عجبي على قُلوبنا حين تتمسك بالوهم
وكأنه حقيقه
برغم وضوح الحقيقه وضوح الشمس!
اماني : راح مصطفى وابوه وضلينا بس احنه بالبيت حسام يباوع عليه بنظرة نصر عود مسوي فد معجزة
البقيه وجوهم مكلوبه ومحد راضي على الي صار قبل شويه
جاسم : اسمع لكككك حسااااام احنه من شوكت ننهي ومانخلي للمرة اختيار تختار شنو الشغله غصب لو بكيفك عمك كدامك كاعد ماتحترمه تشوف رئي بنته لو احنه مو بعينك حضرة الرائد حساااااااااام جااااااااسسسسسممم
حسام : عاجبتني البت ونهيت بكيفي الي رادت ولي ماردات
جاسم : اسمعه يمسلت ومكيف بمسلته كمتله ونطيته كف فر وجهه فر
سهام : ياااا شجاك جاسم من شوكت تمد ايدك على حسام
جاسم : من اليوم الي ماحترم وجود عمه ووجودي يمه وكام يتصرف بكيفه تقبلين على بناتج يتزوجن من دون ما ينخذ رئيهن شنو احنه جهال يصتصغرنه كدام الزلمه وابنه هااااااااا
حسام : كتلك بويه اهواها انيييي شنو اني ابن عمها وخلي غيري ياخذها شنو
جاسم : اسسسسمع لكك تهواها تتقدم مثل الاوادم وبالرضه وابوها مانطه مجال للزلمه من شفتني ساكت مامدخل غيرر تنجب وتخلي عمك يحل الموضوع وراها يحلها الف حلال
لؤي : اني مارضيت على الوضع ابد وكسر خاطر مصطفى عليه ابد مو سهل ومال حسام ينهي على اماني وماخذ قرارها ابد مارضيت عنه عمي يرزل بحسام بس اني ماجاني صبر
-مامرجيه منك ابن عمي يعني كلنا موبعينك نحل الموضوع الي سويته حل يعني بنيتنا شنو مالها حق تختار وين احنه بعصر الجاهليه
محمد : كافي لؤي
لؤي : سكتني ابوي وله اني مفول عليه باوعت على اماني وامي
-حضروا نفسكم باجر نرجع اماني اجازتها لنصف السنه ترة خلصانه من اربع ايام واني خابرت المديرة وطلبت فوكاها ٥ ايام باجر نرجع حتى اداوم
جاسم : لا وليدي كملو اسبوع يمنا شسالفه
محمد : لا هاهي ياخوي خوش ضلينا وتونسنا بس على كولت لؤي اماني عدها دوام وهي مرحله وزاريه لازم نرجع
جاسم : براحتكم خيي (بفشله)
رسل : ماعجبني تصرف حسام بس بعد الصار صار مابدينا شي غمزت لاماني تصعد لغرفه تلم غراضها
باوعت على سهام ومبين بملامحها الاحراج اكثر من الفرحه ان ابنها قبل يزوج واخيراً
يلا خيتي اترخص اساعد اماني بلم الغراض ردت اكوم ولزمت ايدي
أنت تقرأ
قلبي بيدهِ
ChickLitقصه عراقيه حقيقيه 100% مكتوبه باللهجة العراقيه تتكلم عن امال متعلقه بحب الطفولة لكن مع عواقب ومطبات لهذا الحب (حب من طرف واحد ) يحاول بطلنا بكل ما يملك ليحظا بقلب المعشوقه يُضيعُ الايام والاسابيع والاشهر والسنوات لاجل حٌبهِ يحاول بكل ما يملُك ل...
