اوجاع مستمره

البارت الأول

أوجاع مستمرة ..... الكاتبه ريم الدليمي

ليس هناك اجمل من لمه العائله في بيت دافئ وسعيد ❤️❤️

2007/12/25
_ نايمه وحسيت بابا يريد يگوم من الفراش رجعت حضنته
بابا عفيه لا تگوم خليني نايمه .

_باسني حبيبتي اريد اروح للشغل لا أتأخر والطريق بعيد

_ فتحت عيوني ، صباحححح الخير بابا

_ياسر : صباحي احلى ورده بالدنيا 🌹

_شالني من الفراش وبقه يلعب وياي ويشاقيني

_ زينب : يلا حبيبي گومو صبيت الريوك
صباح الخير مشمش كومي ماما غسلي وتعالي تريكي ويه بابا

_مريم : اي ماما حاضر

تريكنا وصارت الساعه ٧ ضبط  وبابا بدل واني صافنه عليه شلون راح يطلع والجو يگص گص من البروده شفته لبس مدري شنو ع وجهه بحيث مامبينات بس عيونه

_ ياسر : يلا حبيبتي اني راح اطلع ع باب الله ادعيلي
_ زينب : بالسلامه ابو بيتي محروس بالله والنبي

تقدم بابا عليه باسني وودعني ومثل كل يوم  اول ما طلع من الباب
ماما شالتني ع جتفها من الحايط وباوعت ع بابا

_ باباااااااا اححححببببببك
_ ياسر : اموووووت عليج بنوتيييييي
ودزلي بوسه بالهوى

مريم : مامااااااا شوفي بابا شلون سوالي قلب .
زينب : اي حبيبتي ، يلا نزلي راح بابا .
مريم : لالا بعده ماطالع الفرع اوكفي هسه يطلع ونزليني .

_ انتضرت بابا يطلع من الفرع من اختفى وبعد ماشفته نزلت من چتف ماما فرحانه ونعسانه بنفس الوقت

زينب : يله ماما روحي نامي راح انظف البيت واحضر غده الابوج
مريم : اي ماما رايحه ، رحت شلت الغطه من اخوي مصطفى وتغطيت وياه وحضنته ونمت .

_گعدت على صوت المطر الدنيا تزخ زخ مطر قوووي بس الجو حلوو بارد ومنعش

لگيت ماما توكل ب اخوي مصطفى وتلعب وياه وهو يضحك
أجيت بسته وطلعت دفاتري وألواني وكعدت ارسم واشخبط بالدفتر

ما حسيت غير ع دگه الباب الساعه 2 ونص الظهر
_منووووووو
_ اني الحرااااامي 😈

كنا صغار نقعد وقت الغروب بباب الدار ننطر جيت أبونه
يرجع مبتسم بس وجه متعوب ومن يشوفنا يضحكن عيونه
يجي محمل ابونا اشكال والوان وتظل تلوم بيه امنا الحنونه
تعبك هذا تعبك لا يبو فلان تتعب والصغار يضيعونه
لكن يبتسم ودموعه بالعين ويقل لمي التعب يستاهلونه