Unicode
"မေမေ ကျွန်တော် ဒီနေ့ အပြင်ခဏသွားလို့ရမလား"
"ဘယ်သွားမလို့လည်း Taeလေးရဲ့ Jungkookသိရင် မေမေကိုဆူနေလိမ့်မယ် မသွားပါနဲ့လားသားရယ် သား လိုချင်တာရှိရင်မေမေသွားဝယ်ပေးပါ့မယ်"
"ဟို.....ရပါတယ် မေမေရယ် ကျွန်တော်အပြင်မထွက်ရတာ ကြာလို့ ထွက်ချင်လို့ပါ မကြာပါဘူး
မြန်မြန်ပြန်လာပါ့မယ် Jeonကိုသွားမပြောပါနဲ့မေမေရယ် ကျွန်တော် မြန်မြန်ပြန်လာပါ့မယ်"
"မေမေ ကတော့မသွားစေချင်ဘူး သားရယ်
တော်ကြာ Jungkookအပြောခံနေရလိမ့်မယ်"
"လုပ်ပါမေမေရယ် ကျွန်တော်မြန်မြန်ပြန်လာမယ်လို့ကတိပေးပါတယ် ဘာမှမဖြစ်စေရဘူးလို့လည်းအာမခံပါတယ် နော်မေမေနော်"
"ဒါဆို အိမ်ကဒါရိုက်ဘာကို ခေါ်သွား သားသွားချင်တဲ့နေရာကိုပြောလိုက် သူလိုက်ပို့ပေးလိမ့်မယ် တစ်ယောက်ထဲတော့မသွားနဲ့"
"ဟုတ်ကဲ့မေမေ ကျေးဇူတင်ပါတယ်"
Taehyungလည်းခွင့်ပြုချက်ရတာနဲ့ အိမ်ကထွက်လာပြီး Yuliတက်တဲ့ကျောင်းကိုထွက်လာလိုက်သည်။
"သခင်လေး ဘယ်သူ့ကိုစောင့်နေတာလည်း
နာမည်ပြောလေ ကျွန်တော် သွားရှာပေးမယ်"
"ရတယ်နေနေ ထွက်လာမှပဲ လိုက်တော့မယ်"
"ဟုတ်ကဲ့"
ခဏကြာတော့Yuliကျောင်းထဲကသူငယ်ချင်းတစ်စုနဲ့ ထွက်လာတာ မြင်တော့ Taehyungလည်း ကားပေါ်ကနေကြည့်နေပြီး ဒါရိုက်ဘာကို ပြောလိုက်သည်။
"ဦးလေး အဲ့မိန်းကလေးနောက်ကို လိုက်ပေးပါ"
"ဘယ်မိန်းကလေးလည်းသခင်လေး"
"ဟိုက အကျီ် အနီနဲ့တစ်ယောက် သူ့နောက်ကိုလိုက်ပေးပါ"
"ဟုတ်ကဲ့"
Yuliနောက်ကို နောက်ယောင်ခံလိုက်လာလိုက်သည်။
Yuli အိမ်နားရောက်တော့ ကားကိုရပ်ခိုင်းလိုက်ပြီး အဝေးကလှမ်းကြည့်လိုက်သည်။
Yuliကသူ့အိမ်ရှေ့ရောက်တော့ လူခေါ်ခေါင်းလောင်းတီးလိုက်သည်။ အထဲက လူကတံခါးလာဖွင့်ပေးပြီး Yuliကိုမြင်တော့ ပြေးဖက်ပြီး Yuliလက်ကိုဆွဲပြီး အိမ်ထဲဝင်သွားကျသည်။
