رجعت للبيت صفنت ع حالي ضايعه تايهه بتفكيري
لميت هدومي و خابرت ع السايق الي نعرفه
كتله : اذا ماعندك شي تعال عليه راجعه سليمانيه اليوم
و خابرت البنات كتلهم يستنسخولي نسخ من كل محاضره يحضروها تحججت مسافره اشوف اهلي اسبوع وارجع
وصلت لبيتي دخلت صح اشتاقيتله بس باهت مابي دفو
حته الباب لكيت الكيلون مكسور كلت بكلبي حته كيلون معرفت تصلح تنام دشر!!
كعدت ارتب بالبيت نفضت الزوالي كنست مسحت لميت بطاله البيره
و اكو بطاله مكسره مادري شنو جان معصبه و كاسر بطاله
شغلت الصوبات غسلت مواعين لمعت الحياطين طلعت حيفي بالتنضيف
لو مامفرغه طاقتني بالتنضيف جان تعاركت وياه من رجع عالضياع الاني بي
اجه بليل شافني امدده فتحت عيني شفته كاعد يمي صافن عالصوبه باوعني بهدوء كلي : صار مده مامدفي هيج حمدلله عالسلامه
-الله يسلمك
طختني ايده لزمتها كتله دترجف !!
- بردان و تعبان كلش تعبان اسيل محتاجج
كعدت عدلت نفسي
- توقعتك احسن من هيج مو جانت عيشتنا ماتعجبك
أنت تقرأ
مذكرات قاصر
Romanceقصة بنيه عراقيه من ارياف الشمال تمشي بطريق و بقرارات مصيريه تكلب حياتها 180 درجه القصه حقيقيه 100% تابعو ❤️
