قلبي بيدهِ

بارت 22

‏" هذه آخر رسائلي إليك ..
ولَم أكن أتوقع أن أجلس يوماً لأكتب لك رسالة أخيرة، لقد أردتك للعمر كله ولكنها الحياة يا حلو. قاتلت بشرفٍ لتكون لي ولكن الشرفاء أيضاً يخسرون معاركهم!
أتركك الآن وأمضي كجيشٍ مهزوم لم يعد لديه شيء يقاتل من أجله. "

jwhrltm

اماني : غفيت بالم بكل اعظامي مادري بنفسي كعدت على صوت دكه الباب وصوت رفل

كمت متثاقله بالكوة امشي خطوة خطوة فتحت الباب واني ناسيه وضعي والي صارلي البارحه من الوجع

فتحت الباب رفل شافتني وتخبلت وضلت ادك على صدرها

رفل : احجيلي ولج منو مسوي بيج هيج

اماني : صحيت على نفسي من سئلتني هذا السؤال رحت باوعت على المراية حالي مايسر الخاطر ابد شعري منثور وجهي وركبتي كلهن دم مجمد دشداشتي مشككه والهدوم الداخليه واضحه

باوعت عليها وبعيوني انتقام وحقد للحقيررر

-اكووووو غير اخوج المسموووووم من الله لا ينطيه هل حقير

رفل : انصدمت من كالت هذا كله مسويه اخوي حطيت ايدي على حلكها اشششش خيه دخيلج اسكتي لا ننفضح والله تتفاكك العائلتين ياعمري تعالي تعالي

اماني : سحبتني رفل للحمام طببتني فتحت الدوش على البانيو ترسته مي وغسول جسم طببتني بيه بملابسي غطاني الوغف مال غسول يلا نزعتني تدري بيه استحي سبحتني واني اباوع على المي والوغف شلون صار احمر من الدم اباوع واني كَلبي محمل على حسام حقد الدنيا كله خلصتلي خطيه وكملت

رفل : رايحه اجيب ملابسه نظيفه الج لان ماضل وقت راح تطلعون كومي شطفي جسمج من الغسول ونشفي شعرج على ما اجي

اماني : طلعت وسدت الباب وراها اني كمت وغسلت جسمي لفيت الخاولي على جسمي ويمي شسوار شسورت شعري حيل تعبني لان كلش طويل جوة عن ركبت رجلي

كملت وصلت للاطراف فاتت رفل عليه

رفل : هاج هذا برنص البسيه وطلعي للغرفه فتحتلج بيها السبلت على التدفئه وصوبه كهربائيه هم ملابسج كلها على الجرباية واني رايحه اسوي ريوك ويه امي جوة الكم ماضل وقت يلاا

اماني : انطتني البرنص مال حمام وطلعت اني لبسته وطلعت شعري منه وطلعت بطلعتي جان حسام واكف كدام باب غرفته ماهتميت اله ولا اهتميت لشكلي بالطلعه طلعت واني كلي شموخ وكبرياء بعدك ماتعرفني ياحسيييييم مو اني الي يتسوة هيج بيها

عفته وطبيت للغرفه جانت كلش دافيه مال ارجع انام بيها هسة بس لازم اطلع من هل بيت ماريد اضل بعد لو ثانيه اشبع نوم بيت اهلي