الهَواجس

الحـلقة الواحـد والثـلاثون

الكـاتبة شهـد 🖤

لا أهتم بكون الأشياء عادية أو مميزة
بقدر أهتمامي بكونها حقيقية ،
أريدها حقيقية فقط
أستطيع لمسها دون أن ترتجف
يداي قلقًا من تلاشيها
الصداقات ، الناس ،
الوعود ، الأحلام ، الأيام .

____________________________

روند

مرت لحظة صمت بيني وبينه من بعد الكلام الي طلع مني ارتبكت لأن ما طلع منه رد يشفي غليلي ما كان هذا الرد الي اريده منه..

من التوتر بديت اكل بشفتي منتضرة رده لحد ما نطق بعد فترة..

-يعني انتِ رايدة الطلاق من أرادتچ؟

جريت نفس بعمق نبرته صارت بگلبي صوته هادئ ويرجف ..
جاوبته بدون تردد..

-وبأقرب فرصة

سمعته شلون سحب نفس ورد عليه بـ رد رچف گلبي..

-لو اعرف حياتي على هالزواج اخسر حياتي حتى اخلصچ منه..

سكتت بعدها ماعرفت بشنو ارد عليه و هو احترم هالشي وره شوية حچه..

-اليوم زرعت شجرة وسميتها بأسمچ..

-صدُك

-وتعبتني ما ترضى تثبت بمكانها

-شجرة شنو بالله

-برتقال

-وليش برتقال

-ماكو سبب بس احب البرتقال واحبچ

ضحكت بخفة على الغزل مالته غابت ضحكتي من گال..

-حاولي تأخرين بروحتچ لبيت عمچ گد ما تگدرين

-شگد يعني

-شهر او اكثر

-ماگدر مصعب يمكن يسكتون اسبوع ثنين بس مو لهالدرجة بعد الي سووه بيه اتوقع ياخذوني سحل بدون ما يرفلهم جفن...

-معاملة الطلاگ تتأخر وخصوصاً الن*** رافض يطلگچ

فجأة تذكرت الاوراق الي وقعتهم قبل ما اطلع گلت بسرعة..

-مصعب شوف

-ششوف ياروحه

-مو اريد احچي شبيك

-بستچ وسديت حلگچ مثلاً احچي گلبي

-يااا

ماسمعت غير صوت ضحكته العالية الي تسحلني سحل اخذ فترة يضحك شوية وسكت وكمل كلامه...

-شنو ردتي تگولين بابا

-الأوراق الي گلتلي وقعيهم وصلوك مو؟

-شنو من اوراق حبيبي

-مو مرة جبتلي ملف وبيه اوراق وگلت وقعيهن وماوقعت

-اي ؟

-اني وقعتهن قبل ما اطلع من البيت واجي لهنا وانطيتهن لأم رزاق وگلتلها من يرجع انطيهن لمصعب...