رواية إبتدينها مزح وانتهينا عاشقين

البارت 48

ظبيه : مريت ف حالة ابتزاز وتحرش من اقرب الناس لي وانحطيت ف مواقف حرجه جداً ويا اهلي تغاضيت
عن وايد اشياء ومنها حقوقي وكتمت كل شي ف قلبي
، ولما الاشخاص يتحرشوا فيني ماقدر اتكلم لانه
ادري محد بيصدقني ومن لما كنت صغيره ،
استغلو نقاط ضعفي والاشخاص اللي احبهم ،
صرت اكرهه كلحد وما اوثق حتى ف اهلي ، ورافضه
فكرة اني ايي اتعالج مع دكتور نفسي لانه ادري راح
يتكلم عن قصتي ويا ايي حد وانا ما ارضى ف هذا
الشي حتى ولو زلت لسان اهلي اللي تعبوا معاي وربوني ماقلت لهم عع رغم ماقصروا معاي وقفوا وياييه بس انا
صرت انطوائيه كثير لاني صرت اخاف من الناس فيني
(رعب اجتماعي ) وما احب التجمعات واريد بس ارقد بس علشان اشرد من الواقع اللي انا فيه ومن الاشياء اللي اثرت فيني تاثير سلبي جداً خسرت ثقتي بنفسي وبكل حد ...
---------
وفجاءه ف نص كلامها انهارت صياح وقعدت تتنهد .
---------
مكتوم : ظبيه اختي خذيي نفس عميق هدي اعصابج اشربي مايي وارتاحي شوي ، باذن الله اقدر اساعدج بس لا تصيحي مب كل شي ينحل جي وكل امورج هذي بتنحل لا تحاتي بعدها الدنيا بخير وفيها ناس فيهم خير.
---------
مد ايده وعطاها الماي وقال لها سمي واشربي .
شلت الماي من ايده وهي ترجف من الغصه والخوف اللي فيها والاول مره هي تقول كلشي ف قلبها لشخص ماتعرفه .
قال لها اهدي اهدي نفسس عميق وزفير عع الهدوء .
---------
مكتوم : ان الله يمهل بس ما يهمل ، وكلي امرج لربج سبحان الله ، ومافي شي مستحيل وراح تكوني احسن واقوى أمرآة حاربت كل شي كسرها انتي اقوى من كل ها وربج بيحاسب كل شخص ضرج او وصلج لهذي المرحلة بس ممكن احين تهدي علشان نكلم النقاش .
ظبيه وهي تتنهد : ان شاء الله ، بس يا دكتور توعدني ما تقول ل احد مشاكلي هذي ؟!
مكتوم : وعد اني ما اقول ل احد اي شي يخصج وهذي خصوصيات بيني وبين الشخص ، ادري انج مب واثقه ولا مرتاحه بس بيعدي كل ها وبتكوني انسانه ناجحه ف حياتج .
ظبيه : تمام ، ان شاء الله .
مكتوم : هديتي احين ؟ اذا هيه كملي اسمعج .
ظبيه : هيهه ، ان شاء الله .
مكتوم : خذيي راحتج اسمعج ف كل شي ، انا بوقف معاج لا تحاتي ما بخليج ف هذي الحاله .