعرف البارت قصير بس أن شاء الله اطولة على الايام الي تجي ✦
حساب الانستگرام ألاي استفسار ♡
banean_3o
أنت تقرأ
أنهـيـار جسـد ( مُستـمرة)
Romance. عندما يـِنتـصر الضعيف على القوي الذي يتوقع نفسه انهُ كالحديد ولا ينهـَزم ولا يعـرف معنى الرحمة او العاطفة في حياته كُـل حياته عبارة عـَن مَــكـر !!!! روايـة جَـديدة اتمنـى تـنال أعجـابكم ( شـَرس ) ( مُهجة )
