Jonquil [ PSH X SJY ] (One short)

Jonquil

This is a re-creation of a short story I've read and I think everyone will like it.

[ Song recommendation - ( Letter I ) by Zenith ]

"ဆောင်းဟွန်း ပန်းစည်းလေးကလှလိုက်တာနော်။ ဂျယ့်ကိုပေးမလို့လား ဘာပန်းလဲဟင်"

ဒီနေ့က ဂျယ်ရဲ့မွေးနေ့မို့ Jonquil ပန်းအဝါလေးတွေကို သေချာယူလာခဲ့တာ ။ အဝါရောင်ကပျော်ရွှင်ခြင်းအရောင်လေ ။ ပြီးတော့ Jonquil ပန်းက...။

ပန်းစည်းကိုကိုင်ရင်း ခုန်ဆွခုန်ဆွနဲ့ ဂျယ်သေးသေးလေးက ကျွန်တော့်ဘေးမှာပါလာတယ် ။

"သူ့နာမည်က Jonquil တဲ့ဂျယ် ၊ သူ့အဓိပ္ပါယ်က...''

ဆောင်းဟွန်းမပြောပဲ ငြိမ်သွားတော့

" ပြောပါဆို ဆောင်းဟွန်းရာ ၊ ဂျယ်သိချင်လို့ပါနော်"

ပန်းတွေကို တယုတယကိုင်တွယ်နမ်းရှုံ့နေရာကနေ ဂျယ်ယွန်းလေးကဆောင်းဟွန်းကိုနှုတ်ခမ်းခပ်စူစူလေးနဲ့မျက်စောင်းလေးလှမ်းထိုးလာတယ် ။ ဆောင်းဟွန်းကတော့ ရယ်ကျဲကျဲနဲ့ရယ်

´´ ဟီး.. ကိုယ်လည်းမေ့သွားလို့ဂျယ်ရာ ၊ မေးတော့မေးလာတာပဲ ''

ဂျယ်ယွန်းက ဆောင်းဟွန်းအတွက်ငယ်ပေါင်းသူငယ်ချင်းမဟုတ်ပေမယ့် ငယ်ပေါင်းသူငယ်ချင်းတွေထက်ပင်ပို၍တွယ်တာရသောသူငယ်ချင်းတစ်ယောက်။ ဒါပေမယ့် တခြားသူငယ်ချင်းတွေလိုလည်းမဟုတ်ပြန်ဘူး။ ဂျယ်ယွန်းနဲ့ဆောင်းဟွန်းကတော့တခုခုထူးခြားနေတယ်။

သူ့ကိုယ်သူ"ဂျယ်"လို့သုံးနှုန်းတတ်တဲ့ကောင်လေးကိုဆောင်းဟွန်းကလည်း"ဂျယ်"လို့သာတစ်လုံးတည်းအဖျားစွတ်ခေါ်တတ်တယ်။

ပုံမှန်သူငယ်ချင်းတွေဆို"မင်းနဲ့ငါ"လို့ပြောလေ့ရှိကြပေမယ့် ဆောင်းဟွန်းကတော့"ဂျယ်"နဲ့ "ကိုယ်"သာသုံးနှုန်း​တာမျိုး။

ဂျယ်ယွန်းကတော့များသောအားဖြင့်"ဆောင်းဟွန်း"လို့သာခပ်ရိုးရိုးခေါ်တတ်ပေမယ့် တခါတလေဆို "ဟွန်း" "ဟွန်းနီး" "ဆောင်းဟွန်းနီး"ဆိုပြီးကပ်ချွဲလေးလုပ်သေးတာလေ။

ဆံပင်လေးကိုနဖူးပေါ်ခပ်ဝဲဝဲလေးချထားတတ်ပြီး hoodieအပွလေးအမြဲဝတ်လေ့ရှိတဲ့ဂျယ်ကbobaလုံးလေးနှယ်သိပ်ကိုချစ်ဖို့ကောင်းတာ ။