تأمل يوماً بعد يوم

7 ايات

اللهم عَجل لوليك الفرج واجعلنا من انصاره واعوانه.

قبل لا ابدي اشرحلكم ؏ سبع آيات وشنو هنه
اريد منكم تجيبون ورقة وقلم وسجلوهن
واعتقد راح اطرح بهذا البارت
فقط 7 ايات الي لارم نطبقهن
لان ماريد بارت يصير طويل وممل عليكم يلا نبدي:

نجي للآية الاولى:

1- (إِنَّ الصَّلَاةَ كَانَتْ عَلَى الْمُؤْمِنِينَ كِتَابًا مَوْقُوتًا).
جواب يمك هسه شسوي انتَ؟ تعرض روحك على امام الزمان مولاي الحجة ابنَ الحسن ؏ تعرض روحك على سونار الألهي الرباني وهو القرآن
نجي ياربي شتريد؟ الآية.

النبي يريد تطبيق هاي الآية والمولى الحجة يريد هاي الآية شنو الآية؟
(إِنَّ الصَّلَاةَ كَانَتْ عَلَى الْمُؤْمِنِينَ كِتَابًا مَوْقُوتًا).
يمك بعد صح لو غلط؟ مادري يمك.

نجي للآية الثانية:

2- (يا أيها الذين آمنوا كتب عليكم الصيام كما كتب على الذين من قبلكم لعلكم تتقون).
هسه يمك الجواب انتَ بينك وبين روحك تخلي ايدك على خدك وانتَ لو كاعد لو واكف دتشتغل لو مدد لو مربع رجليك انتَ اقره وخلي ايدك على خدك وركز بالكلام بينك وبين نفسك كول ها؟.
غلط ما مطبقها هاي لازم اسويها صح
لو ها؟ اي صح اني مطبقها ترفع ايدك الحمدُلله والشكر.

الآية ثالثة:

3- (وَاعْلَمُوا أَنَّمَا غَنِمْتُم مِّن شَيْءٍ فَأَنَّ لِلَّهِ خُمُسَهُ وَلِلرَّسُولِ وَلِذِي الْقُرْبَىٰ وَالْيَتَامَىٰ وَالْمَسَاكِينِ).
الخمس الذي أمر بهِ الله تعالى وهو تزكية لأموالكم
لو عندي خمس سنوي هي مختلف فقهاء السستاني عنده سنة ومنو عنده شغلة ومخلي ومامستخدمها يروح يخمسها ينطي وينقسم للعامي ولسادة.

نجي للآية الرابعة وهاي رابعه مامتمكنين احنه فما مطالبين بيها :

4 - (ولله على الناس حج البيت من استطاع إليه سبيلا) .
هسه هنا الحج ماتكدر مامتمكن بس من الممكن ان هذه الآية ماتكدر طبقها اذا ماعندك بس تكدر تفرها وطبقها بحياتك اليومية وهي ان تطوف حول قلبك
ماتكدر تطوف حول بيت الله عز وجل لان مامتمكن طوف حول قلبك.

زين الآية الخامسة:

5 - وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَاناً)
منو المطبق مفعول هذه الآية؟ طبعاً هذه الآية راح اخذها بتلث شقوق هذه الآية عدنه بيها اربعين شق
5 كلمات عدنه بيها اربعين شق اني راح اخذ من عدها 3 شغلات واختصرها.

الشق الأول انسان بار اهله هذا ماعدنه شي ويا وبحياته وهم احياء بس من ماتو ما بارهم هسه تكولون شلون؟ ﭼـا هو غير بارهم وهما ماتو؟
الامام يقول: أنَ الأنسان من الممكن ان يكون بار بوالديه وهم احياء وان يكون مبغض وهم اموات
(كيف يا ابن رسول الله؟) قالَ لم يزورهم لم يقرء لهم القرآن لم يُصلي لهم.

أذن انهُ سالفة ويا الوالدين انهُ الى اخر حياتك ماتو
انتَ شنو؟ مستمر بأنك ان تكون بار زين هسه الشق الاول اخذنه منه (بار في حياتهم)
الشق الثاني من الممكن ان يكون بار بحياتهم ومبغض في مماتهم باعرهنا لازم يبرهم .

الشق الثالث بار بحياتهم وبار وهما ماتو بس اكو نوع من الوالدين ما بارهم (منو هما) ؟ هم (علي وفاطمة)
وبلوالدين احسانا تأويل الآية هي علي و فاطمة باطينُها لهذا النبي يقول:(انا وعلي ابوا هذه الأمة)
ولهذا العسكري يقول : (اُمنا فاطمة) شوف اُمنا فاطمة.

فـ بما امهم فاطمة الزهراء وشيصبح علي عليه السلام؟ (ابوهم) فـ كيف تبر فاطمة الزهراء وامير المؤمنين؟ طبعاً بعد بر والديك المادي يعني اكدر اقسمها نوعين الوالدين المادي في الحياة والوالدين المعنوي الروحي.

الوالدين هاي الحياة المادية حياتك والوالدين المعنوي والروحي والقربي وهو فاطمة وعلي عليهم السلام وكيف تبرهم هسه هاي الآية الخامسة.

الآية السادسة هم اعرضها ؏ روحك طبعاً هسه انت هذني اذا من الأن تريد تطبقهن وتكول انه مسويهن شنو خلص بعد؟ اكلك لا تكدر تعكس الوضعية كلها ان تتوب لله عز وجل وطبقهن مثلاً هذه

الآية سادسة :

6 -( وَلَا تَقْرَبُوا الزِّنَا ۖ إِنَّهُ كَانَ فَاحِشَةً وَسَاءَ سَبِيلًا).
الامام الصادق يقول: انَ الزنا يخرج روح الأيمان يعني بعد روح الايمان خرجت من عنده شنو يبقى محتوا؟ فارغ بقى بس كـﭭـر بعد زين هسه يدخل مقدمة الزنا ياهوا؟

الغناء! يقول مولانا الرضا: ان الغناء هو أخاً لزنا مقدمة يصنع طيب الزنا هم انواع ترا مو زنا الا بقرب الجنسي او المجماعة النظر! كذلك اكو انسان تجد عينهُ زانية! واضح؟ من الممكن الأنسان يكون لسانهُ يزني (حفظ ألسن كـحفظ الفروج) شفت؟.
بيها عدة امور هذه الآية السادسة واحد يعرضها على رروحة .

الآية السابعة وياما شكد طايحين بهاي الآية هسه بصورة يدرون واكو بصورة مايدرون :

7 - ﴿ يَا أَيُّهَا الَّذِينَ آمَنُوا لَا تَأْكُلُوا الرِّبَا).
هاي شكد طايحين بقضية الربا! الربا في العمل الربا في مشاغل! حدث بلا حرج!.

هسه هذني الآيات السبعة شكد صحيت؟ آيات سبعة انت ماخذ بيها شكد؟ شكد نتيجة هذه آيات مابينك وبين الله شنو؟ :

1- الصلاة في وقتها
2- الصيام
3- الخمس
4- الحج وقلنا حج الحب والعشق حول قلبك
5- الوالدين المادي والمعنوي
6- والزنا
7- والربا

هذني شكد انتَ مطبقهن؟ اليحب يجاوب خلي يكتبلي شكد من 7 ؟ كم صح عندك؟
وهذني سبع أيات الي الله أمرنه نطبقهن كلهن💚
التكملة غداً ( سبع آيات الله نهانه عنهم) بأذن الله .

من حساب الأخت Layla_Alsoltany
.
.