في بيت ابو ياسر ..
قبل وقت السحور ب ساعه بسطو البنات الفراش و قعدو هم و جدتهم و امهم
ود: جده وش قالت ام احمد
ام سعد: ما قالت شي بس الظاهر تتجي
وتين: وش يعني ليكون بيجون بناتها
غلا بصوت ضحكه: طيب و اذا جن معها وش بيصير
ود: وش نلبس بنشوفهم بعد غياب و اكيد متغيرات
وتين بضحكه: هيي حبيبتي هدي ترا مو ملائكه تراهم نفسنا بشر
ود: ايي اعرف اسكتي انتي
وتين: خيرر تسكتيني انتي ووجهك
غلا: خلاص انتي وياها اسكتو
جاهم ياسر بنص الهواش: خيرر وش عندكن تتهاوشن
غلا: عند البس عند وش مثلن
ياسر: ايي اصلا كل البنات همهم واحد و هو البس
ود: لاا باقي هم المكياج وهو اختيار لون الفستان و الكعب و
ياسر: خلااص لا تتكلمين ليتني ما تكلمت وش ذاا كله
غلا: اوه و باقي بعد اكملك
ياسر: لا مشكوره اقتنعت من كلام ود انه مو واحد
وتين بصوت ضحك: اي افهم معاناتنا شوي
ياسر: الله يا المعاناة الخايسه ذي
ام ياسر: ياسر يمه شريت الاغراض الي قالتهم الك غلا
ياسر: اي يمه شريتهم وطيتهم في المطبخ
ام ياسر: ما تقصر يا ولدي
غلا: ياسر زيد ذا متخرج ولا يدرس للحين
ياسر: ما ادري ولله
وتين: اوهه يمديه يتخرج و يتوظف بعد
ود: ويتزوج كمليها
وتين: لا تو ما وصل ال ها المرحله
ياسر: ما ادري يمكن انه قد تخرج
غلا: طيب وش تخصصه
ياسر: كني سمعت عمي ابو سلطان يقول متخرج من كلية الطب ما ادري صدق او كذب
ام سعد: ما شاء الله أجل دكتور بيصير
ود: اكيد يا جده وش بيصير متخرج من كلية الطب بيصير مهندس يعني
ام سعد بضحكه: ايي ولله انك صادقه
ياسر: بس ما توظف للحين
ام ياسر: الله يرزقه
كلهم: امين
جاء وقت السحور تسحرو كلهم و نامو لن بعد بكره في اليل عندهم عزيمه ( تعرفون قبل العزيمه الشغل يكون كثير و تعب )
في ال صباح قام ياسر على الساعه ٩ و راح يشري ذبيحة هو و سلطان مر سلطان و طلعو
سلطان: صباح الخير
ياسر: صباح النور ما تاخرنا صح
سلطان: لا تو باقي الظاهر السوق ما فتح
ياسر: اشوا خل نخلص بدري و نطلع
سلطان بصوت ضحك: من ينتظرك قلي
ياسر: ابوي من يعني
سلطان: هدمت احلامي الله يقطع بليسك
ياسر: الله يا ها الاحلام ولله
سلطان: عاين قدامك بسرعه خل نخلص بدري وراي دوام
ياسر بصوت ضحك: اوهه نسيت ان عندك دوام ههههه
سلطان: ايي اكيد تا تنسى انت لا دوام ولا شي مرتاح
ياسر: اكيد مرتاح الحمد للٌه انام و اصحى على وقت الفطور
سلطان: الله يعطيني من حظك يا شيخ بس
وصلو ال سوق الغنم و لخذو الخروف وطوه عند المزرعه و طلعو نزل ياسر سلطان عند بيته و راح هو ال بيتهم لقى وتين قاعده في الصاله لحالها قال ياسر بصوت شبه عالي: وتين وش تسوين هنا ذا الوقت
وتين بخوف: بسم الله خوفتني وش فيك
ياسر: أقول وش تسوين ورا ما نمتي
وتين: قاعدة احط مناكير
ياسر: وش تحطين
وتين: مناكير
ياسر: وش ذا
وتين: يحط على الاظافر
ياسر: صاحيه انتي ولا مجنونه
وتين بصوت ضحكه: وش رايك انت يعني اكيد صاحيه
ياسر: لا ولله مجنونه طيب اذا خلصتي من ذا الشي قومي اكوي لي ثوبي
وتين: طيب حاضر ابشر
ياسر: شاطره
