ذنبه عظيم عند الله،من أطفأ وهج الحياة
في عين أنسان كانت أيامه بخير...🥀💔
- شنو ضاع شبابها شبيها
- يمعوده شرطه و تحقيق الدنيا مكلوبه ببيتهم ماتدرين ؟
- ش ش شنو !!!!
ركضت ع رجلي كتله : امشي بسرعه
- شبيج ماكملنا مسواك
- بسرررعه
رجعنا للاطراف نزلت قريب ع بيتهم ركض وصلت ادك بالباب محد يفتح
انداريت وره البيت و الجوانب ادك عالشبابيك البردات مسوده و ماكو صوت
ضليت امشي بالشوارع و يا بيت نلكي انزل اسئلهم عليها
الي يسد الباب
والي يخاف يفتحلنا
والي يعوفنا و يمشي ميرد علينا
كلها خافت ع نفسها واني مثل الاطرش بالزفه مافتهمت ليش
رجعت للبيت ادك عليها تلفونها مغلق افتر راسي من الخوف عليها
لحد ما ثاني يوم سمعت مدير المطعم مالتي يحجي ع بنيه مختفيه
دا اخذ اوردر اكتب و ارجف
اريد بس اخلص و اروح اسئله هو يحجي للي يمه
رحت عليه : منو هاي البنيه شنو القصه ؟
باوعني : ماشاء الله اذنج تسمع الصوت من تلفات الدنيا
- سمعت اطراف الحجي مافتهمت شي صار عندي فضول يعني .. منو منو هاي شصاير وياها ؟
أنت تقرأ
مذكرات قاصر
Storie d'amoreقصة بنيه عراقيه من ارياف الشمال تمشي بطريق و بقرارات مصيريه تكلب حياتها 180 درجه القصه حقيقيه 100% تابعو ❤️
