ي ابوي مثل حب متعب للريم ما انت لاقي

البارت 25

كنت جالس التعب ذبحني ماهو مرض ولا تعب شغل كان تعب نفسي اكثر من انه تعب جسمي عجزت اتخيل ان اختي حبيبة قلبي بالبير مر لها يومين وانا لا ليلي ليل ولا نهاري نهار قسم بالله ما انام زي العالم والناس والمشكلة ابوي في ذا الموضوع لا يستقبل ولا يعطي ما توقعت قلبه قاسي لذي الدرجه لفيت على زوجتي الي جلست جنبي  وهي متوتره ادري اني قصرت معاها وكنسلت ام السفريات ولا طلعت الا من بيتي لبيت امها لبيت اهلي بس الظروف وقفت ضدنا ذي الفتره من غير النفسية!
تكلمت وكنها خايفه من ردة فعلي او مني انا شخصياً/ عزامم بغيت اقولك شي!!
ناظرت بها بستغرب/ اسلمي ؟
قالت بهدوء بس معها رجفه وتوتر/ عزامم انا امم كيف اقولك الصراحه ما اعرف اطبخ
ناظرت بها شوي مالي رغبه اعاتب واصرخ واكبر الموضوع يعني وش متوقع من بنت المدن الي حولها شغالة/ ما عليه سجى أساساً ابو وافي اليوم معشي اهلي
تكلمت بستغراب/ وش المناسبة؟
تكلمت بضيقه/ ابوي نشر موت اختي واهل الديره وصل لهم العلم
وقفت مو مستعد اسمع واتكلم عن ذا الموضوع بذات
وطلعت .
.
.
.
طلعت من البير وانا ارجف من كل شي لكن اكثر شي كان الخجل قسم بالله خجل غير طبيعي الله لا يحطكم مكاني لما شالني ويده على خصري وهو بعد كان بقمت الخجل ما الومه والله رفعت راسي للبنت الي قبل شوي راحت يم السيارة وهاذي هي رجعت معاها عباه ونقاب وطرحه وذاك الولد راح يم السيارة تكلمت وحده كبيره بسن/ ي بنتي البسي العباه وتعالي معنا وانتي ي الهنوف خذي اختك وروحي جيبي القهوه والزوليه لين يخلص اخوك من تصليح السياره لبست العباه وكل شي وجلست وانا اشوف به سياره ثانيه وقفت عند السياره المتعطله والي واضح انهم يقربون لبعض نزل من السياره شاب بس نزلت نظري بعدم اهتمام قالت لي العجوز/ انا ي بنيتي ام عقاب تقدرين تقولين لي فدوى انا ي بنتي ربي رزقني بعقاب وليث والهنوف وتركي ونجلاء و الجازي
وزوجي مات مع واحد من عيالي اسمه ياسر بحادث وتحمل ولدي عقاب مسوليتي ومسوليتة اخوانه
مدري وش قالت بعد بس قعدت تمدح بعقاب ذا والله راسي خلقه مصدع وذي تزود علي بغيت اقول خلاص وش دخلني انا بقصة حياتك بس استحيت على وجهي وسكتت الصراحه قلبت المواجع من اسم امي ذي العجوز او بختصار فدوى عندها بنت باسم امي الصراحه العجوز طيبه بس مزاجي الحين مو رايق صبت لي قهوه وهي الى الان ما سالت وش جابني للبير
جن بنات العجوز وجلسن لكن العيال كانوا عند السياره ونادى احد منهم وهو يقول لمو عفشكم مشينا وقفت ام عقاب قالت لي بحنان/ امشي يمه معنى هزيت راسي برفض وقلت بهدوء وانا اشوف الفضول بعيون البنات/ انا ي خاله كنت اسعد انسانه ممكن تشوفينها لكن لعبت بي الدنيا وما كتب لي ربي اعيش مع امي باقي العمر انا ي خاله صارت معي اشياء تشيب الراس واعتقد لو اقولها لك راح تسحبين عيالك وبناتك وتتركيني مثل الي فعلوه اهلي انا ما اقول لك كذا عشان تشفقين علي انا حبيت اوضح لك الصوره بلا يجي يوم وتنصدمين
جلست العجوز وهي تقول/ والله ما احرك والا وانتي معي ونذر ما اترك لو انك مسويه مصايب العالم كله انتي دخلتي قلبي انتهينا
غمضت عيوني ونزلت دموعي وقلت ببحه/ ي خالهه ما عدت اعرف حاجه احسني ضايعه اعز الناس خذلوني ظلموني
وبكيت وانا احكي بحرقه لها كل شي صار لي بتفصيل
والي يصدمك تفاعل البنات معي وهن يدعن على اي شخص اقول اسمه بالقصه وخصوصاً لافي
.
.
.
كنت انا واخوي نسمع السالفة يالله وش ذا المجتمع الذكوري الغير متفهم مالها ذنب ليه يعاقبونها على شي مهوب بيدها ؟؟
لفيت على ليث الي قال بغبنه/ ليت ذا الافي بين يدي وش ذا الوقاحه!
ليرد عليه تركي بغبنه اقوى/ لعنبو ابليسهم الحين رامين بنتهم بالبير ومخلين السلوقي يصرح ويمرح!!
ابتسمت على حماس اخواني
ولفيت على امي وخواتي الي متحمسين ومتاثرين بسالفه والجازي معاها منديل تمسح دموعها وتشهق!
سكتت البنت وهي تقول بغبنه/ رغم الي سوه برجع لهم واقول لهم الحقيقة اخاف يوم الحساب يكونون ظالمين وقتها بيتعذبون!
.
.
.
جلست وانا اشوف ساهي يجلس جنبي وهو يقول بضيقه/عزام ابوي زوج كل خواتي لعيال عمتي وعمي!
وقفت بقهرر وغضب غير طبيعي وانا ادخل المجلس حق الرجل ما كان به ناس يعزون فقلت بغضب وانا اشوف اهلي كلهم واهل عمتي وعمي هنا حتى خواتي هنا/ مهوب معقوله الي سمعته وش ذنب خواتي بسوات الريم ي يبه وش ذا الي تسويهه
صرخ مطلق وكنه قنبله تنتظر الوقت عشان تنفجر/اعقب واخسى ي هذا انا ابي امن خواتك قبل لا اندم هتيف لخالد غدير لغازي وغصون لسعود!
انا ي دوب غطيت الفضيحه والله يسعد زياد الي خذا ابوه وطلع من الديره ولا حكى لحد وانا لو ما لقيت كذبه كان رحناا بهاا
صرخ يعقوب الي مختفي وتو اني اشوفه عيونه حمراء/هاذا الي يهمك ما فكرت وش تسوي الريم بالبير؟ ما فكرت لو ان زياد لعب بتحليل ؟ ما فكرت كيف صار لها كذا ؟
ليش قلبك قاسي لذي الدرجه ؟
الريم ما تسوي كذا ي قو قلبك قواه مانت خايف من الله ياخذ حق بنتك من...
ما كمل كلامه الا وعمي معطيه كف وهو يصرخ بنفس غضب ابوي/الا ي الخصيص تصرخ على ابوك؟
الريم ماتت رحمت الله عليهاا لا تزيد بهرجك ي ولد ابوك

شدخله ذا؟
هرجه طلعت من هتيف بصوت واطي
لفت غدير لها وبضيقه معها سخريه وهي تمط شفتها بذجر/ ذا يمين ابوي ومحامي الدفاع حقه
.
.
.
طول ما كنت معاهم بسيارة كانوا شغالين اسالة وهرج ووو
الصراحه مره يجننون
كانت السيارة جيب
قدام عقاب وجنبه امه
وراء الجازي ونجلاء
وانا والهنوف اخر شي
اما ليث وتركي فهم على السيارة الثانية
وصلنا ديرتهم الي جنب الطايف لكن منفصله شوي عنها
نزلت وانا اسمع الجازي تقول/يمه من الحين اقولك الريم معي
لتصرخ الهنوف برفض/مهوب على كيفك
ردت الجازي بردح/انا قلت اول
مر من عندهم عقاب وهو يقول بذجر/لا انتي ولا هي البنت لها غرفة ياسر او غرفة طليقتي

دخلنا للبيت الصراحه كبره يصدم غير الحديقة الي تفتح النفس
فتحت لنا الخدامه ودخلنا جلست بصاله لين جهزت الخدامه غرفتي ورحت وطقيتها نومه
.
.
.
ومرت الايام علينا وتعلقت بهم مره الا ان قالت نجلاء/بكره زواج بنت خالتي هدى خلونا نروح مع ليث لسوق
الصراحه كنت محتاجه اشياء كثيره من السوق بس ما معي فلوس وانا استحي اخذ منهم/روحوا انتم انا مالي دخل
تكتفت الهنوف بطول بال/ وليش أن شاء الله؟
قلت وانا ادور عذر/والله ماله داعي احشر نفسي بينكم احس شكلي غلط
ضربتني الجازي على راسي وهي تقول/انا اقول ادفني احساسك ذا
هزيت راسي/سمي
جت ام عقاب قالت وهي تمد لي فلوس/ خذيها ي بنتي اشتري بها الي ينقصك
رفضت وانا احس بخجل ومع اسرار البنات وامهم خذيتها ورحت معاهم
.
.
.
.
صوتوا عشان اكمل....