رواية إبتدينها مزح وانتهينا عاشقين

البارت 46

ام ظبيه قعدت تكلم ظبيه علشان الدكتور اللي لقته حقها وفهمتها كل شي قاله لها ...
ظبيه قعدت تفكر وتفكر ، وقالت حق امها : ماماه انتي راضيه عنيي ؟؟
الام استغربت ليش هذا السوال ؟
قالت لها هيه حبيبي راضيه عنجج بس ليشش ؟؟
ظبيه : ماشي بس اسالج انج راضيه عني واروح التقي ف الدكتور انه يعالجني .
ام ظبيه : ايوهه راضيه ، اريدج تكونين بخير ، ابغي اشوفج مستانسه والضحكه ما تفارقج ابد اريدج تطلعين من كل ماضي عور قلبج وكسرج اريدج تكوني قويه وافضل من كذا انتي بنتي واحبج واغليج واخاف عليج واحاتيج كيف تريدين ام تترك بنتها تتعذب وتسكت وما تساعدها قلب الام حنون بكثيرر ويحس وايد ، لما بتكبرين وبتعرسي بتعرفي ها الشعور كيف ، وشعور الام اللي تخاف عع ععيالها ، اتوكلي عع الله ي قلبي انتي وان شاء الله بتكوني للافضل باذن الله ، تواصلي وياها وباجر روحي شوفيه شو بيقول لج .
ظبيه : ماماه تعرفين شكثر احبج احبججج ؟؟
ام ظبيه : شكثر ؟؟
ظبيه : قد الدنيا ومافيها احبج ، وان شاء الله بروح اشوف الدكتور باجر وبقولج شو بيصير معاي ، ولا تقعدي تحاتيني بكون بخير .
ام ظبيه : الله يسعدج يارب ويوفقج ف حياتج ي قلب امج ، زينن حبيبي ، انا بروح ارقد عنج احين وبينا باجر .
ظبيه : تمام ماماه نوم العوافي عليج وربي يحفظج ، احبج .
--------
راحت ظبيه طرشت عع الرقم اللي امها عطتها اياها وكلمة الدكتور بخصوص علاجها .
وقعد يسالها عن حالها وشو فيها بضبطط تقريبا لحد نص الليل وهو ياخذ علومها .
قعد يشخص حالتها .... وقال لها تعالي باجر الكوفي الفلاني بنلتقي هناك ، وقال لها لا تخافي ما راح اضرج ولا اذيج بس اعالجج علشان لا يشتغل تفكيرج ف الاشياء اللي صارت معاج .
ردت عليه انه تمام راح تلتقي فيه وقالت له شروطها وكل شي تريده .
وبعدها قال لها يلا وقت الرقاد علشان مل تكوني مرهقه باجر ارقدي وبينا ان شاء الله.
حطت الفون عع رف الطاوله وراحت غسلت اسنانها وعقبها رقدت .
-----------
مكتوم دق عع الربع وقال لهم انه باجر بيكون مشغول وجي ..
طبعن الوحيد اللي يعرف شو صاير خليفه انه ف شو مشغول مكتوم ....
قعدوا يسولفوا مع بعض لحد ساعه 3 الفير ..
--------
مكتوم : شبابب انا اترخصكم برقد باجر عندي مشوار اخلصه وشغل وكل شي بس يمكن التقي وياكم فليل علشان نشوف ترتيب ورا باجر حق روحت المطار ..
حمد : انا باجر اريد حد ايي يشلني اروح السوق ناقص لي كم غرض .
مكتوم : انا يا ولد العم ما انفعك للاسف.
زايد : متى تريد تطلع ؟؟ بمر عليك مب مشكله .
حمد : عادي حتى الصباح مب مشكله .