اولا السلام عليكم ...
ثانيًا:- بخصوص البنات اللى سألوني علي معاد تنزيل الفصل، فأنا هجاوبكم ياجماعه معاد تنزيل الفصل كل سبت وأنا والله بحاول إني أكتبه بدرى وأنزله يعنى بدرى عن كده مش أخليكم مستنين أسبوع بحاله بس أنا الاول كنت بنزل تقريبًا كل شهر أو أقل على حسب لأني مكنش فى حد بيقراء الرواية غير قليل جدًا بس أنا لما لقيت ناس بتشجعني بجد وفى ناس بدأت تتابع الرواية قولت أخليها كل أسبوع، ولأنى مش ببقي فاضيه بقيت الاسبوع وببقي فى المدرسه وفى الدروس مش ببقي فاضيه، وهتقولولى إن فى كاتبات كتير بيروحو دروس ومدرسه وبيكتبوا فى معادهم هقولكم أنا غيرهم لأني أنا مدرستي مسائي ده أولًا ثانيًا التليفون ده مش بيبقي معايا طول اليوم مش باخدة غير الساعه ٤أو٥ ده بعد ما باجى من الدروس والمدرسه وكمان بيبقي فى شغل ليا على التليفون وليا أشغالى بردو اللى فى البيت وكده، فياريت تسامحوني لأنى بتأخر عليكم فى البارت وأنا أسفة بجد لأى حد بينزعج من تأخر الفصل وياريت تقدروا ده🥰
وفى حاجه كمان ممكن أنتم بتستغربوا إني مش بطالبكم بالنجمه والكومنت هقولكم إن أنا الحقيقه أهم حاجه عندى إن الرواية تنال إعجابكم ولو بمقدار بسيط ومتكونش رواية بير سلم زى ما بيقولوا رغم إن معترضة على الكلمة دى لأن مفيش رواية بير سلم أو متستحقش، لأن كل كاتبة بتتعب فى الكتابه وفى روايتها ده بعيدًا عن الروايات اللى فيها مشاهد خارجه ومش حلوة وبردو الروايات اللى بيبقي السرد فيها مش مظبوط مرة فصحي ومرة عامى، بس ده ممكن يتعدل وأنا والله بحاول أعدل السرد على قد ما أقدر لذلك أحبائي أتمني تكون الرواية ظريفه وخفيفه عليكم وأنا مش هممني خالص النجمه والكومنت أهم حاجه أنكم فى الأخر مش تقولوا دى كانت رواية ملهاش لازمه وكلامها كله كلام فاضي وأنا بكتب لأني بحس براحه فى الكتابه وجاية امتعكم بروايه وفكرة ممكن تكون اتعملت قبل كده وممكن تبقي مختلفه بس أنا أهم حاجه عندى إنكم تكونوا أستمتعتم بيها وفى الاخير أحب أقولكم إن خلاص الرواية فضلها كام فصل وتنتهى ومحبتش أخليها طويلة أوى لانها بتبقي بايخه بصراحه يعني
عشان كده بتمني من كل قلبي إني مكنش كاتبة دمها تقيل عليكم😂 وأسفة لو طولت عليكم...
سلام عليكم ورحمة الله وبركاته✨
أنت تقرأ
فتاة العالم السفلى "مكتمله"
Fantasyفتاه عاديه جدا ولكن قدرها ليس عادى انها ... ( الجمر المحترق والجليد المنصهر فأحذر ان تقترب من احد يخصها فوقتها لا تلوم الا نفسك ...) انها ( " فتاة العالم السفلى " )
