(Unicode)
လူကြီးချင်းစီစဥ်တဲ့ မင်္ဂလာပွဲအပြီး မင်္ဂလာဦးညမှာ သတို့သားနှစ်ယောက်က ကုတင်ပေါ်မှာထိုင်နေကြသည်။ နှစ်ယောက်လုံးက ပင်ပန်းနေပုံရပြီး တစ်ယောက်ကိုတစ်ယောက် ကောင်းကောင်းမကြည့်ကြပေ။
ကာယကံရှင်တွေသဘောမတူခဲ့တဲ့ မင်္ဂလာပွဲက အနည်းနဲ့ အများတော့ စိတ်ပင်ပန်းစေသည်။
မင်္ဂလာလက်ဖွဲ့အနေနဲ့ရထားတဲ့ အိမ်အသစ်ကြီးထဲမှာ လေထုကလည်း စိမ်းသက်သက်နှင့်။
King size မွေ့ယာကြီးပေါ်မှာ နှင်းဆီပန်းနီနီတွေဟာ အသည်းပုံစံ ဖော်ထားခြင်းခံရသည်။ ခပ်လှမ်းလှမ်းက စားပွဲပေါ်မှာထွန်းထားတဲ့ ဖယောင်းတိုင်ရဲ့ အမွှေးရနံ့တွေကလည်း အခန်းထဲမှာ ခပ်သင်းသင်းပျံ့လွင့်နေ၏။
မင်္ဂလာညစာစားပွဲအပြီးမှာ သတို့သားနှစ်ယောက်လုံးကလည်း ခြေကုန်လက်ပန်းကျချင်နေပြီဖြစ်သည်။
" ခင်ဗျား ဒီအခန်းထဲမှာအိပ်လိုက် ။ ကျွန်တော်က တခြားအခန်းမှာသွားအိပ်မယ် "
မျိုးဆက်ပြန့်ပွားဖို့အတွက် ရင်သွေးလေးလွယ်နိုင်တယ်ဆိုတဲ့ သတို့သားငယ်လေးဆီက စကားထွက်လာတာဖြစ်သည်။
တကယ်တမ်း ဒီမင်္ဂလာပွဲက အသိုင်းအဝိုင်းကြီးနှစ်ခုရဲ့ စီးပွားရေးဆန်ဆန် ပေါင်းစည်းခြင်း တစ်ခုသာသာပင်။
သတို့သားငယ်လေးရဲ့ အပြောကို သတ်ို့သားကြီးက မကြည်သလိုကြည့်သည်။ တကယ်တမ်း သူတို့နှစ်ယောက်လုံးလည်း တစ်ယောက်ကိုတစ်ယောက် သဘောမကျကြပါ။
ဒီတိုင်း နှစ်ဦးနှစ်ဖက် အဆင်ပြေဖို့အတွက် လက်ထပ်မယ်ဆိုပြီး ခေါင်းငြိမ့်ခဲ့ကြရုံပဲဖြစ်၏။ အထွေအထူးခံစားချက်ဆိုလို့လည်းမရှိကြ။
အထူးသဖြင့် သတို့သားငယ်လေးက အခု မတော်ချင်လည်းတော်နေရတဲ့ သူ့အမျိုးသားကို သိပ်ပြီးကြည့်လို့မရ။
ပြောရရင် အခုသူ့ရှေ့မှာထိုင်နေတဲ့ အမျိုးသားက ပိုင်ရှင်ရှိသည်။ လက်မထပ်ခင် တစ်ပတ်အလိုမှာတောင် သူ့ရည်းစားနဲ့ အတူရှိနေတာ တွေ့ခဲ့သေးသည်။ တကယ်တမ်းတွေးကြည့်ရင် စိတ်ပျက်စရာကြီး။
YOU ARE READING
Stay with me forever
Fanfiction-I can't stay away from you - This story is from my imagination. This is just a fan fiction that has nothing to do with reality.Please don't take this serious. This is a mpreg story. If you don't like this kind of story don't read this. Thanks! Thi...
