ပျားပန်းခတ်နေတဲ့လူအုပ်ကြားထဲ jeonသည်လည်း luggageအိတ်တလုံးကိုဆွဲကာ ခရီးနှင်ဖို့ လေယာဉ်ပေါ်ကိုတက်လာခဲ့သည်။တစ်စုံတစ်ယောက်ဆီကို သွားရမှာဖြင့်လို့နှုတ်ခမ်းပါးလေးထက်မှာ အပြုံးတွေဝေဆာနေသည်။
မကြာပါ ကောင်းကင်ယံထက်ကိုလေယာဉ်လေးက ပျံသန်းသွားတော့သည်။တိမ်ဆိုင်တွေကြားထဲ ကနေခရီးသွားရတာ အရမ်းကိုပျော်ဖို့ကောင်းတယ်။နှစ်တွေအကြာကြီးနေမှ ပထမဆုံးအကြိမ်ခရီးပြန်ထွက်ရတော့ ပိုပြီးလည်းစိတ်လှုပ်ရှားနေသည်။
သူ့အသက်၃၅ကိုစွန်းနေခဲ့ပြီ။ဒါပေမယ့်လည်း ခန့်ညားနေတုန်းပါဘဲ။မျက်လုံးဝိုင်းဝိုင်းလေးနဲ့နှုတ်ခမ်းပါးပါးလေးက နှစ်လိုဖွယ်ကောင်းနေဆဲ။
တပ်နေကျစာကြည့်မျက်မှန်လေးက အခုတော့လေးထောင့်ဆန်ဆန်ပုံစံလေး ။ေနာက်ပြီးနှုတ်ခမ်းမွှေးရေးရေးလေးလည်းရှိနေပြန်တယ်။suitအပြည့်နဲ့ ထိုင်ခုံပေါ်မှာခြေချိတ်ထိုင်နေတဲ့jeonကို ခရီးသွားအမျိုးသမီးတွေကသမင်လည်ပြန်ငေးနေကြတယ်။ဒါပေမယ့် jeonက jeonဘဲမို့ အရင်လိုဘဲ ခပ်ချေချေပုံစံနဲ့ ဘယ်သူ့ကိုမှဂရုမစိုက်စွာ အကြည့်တွေကို laptop ပေါ်မှာဘဲကျောက်ချထားလိုက်သည်။
နှစ်အားဖြင့်၅နှစ်ကျော်လောက်ရှိပြီထင်တယ်။အချိန်တွေ မနည်းတော့ဘူးလို့ဆိုရမလား။ဒါမှမဟုတ် နောင်တတွေနဲ့ကျန်ခဲ့တဲ့ jeonကိုပြေးမြင်ရမလား။
⏪ ပြင်းထန်စွာ accidentဖြစ်သွားတဲ့ကောင်လေးကိုအရေးပေါ် အချိန်မှီလေးဘဲဆေးရုံရောက်သွားခဲ့တယ်။အရေးပေါ်ခွဲစိတ်ခန်းလေးထဲကိုကောင်လေးကို ခေါ်သွားတော့ jeonတယောက် အရူးတယောက်လို ငိုကြွေးနေခဲ့သည်။အချိန်တွေကိုရေတွက်ရင်း နာရီတွေကိုကျော်လွန်လာခဲ့တော့ ခွဲစိတ်မှုအောင်မြင်စွာနဲ့ ကောင်လေးက အရေးပေါ်ခန်းထဲက ပြန်ထွက်လာခဲ့သည်။ဒါပေမယ့် ဦးခေါင်းကိုထိတာများသွားတော့ သွေးယိုစိမ့်မှုဖြစ်ပြီး အသက်အန္တရာယ်ကင်းအောင် လုပ်ဆောင်ရသေးသည်။အဲဒီနေ့က သူ့အတွက်တော့ ငရဲပါဘဲ။ပူလောင်လွန်းတဲ့ ရင်ထဲကမီးက တဟုန်းဟုန်းတောက်လောင်နေခဲ့တာ။
စက်ကရိယာေတွနဲ့ဆေးပိုက်အများကြီးကလည်းရှုပ်နေအောင် ကောင်လေးရဲ့ခန္ဓာကိုယ်မှာေနရာယူထားသည်။
ယူကြုံးမရတဲ့စိတ်နဲ့ သူလည်းဆေးရုံကနေခြေတလှမ်းမှ မခွာဘဲကောင်လေးရဲ့အနားမှာလဲ ပေကပ်နေခဲ့သည်။လက်ထပ်ပွဲလည်းပျက်သွားခဲ့သလို သူ့ကိုတိုက်ဖို့လုပ်တဲ့သူက Rainဆိုတာလည်းသိရသည်။အခုတော့ ထိုက်သင့်တဲ့အပြစ်ဒဏ်ကို Rainကခံယူနေသည်။တကယ် ကိုကြောက်စရာကောင်းတဲ့ အငြိုးတေးပါဘဲ။
