في مجلس الرجال ..
بعد الاذان الكل أفطر كان العشاء بس عشاء رجال
و الرجال بيتجمعون بعد صلاة العشاء
قال سلطان: يا عيال قومو خل نصلي ما بقي شي و يجون الرجال من المسجد
سالم: اي صدق لا يعصب عمي علينا الحين بعد
ياسر: اووه ما نسيت عمك و عصبيته للحين
سالم: و أجل هذا شي ينسي يعني
زايد: ههههه حنا عندنا ابوي ما شاء الله ما يخلينا نفقد عمي و عصبيته
زيد: ايه ولله انك صادق
ياسر: تعودو عليها من الحين أجل
قامو العيال ال المسجد و صلو و رجعو قبل لا يجي احد من الصلاة عشان يجهزون قال ياسر: يا زيد
زيد: هلا
ياسر: تقدر تجيب القهوه من داخل
زيد: أنا ولا من داخل
ياسر: اي انت و من داخل شفيك
زيد: و خواتك
ياسر: اييي نسيت انك كبرت ولا عاد تشوفهم
زيد بضحك: تعود على ها الشي يا ولد العم
ياسر: طيب تقدر تجي معي صح
زيد: ايي ذا ما عليه
طلع زيد مع ياسر متجهين للمطبخ دخل ياسر قدام و زيد كان واقف وراه عند الباب
وتين: ياسر هاك القهوه ذي الدله الاولى و الثانيه
ياسر: الباقي عطيهم زيد
وتين: زيد و هنا صاحي انت
ياسر: واقف ورا وش فيها لا جاك ولا جيتيه
وتين: طيب طيب لا تاكلني
ياسر: زيد تعال اخذهم
زيد: خلها تنزلهم و انا اخذهم
ياسر: وتين نزليهم و اطلعي بياخذهم هو
طلعت وتين قال ياسر: اخذهم و اخذ الشاهي و الحقني
طلع ياسر قبل زيد و قعد زيد يجمعهم بياخذهم مع بعض دخلت عليه غلا: بسم الله من انت
زيد صد وراه على طول: لا تخافين أنا ولد عمك
غلا: وش تسوي هنا لحالك
زيد: كنت مع ياسر و هو طلع و انا كنت باخذهم و اطلع
غلا: طيب
طلع زيد و وده يلف مره ثانيه و يشوفها و وده يعرف من هي: يا ترى هاذي الحلوه من هي اكيد من بنات عمي بس ولله انها حلوه
غلا طلعت بعد من المطبخ و هي تبي تعرف من هو من عيال عمها لأنه مو سلطان اكيد: يا ربي من ذا اكيد من عيال عمي محمد بس من يا ترا لازم اعرف
____٭____
في مجلس الحريم ..
كانو البنات قاعدين يسولفن جت وتين من المطبخ قالت نوف: وتين منين جايه
وتين: من المطبخ من وين يعني الله يهديك
نوف: طيب غلا وين راحت قبل دقائق للمطبخ
وتين: ما ادري يمكن للحين هناك عند زيد
نوف: عند مننننن
وتين: اوه نسيت اقولك ياسر جاء المطبخ و معه زيد أنا طلعت لانه كان بياخذ القهوه
نوف: أن شاء الله ما يشوفها بس
ود: اييه
جت غلا قبل لا يكملون و قعدت و هي تفكر من الي شافته
قالت نوف: هاه غلا شفتي احد في المطبخ
غلا: هاه اي شفت واحد من اخوانك
نوف: شافك هو ولا لا
غلا: لا صد على طول حين شافني بس ما قال من
نوف: بغير زيد
غلا: و انتي من قالك
نوف: وتين تقول جاي مع اخوك ياسر بياخذ معه القهوه
غلا قعدت تجمع ملامحه في رأسها بس ما شافته زين لانه صد عنها على طول
قالت اسماء: غلا وش فيك تفكرين
ما ردت غلا قالت وتين: هيي غلا
نوف: البنت راحت مو معانا
ردت غلا: هاه وش تقولون وش فيه
اسماء بضحك: من المحظوظ الي تفكرين فيه هذا
غلا: لا ولله بس افكر في شغله ما افكر في احد
نوف بضحك: متاكده غلويي
غلا: اييه ليه تسائليني وكنك ماسكه شي
نوف: لا بس كذا اسئل ولا ما اعرف شي
وتين: ايه صادقه ما نعرف شي
امل: بنات وش عندكم وش فيكم عليها
وتين: نوف شوفي هاذي المدافع الرئيسي عن غلا أقول لك من الحين
نوف: انتي صادقه
وتين: ايه ولله صادقه
امل: اكيد بدافع عنها ليه مو بنت خالتي بعدين حرام عليك ذا الوجه ما يدافع عنه قولي لي
وتين: الله يهنيكم في بعض
قعدو يضحكون من كلام وتين الي ماله داعي
____٭____
في مجلس الرجال ..
دخل ياسر و معه القهوه و جاء وراه زيد على طول و كانه مرتبك شوي نزل القهوه و وقف قرب منه سالم: وش فيك انت
زيد: تعال شوي ابيك
طلع زيد مع سالم برا قال اله: هاه وش عندك اخلص
زيد: سالم
سالم: هاه قال
زيد: شفت وحده
سالم: هاه وش تقول انت من شفت و وين
زيد: اكل تبن مو كذا شفت وحده من بنات عمي
سالم: اشوا طيب من شفت
زيد: مدري ما عرفتها بس كانت واقفه قدامي و انا في المطبخ بس صديت على طول ما شفتها زين
سالم: ما سئلتها من طيب
زيد: لا ولله ما خطر على بالي بس لا تقول ال ياسر و تصير مشكله مو ناقص
سالم: لا ما راح تقول شي ما دام انها ما قالت حين شافتك
زيد: اشوا ريحتني ولله كنت بموت من الخوف
سالم: بس كيف يوم شفتها حلوه
زيد: اقول امش بس خل حلوه ولا مو حلوه صاحي
دخلو العيال المجلس و كان زيد يفكر في شكل غلا الي شافها و وده يعرف من هي
(انتهاء البارت) ..
